ಮುಖ್ಯಮಂತ್ರಿಗಳ ಈಜುಕೊಳ ಮತ್ತೆ ನವೀಕರಣ: ಮೂರನೇ ಹಂತದ ನಿರ್ವಹಣೆಗೆ ಪ್ರವಾಸೋದ್ಯಮ ಇಲಾಖೆಯಿಂದ 3.84 ಲಕ್ಷ ರೂ.ಮಂಜೂರು

               ತಿರುವನಂತಪುರಂ: ತೀವ್ರ ಆರ್ಥಿಕ ಬಿಕ್ಕಟ್ಟಿನ ನಡುವೆಯೂ ಕ್ಲಿಫ್ ಹೌಸ್ ನಲ್ಲಿರುವ ಈಜುಕೊಳಕ್ಕೆ ಸರ್ಕಾರ ಮತ್ತೆ ಹಣ ಮಂಜೂರು ಮಾಡಿದೆ.

          ಮೂರನೇ ಹಂತದ ನಿರ್ವಹಣೆಗೆ 3.84 ಲಕ್ಷ ರೂ. ಮೊತ್ತವನ್ನು ಮಂಜೂರು ಮಾಡಿ ಪ್ರವಾಸೋದ್ಯಮ ಇಲಾಖೆ ಆದೇಶ ಹೊರಡಿಸಿದೆ. ಉರಾಲುಂಗಲ್ ಲೇಬರ್ ಕಾಂಟ್ರಾಕ್ಟ್ ಸೊಸೈಟಿ ನವೀಕರಣದ ಹೊಣೆ ಹೊತ್ತಿದೆ.

          ಈಜುಕೊಳ ನಿರ್ವಹಣೆಗೆ ಪ್ರತಿ ವರ್ಷ ಲಕ್ಷಗಟ್ಟಲೆ ಖರ್ಚು ಮಾಡಲಾಗುತ್ತಿದೆ. ಪಿಣರಾಯಿ ವಿಜಯನ್ ಮುಖ್ಯಮಂತ್ರಿಯಾದಾಗ ಈಜುಕೊಳದ ನವೀಕರಣ ಆರಂಭವಾಯಿತು. ಮೊದಲ ಹಂತದಲ್ಲಿ 2,28,330 ರೂ. ಎರಡನೇ ಹಂತದ ವಾರ್ಷಿಕ ನಿರ್ವಹಣೆಗೆ 3,84,356 ರೂಪಾಯಿಗಳನ್ನು ಮತ್ತು ಮೂರು ಮತ್ತು ನಾಲ್ಕನೇ ಹಂತದಲ್ಲಿ ನವೀಕರಣಕ್ಕಾಗಿ 3,84,356 ರೂಪಾಯಿಗಳನ್ನು ನೀಡಲಾಗಿದೆ. ಮುಖ್ಯಮಂತ್ರಿಗಳ ಈಜುಕೊಳದ ವಾರ್ಷಿಕ ನಿರ್ವಹಣೆಗೆ ಬರೋಬ್ಬರಿ 12 ಲಕ್ಷ ರೂ.ಗೂ ಹೆಚ್ಚು ವೆಚ್ಚವಾಗಿದೆ.

          ಆರ್ಥಿಕ ಮುಗ್ಗಟ್ಟಿನ ನಡುವೆಯೂ ಮುಖ್ಯಮಂತ್ರಿಗಳ ಭದ್ರತೆ ಹಾಗೂ ಅವರ ಅಧಿಕೃತ ನಿವಾಸದ ವೆಚ್ಚಕ್ಕಾಗಿ ಬೊಕ್ಕಸದಿಂದ ಲಕ್ಷಗಟ್ಟಲೆ ಹಣ ವ್ಯಯವಾಗುತ್ತಿದೆ. ಇತ್ತೀಚೆಗμÉ್ಟೀ ಕೋಟಿಗಟ್ಟಲೆ ಖರ್ಚು ಮಾಡಿ ಕಛೇರಿ ಹಾಗೂ ಸಮ್ಮೇಳನವನ್ನು ಸೆಕ್ರೆಟರಿಯೇಟ್ ನಲ್ಲಿ ಅಂದಗೊಳಿಸಲಾಗಿತ್ತು. ನವೀಕರಣಕ್ಕಾಗಿ 2.11 ಕೋಟಿ ಮಂಜೂರಾಗಿದೆ. ಮುಖ್ಯಮಂತ್ರಿಗಳ ಕಚೇರಿ ಮತ್ತು ಚೇಂಬರ್ ನವೀಕರಣಕ್ಕೆ 60.46 ಲಕ್ಷ ರೂ., ಒಳಾಂಗಣ ಕಾಮಗಾರಿಗೆ 12.18 ಲಕ್ಷ ಹಾಗೂ ಪೀಠೋಪಕರಣಗಳಿಗೆ 17.42 ಲಕ್ಷ ರೂ.ವೆಚ್ಚವಾಗಿದೆ.

        ಮುಖ್ಯಮಂತ್ರಿಗಳ ನಾಮಫಲಕ, ಲಾಂಛನ, ಧ್ವಜ ಸ್ತಂಭಗಳ ತಯಾರಿಗೆ 1.56 ಲಕ್ಷ ರೂ. ಶೌಚಾಲಯ ಮತ್ತು ವಿಶ್ರಾಂತಿ ಕೊಠಡಿಗೆ 1.72 ಲಕ್ಷ ಮತ್ತು ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಫ್ಲಶ್ ಡೋರ್‍ಗೆ 1.85 ಲಕ್ಷ. ಸೋಫಾ ಲಾಂಜ್ ರೂ 92,920, ಎಲೆಕ್ಟ್ರಿಕಲ್ ವರ್ಕ್- ರೂ 4.70 ಲಕ್ಷ, ಎಸಿ- ರೂ 11.55 ಲಕ್ಷ, ಅಗ್ನಿಶಾಮಕ ವ್ಯವಸ್ಥೆ- ರೂ 1.26 ಲಕ್ಷ, ಒಟ್ಟು ರೂ 60.46 ಲಕ್ಷ.ವ್ಯಯಿಸಲಾಗಿದೆ.