ಇಸ್ರೇಲ್‌ಗೆ ಅಮೆರಿಕಾ ವಿಮಾನವಾಹಕ ನೌಕೆ: ಹಮಾಸ್ ಉಗ್ರರ ಅಟ್ಟಹಾಸ ಕೊನೆಗೊಳ್ಳುತ್ತಾ?

              ಟೆಲ್‌ಅವಿವ್‌: ಇಸ್ರೇಲ್​ ಸೈನ್ಯ ಮತ್ತು ಹಮಾಸ್ ಬಂಡುಕೋರರ ನಡುವೆ ಭೀಕರ ಯುದ್ಧ ಮುಂದುವರಿದಿದ್ದು, ದಕ್ಷಿಣ ಇಸ್ರೇಲ್​ ನಲ್ಲಿ ಭೀಕರವಾಗಿದೆ. ಗಾಜಾದಿಂದ ಇಸ್ರೇಲ್​ ಭೂಭಾಗಕ್ಕೆ ಹಮಾಸ್ ಉಗ್ರರು ನುಗ್ಗಿ ಬಂದು ಇಸ್ರೇಲ್‌ ಸೈನಿಕರೊಂದಿಗೆ ಘರ್ಷಣೆಗೆ ಇಳಿದಿದ್ದಾರೆ.

             ಹಮಾಸ್​ ಅಟ್ಟಹಾಸಕ್ಕೆ ಪ್ರತೀಕಾರವಾಗಿ ಇಸ್ರೇಲ್​ ಸೈನ್ಯ ರೊಚ್ಚಿಗೆದ್ದು ದೊಡ್ಡ ಸಂಖ್ಯೆಯಲ್ಲಿ ಗಾಜಾ ಮೇಲೆ ರಾಕೆಟ್​ಗಳ ಸುರಿಮಳೆಗೈಯ್ಯುತ್ತಿದೆ. ಇದರ ನಡುವೆ ವಿಶ್ವದ ಅನೇಕ ದೇಶಗಳು ಇಸ್ರೇಲ್ ಬೆಂಬಲಕ್ಕೆ ನಿಲ್ಲುತ್ತಿದ್ದಾರೆ. ಇದರ ಭಾಗವಾಗಿಯೇ ಅಮೆರಿಕಾ ವಿಮಾನವಾಹಕ ನೌಕೆ ಕಳೂಹಿಸಲು ನಿರ್ಧರಿಸಿದೆ.

                ಯುದ್ಧನೌಕೆ ಜತೆಗೆ ಪೂರ್ವಮಧ್ಯೆ ಸಮುದ್ರಕ್ಕೆಫೋರ್ಡ್​ ಕೆರಿಯರ್​ ಸ್ಟ್ರೈಕ್ ಗ್ರೂಪ್​ ಕಳೂಹಿಸಲು ಪೆಂಟಗನ್ ನಿಂದ ಆದೇಶ ಬಂದಿದೆ ಎಂದು ಅಮೆರಿಕಾ ಅಧಿಕಾರಿಗಳು ತಿಳಿಸಿದ್ದಾರೆ. 5ಸಾವಿರ ನಾವಿಕರು, ಯುದ್ಧ ವಿಮಾನಗಳೊಂದಿಗೆ ಕೂಡಿದ ದ ಯೂಎಸ್​ ಎಸ್​ ಆರ್​ ಗೆರಾಲ್ಡ್​ ಆರ್​ ಫೋರ್ಡ್​ ವಾಹಕ ನೌಕೆ, ಕ್ರೂಸ್, ಡಿಸ್ಟ್ರಾಯರ್ಸ್​ಗಳನ್ನು ಕಳುಹಿಸಲಾಗುತ್ತಿದೆ. ಇದಕ್ಕೆ ಅಮೆರಿಕಾ ಅಧ್ಯಕ್ಷ ಜೋಬೈಡನ್​ ಆದೇಶಿಸಿದ್ದಾರೆ ಎಂದು ತಿಳಿಸಿದ್ದಾರೆ.
             ಇದು ಎಂತಹ ಪರಿಸ್ಥಿತಿಯನ್ನಾದರೂ ಎದುರಿಸುವುದರ ಜತೆಗೆ ಹಮಾಸ್​ ಉಗ್ರರಿಗೆ ಶಸ್ತ್ರಾಸ್ತ್ರ ಪೂರೈಕೆ ಮಾಡುವವರ ಮೇಲೆ ಸಹ ಕಣ್ಣಿಡಲಿದೆ. ಈ ಯುದ್ಧ ನೌಕೆ ವಿನ್ಯಾಸ ಬದಲಾವಣೆಗಾಗಿ ಈ ಹಿಂದೆಯೇ ಈ ಪ್ರಾಂತ್ಯಕ್ಕೆ ಬಂದಿಳಿದಿತ್ತು. ಇದರ ಜತೆಗೆ ಕ್ರೋಜ್​, ಡಿಸ್ಟ್ರಾಯರ್ಸ್​, ರಾಂಪೇಜ್​, ಕ್ಯಾರ್ನೀ, ರೂಜ್​ವೆಲ್ಟ್​ನೊಂದಿಗೆ ಎಫ್​ 35, ಎಫ್​ 15, ಎಫ್​ 16, ಏ 10 ಯುದ್ಧ ವಿಮಾನಗಳು ಸೇರಿಕೊಂಡಿವೆ.

ಇನ್ನು ಇಸ್ರೇಲ್​ಗೆ ಅಮೆರಿಕಾ ಬೆಂಬಲಿಸಿರುವುದಕ್ಕೆ ಟರ್ಕಿ ವಿರೋಧಿಸಿದೆ. ಇಸ್ರೇಲ್​ ವಿಷಯದಲ್ಲಿ ಬೆಂಬಲಿಸಬಾರದೆಂದು ಕೋರಿದೆ. ಅನಗತ್ಯವಾಗಿ ಮಧ್ಯಪ್ರವೇಶಿಸಿದರೆ ತೀವ್ರ ಪರಿಣಾಮ ಎದುರಿಸಬೇಕಾದೀತು ಎಂದು ಎಚ್ಚರಿಕೆ ನೀಡಿದೆ.

               ಒಟ್ಟಾರೆ ಹೇಳುವುದಾದರೆ, ಮಧ್ಯಪ್ರಾಚ್ಯದಾದ್ಯಂತ ರಾಜಕೀಯ ಅನಿಶ್ಚಿತತೆ ಸೃಷ್ಟಿಸಿದೆ. 1,100ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದಾರೆ ಎನ್ನಲಾಗುತ್ತಿದೆ.