ಐಸಿಸ್‌ ನೇಮಕಾತಿ ಪ್ರಕರಣ: ತಮಿಳುನಾಡು, ತೆಲಂಗಾಣದ 30 ಕಡೆಗಳಲ್ಲಿ ಎನ್‌ಐಎ ದಾಳಿ

              ನವದೆಹಲಿ: ಉಗ್ರ ಸಂಘಟನೆ ಐಸಿಸ್‌ಗೆ ನೇಮಕಾತಿ ಪ್ರಕರಣ ಸಂಬಂಧ ರಾಷ್ಟ್ರೀಯ ತನಿಖಾ ದಳವು (ಎನ್‌ಐಎ) ತಮಿಳುನಾಡು ಹಾಗೂ ತೆಲಂಗಾಣದ 30 ಕಡೆಗಳಲ್ಲಿ ಶನಿವಾರ ದಾಳಿ ನಡೆಸಿದೆ.

                ತಮಿಳುನಾಡಿನ ಕೊಯಮತ್ತೂರಿನ 21 ಸ್ಥಳಗಳಲ್ಲಿ, ಚೆನ್ನೈನ ಮೂರು ಕಡೆ ಹಾಗೂ ತೆಂಕ್‌ಸಾಯಿಯ ಒಂದು ಕಡೆ ದಾಳಿ ನಡೆಸಿದೆ.

                ತೆಲಂಗಾಣದ ಹೈದರಾಬಾದ್‌ನ 5 ಕಡೆಗಳಲ್ಲಿ ದಾಳಿ ನಡೆಸಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿದ 'ಎಎನ್‌ಐ' ಸುದ್ದಿ ಸಂಸ್ಥೆ ವರದಿ ಮಾಡಿದೆ.

            ಡಿಎಂಕೆಯ ಓರ್ವ ಕೌನ್ಸಿಲರ್‌ ಮೇಲೆಯೂ ದಾಳಿ ನಡೆದಿದೆ ಎಂದು ತಿಳಿದು ಬಂದಿದೆ.

ಕೊಯಮತ್ತೂರು ಸ್ಫೋಟದ ಶಂಕಿತರೊಂದಿಗೆ ಸಂಪರ್ಕ ಹೊಂದಿರುವ ಬಗ್ಗೆ ಹೊಸ ಪುರಾವೆ ಲಭಿಸಿದ್ದು, ಪ್ರಕರಣಕ್ಕೆ ಸಂಬಂಧಿಸಿದ ವ್ಯಕ್ತಿಗಳಿಗೆ ಸೇರಿದ ಪ್ರದೇಶದಲ್ಲಿ ಶೋಧ ನಡೆಸಲಾಗಿದೆ.

2022ರ ಕೊಯಮತ್ತೂರು ಸ್ಫೋಟ ಪ್ರಕರಣ ಸಂಬಂಧ ಓರ್ವ ಆರೋಪಿಯನ್ನು ಎನ್‌ಐಎ ಈ ತಿಂಗಳ ಆರಂಭದಲ್ಲಿ ಬಂಧಿಸಿತ್ತು.