ಕಾಸರಗೋಡು ಡೆಪ್ಯುಟಿ ಕಲೆಕ್ಟರ್ ಎಸ್. ಶಶಿಧರನ್ ಪಿಳ್ಳೆಗೆ ರಾಜ್ಯದ ಅತ್ಯುತ್ತಮ ಡೆಪ್ಯುಟಿ ಕಲೆಕ್ಟರ್ ಪ್ರಶಸ್ತಿ: ರಾಜ್ಯ ಕಂದಾಯ ಇಲಾಖೆಯ ಗುರುತಿಸುವಿಕೆ

                ಕಾಸರಗೋಡು: ಕಾಸರಗೋಡು ಡೆಪ್ಯುಟಿ ಕಲೆಕ್ಟರ್ (ಭೂಮಿ ನಿಯೋಜನೆ) ಎಸ್.ಶಶಿಧರನ್ ಪಿಳ್ಳೈ ಅವರು ರಾಜ್ಯದ ಅತ್ಯುತ್ತಮ ಡೆಪ್ಯುಟಿ ಕಲೆಕ್ಟರ್ (ಎಲ್.ಎ)ಪ್ರಶಸ್ತಿಯನ್ನು ಪಡೆದರು. ಈ ಪ್ರಶಸ್ತಿಯನ್ನು ರಾಜ್ಯ ಕಂದಾಯ ಇಲಾಖೆ ನೀಡುತ್ತದೆ.
            ಎಂಡೋಸಲ್ಫಾನ್‍ನ ಡೆಪ್ಯುಟಿ ಕಲೆಕ್ಟರ್ ಆಗಿ, ಎಂಡೋಸಲ್ಫಾನ್ ಪಟ್ಟಿಯಲ್ಲಿರುವ ಸುಮಾರು 3630 ಜನರು ಸುಪ್ರೀಂ ಕೋರ್ಟ್ ನಿಗದಿಪಡಿಸಿದ ಗಡುವಿನ ವಾರಗಳ ಮೊದಲು ತಮ್ಮ ಖಾತೆಗಳಿಗೆ ತಲಾ 5 ಲಕ್ಷ ರೂ.ನೀಡುವಲ್ಲಿ ಇವರ ಶ್ರಮ ಮಹತ್ವದ್ದಾಗಿತ್ತು. ಇದಕ್ಕಾಗಿ ಜಿಲ್ಲಾಧಿಕಾರಿಗಳು ಎಲ್ಲಾ ಅಗತ್ಯ ಸಹಕಾರವನ್ನು ಖಾತ್ರಿಪಡಿಸಿದ್ದಾರೆ.. ಪ್ರಸ್ತುತ ಎಂಡೋಸಲ್ಫಾನ್ ಸಂತ್ರಸ್ತ ಜನರ ಸಮಸ್ಯೆಗಳನ್ನು ನಿಭಾಯಿಸುತ್ತಿದ್ದಾರೆ. ಹೆದ್ದಾರಿ ಹೊರತುಪಡಿಸಿ ಭೂಸ್ವಾಧೀನ ಸಮಸ್ಯೆಗಳ ಬಗ್ಗೆ ಸಕಾಲದಲ್ಲಿ ಕ್ರಮ ಕೈಗೊಳ್ಳಲಾಗುತ್ತಿದೆ. ಕಡತ ಇತ್ಯರ್ಥ ಚಟುವಟಿಕೆಗಳನ್ನು ಸಹ ನಿರ್ವಹಿಸಿದ್ದಾರೆ.  ತಹಸೀಲ್ದಾರ್ ಆಗಿದ್ದ ಅವಧಿಯಲ್ಲಿ ಹಲವು ಹಕ್ಕುಪತ್ರದ ಸಮಸ್ಯೆಗಳನ್ನು ಬಗೆಹರಿಸಿದ್ದರು. ಇವೆಲ್ಲದರ ಆಧಾರದ ಮೇಲೆ ರಾಜ್ಯ ಕಂದಾಯ ಇಲಾಖೆಯ ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ.
           1992ರಲ್ಲಿ ಕಲ್ಪೆಟ್ಟಾದಲ್ಲಿ ಕಂದಾಯ ಇಲಾಖೆ ಗುಮಾಸ್ತರಾಗಿ ಸೇವೆ ಆರಂಭಿಸಿದ ಎಸ್.ಶಶಿಧರನ್ ಪಿಳ್ಳೈ, 2004ರಲ್ಲಿ ಕಾಸರಗೋಡು ಜಿಲ್ಲೆಯ ಕಯ್ಯಾರು ಗ್ರಾಮಾಧಿಕಾರಿಯಾಗಿಯೂ ಸೇವೆ ಸಲ್ಲಿಸಿದ್ದರು. ಕೊಲ್ಲಂ ಮತ್ತು ತಲಶ್ಶೇರಿಯಲ್ಲಿ ಕೆಲಸ ಮಾಡಿದ ನಂತರ, ಅವರು ಮತ್ತೆ ಜುಲೈ 2017 ರಿಂದ ನವೆಂಬರ್ 2019 ರವರೆಗೆ ಕಾಸರಗೋಡು ತಾಲೂಕು ಮತ್ತು ಹೊಸದುರ್ಗ ತಾಲೂಕಿನಲ್ಲಿ ತಹಸೀಲ್ದಾರ್ ಆಗಿ ಸೇವೆ ಸಲ್ಲಿಸಿದರು. ನಂತರ ಕೊಲ್ಲಂ ಕಟ್ಟಕ್ಕಡ ತಹಸೀಲ್ದಾರ್ ಆಗಿ ಕೆಲಸ ಮಾಡಿ 2022ರಲ್ಲಿ ಎಂಡೋಸಲ್ಫಾನ್ ಡೆಪ್ಯುಟಿ ಕಲೆಕ್ಟರ್ ಆಗಿ ಮತ್ತೆ ಕಾಸರಗೋಡಿಗೆ ಬಂದರು. ಎಸ್.ಶಶಿಧರನ್ ಪಿಳ್ಳೈ ಅವರು ಪ್ರಸ್ತುತ ಕಾಸರಗೋಡು ಕಲೆಕ್ಟರೇಟ್‍ನಲ್ಲಿ ಡೆಪ್ಯುಟಿ ಕಲೆಕ್ಟರ್  ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು ಕೊಲ್ಲಂ ಮುಖತಾಳದವರು.
             ಎಸ್.ಶಶಿಧರನ್ ಪಿಳ್ಳೆ ಮಾತನಾಡಿ, ಕೆಲಸ ಮಾಡಲು ಅಚ್ಚುಮೆಚ್ಚಿನ ಸ್ಥಳ ಕಾಸರಗೋಡು, ಸರಕಾರದಿಂದ ಪ್ರಶಸ್ತಿ ಬಂದಿರುವುದು ಸಂತಸ ತಂದಿದೆ ಎಂದಿರುವರು.