100ನೇ ವಸಂತಕ್ಕೆ ಕಾಲಿಟ್ಟಿ ಸಿಪಿಐ(ಎಂ) ಹಿರಿಯ ನಾಯಕ ಅಚ್ಯುತಾನಂದನ್‌

            ತಿರುವನಂತಪುರ: ಸಿಪಿಐ(ಎಂ) ಹಿರಿಯ ನಾಯಕ ಹಾಗೂ ಕೇರಳ ಮಾಜಿ ಮುಖ್ಯಮಂತ್ರಿ ವಿ.ಎಸ್‌. ಅಚ್ಯುತಾನಂದನ್‌ 100ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.

                ರಾಜಕೀಯ ನಾಯಕರು, ಅಭಿಮಾನಿಗಳು ಸೇರಿದಂತೆ ಹಲವಾರು ಗಣ್ಯರು ಅವರಿಗೆ ಜನ್ಮದಿನದ ಶುಭಾಶಯ ಕೋರಿದ್ದಾರೆ.

                  ಅಚ್ಯುತಾನಂದನ್‌ ಅವರು ತಮ್ಮ ಪುತ್ರ ಹಾಗೂ ಹಿರಿಯ ನಟ ಅರುಣ್‌ ಕುಮಾರ್‌ ಅವರ ನಿವಾಸದಲ್ಲಿ ಕುಟುಂಬದ ಸದಸ್ಯರೊಂದಿಗೆ ಈ ದಿನವನ್ನು ಕಳೆಯಲಿದ್ದಾರೆ ಎಂದು ಅವರ ಕುಟುಂಬದ ಸದಸ್ಯರು ಹೇಳಿದ್ದಾರೆ.

              ಈ ದಿನ ಕೆಲವರಿಗೆ ಮಾತ್ರ ಅವರ ಭೇಟಿಗೆ ಅವಕಾಶ ನೀಡಲಾಗಿದೆ ಎಂದು ಸಿಪಿಐ(ಎಂ) ಪಕ್ಷದ ಮುಖಂಡರು ತಿಳಿಸಿದ್ದಾರೆ.

                      ಅಚ್ಯುತಾನಂದನ್‌ ಅವರು 'ಕಾಮ್ರೇಡ್ ವಿ.ಎಸ್' ಎಂದೇ ಜನಪ್ರಿಯರಾಗಿದ್ದಾರೆ. 1964ರಲ್ಲಿ ಸಿಪಿಐ ಪಕ್ಷದಿಂದ ಹೊರಬಂದು ಸಿಪಿಐ(ಎಂ) ಪಕ್ಷದ ಸ್ಥಾಪಕ ನಾಯಕರಾದರು.