ಅಮೆರಿಕ: ಮಹಿಳೆಯೊಬ್ಬರು ಒಂದೇ ತಿಂಗಳಲ್ಲಿ ಎರಡು ಬಾರಿ ಗರ್ಭಿಣಿಯಾಗಿದ್ದು, ಮುದ್ದಾದ ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಈ ಸುದ್ದಿ ಅಚ್ಚರಿ ಮೂಡಿಸುವುದರ ಜೆತೆಗೆ ಇದು ಹೇಗೆ ಸಾಧ್ಯ ಎನ್ನುವ ಪ್ರಶ್ನೆಯನ್ನು ಮೂಡಿಸಿದೆ.
ಅಮೆರಿಕ: ಮಹಿಳೆಯೊಬ್ಬರು ಒಂದೇ ತಿಂಗಳಲ್ಲಿ ಎರಡು ಬಾರಿ ಗರ್ಭಿಣಿಯಾಗಿದ್ದು, ಮುದ್ದಾದ ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಈ ಸುದ್ದಿ ಅಚ್ಚರಿ ಮೂಡಿಸುವುದರ ಜೆತೆಗೆ ಇದು ಹೇಗೆ ಸಾಧ್ಯ ಎನ್ನುವ ಪ್ರಶ್ನೆಯನ್ನು ಮೂಡಿಸಿದೆ.
ಗರ್ಭಿಣಿ ಸೋಫಿ ಸ್ಮಾಲ್ಳನ್ನು ಮೊದಲ ಬಾರಿಗೆ ಪರಿಶೀಲನೆ ಮಾಡಿದ ವೈದ್ಯರು, ಹುಟ್ಟುವ ಮೊದಲು ಸ್ಕ್ಯಾನ್ಗಳಲ್ಲಿ ಮಕ್ಕಳು ವಿಭಿನ್ನ ಗಾತ್ರಗಳಲ್ಲಿರುವುದನ್ನು ನೋಡಿ ಗೊಂದಲಕ್ಕೊಳಗಾದರು.
ಸೂಪರ್ಫೆಟೇಶನ್ ಎಂದರೇನು?:
ಒಂದು ತಿಂಗಳ ಅಂತರದಲ್ಲಿ ಸೂಪರ್ಫೆಟೇಶನ್ ಎಂದು ಕರೆಯಲ್ಪಡುವ ಅಪರೂಪದ ವಿದ್ಯಮಾನದಿಂದಾಗಿ, ಈಗಾಗಲೇ ಗರ್ಭಿಣಿಯಾಗಿದ್ದರೂ ಹೊಸ ಗರ್ಭಧಾರಣೆಯು ಸಂಭವಿಸುತ್ತದೆ. ಮೊದಲ ಮಗುವಿಗೆ ಗರ್ಭಿಣಿಯಾದ ನಾಲ್ಕನೇ ವಾರದಲ್ಲಿ ಮಹಿಳೆ ಮತ್ತೊಮ್ಮೆ ಗರ್ಭಿಣಿಯಾಗುತ್ತಾರೆ.
ಜಗತ್ತಿನ ಕೇವಲ 0.3% ಗರ್ಭಿಣಿಯರಲ್ಲಿ ಹೀಗಾಗುತ್ತದೆ. ಹೀಗೆ ಆದಾಗಲೂ ಎರಡೂ ಮಕ್ಕಳು ಬದುಕುಳಿಯುವ ಸಾಧ್ಯತೆ ತುಂಬಾ ಕಡಿಮೆ. ಇವು ಅವಳಿ ಮಕ್ಕಳಲ್ಲ. ಇದು ಬೇರೆ ಬೇರೆ ಗರ್ಭಧಾರಣೆಯಿಂದ ಜನಿಸಿದ ಮಕ್ಕಳು ಎಂದು ವೈದ್ಯರು ಸ್ಪಷ್ಟಪಡಿಸಿದ್ದಾರೆ.
ಈ ಕುರಿತಾಗಿ ಮಾತನಾಡಿದ ಮಹಿಳೆ, ಮಕ್ಕಳಿಗೆ ಮಕ್ಕಳಿಗೆ ಹಾಲಿ ಮತ್ತು ಡಾರ್ಸಿ ಎಂದು ಹೆಸರಿಟ್ಟಿದ್ದೇವೆ. ನಾನು ಎರಡು ಬಾರಿ ತಾಯಿಯಾಗಿರುವುದನ್ನು ತಿಳಿದು ಅಚ್ಚರಿಪಟ್ಟೆ. ಇಬ್ಬರು ಮಕ್ಕಳಿಗೆ ಜನ್ಮ ನೀಡಿರುವುದು ಖುಷಿ ನೀಡಿದೆ ಎಂದು ಹೇಳಿದ್ದಾರೆ.