ದೆಹಲಿ ಗಲಭೆ ಪ್ರಕರಣ: ಆರೋಪಿ ಖುಲಾಸೆ

               ನವದೆಹಲಿ: ದೆಹಲಿಯಲ್ಲಿ 2020ರಲ್ಲಿ ನಡೆದ ಗಲಭೆ ಪ್ರಕರಣದ ಆರೋಪಿ ಸಂದೀಪ್‌ ಕುಮಾರ್‌ ಎಂಬಾತನನ್ನು ಇಲ್ಲಿನ ನ್ಯಾಯಾಲಯವು ಖುಲಾ‌ಸೆಗೊಳಿಸಿದೆ.

                ಸಾಕ್ಷ್ಯಾಧಾರಗಳ ಕೊರತೆಯಿಂದಾಗಿ ಸಂದೀಪ್‌ ಅವರನ್ನು ಹೆಚ್ಚುವರಿ ಸೆಷನ್ಸ್‌ ನ್ಯಾಯಾಧೀಶ ಪುಲಸ್ತ್ಯ ಪ್ರಮಾಚಲ ಅವರು ಖುಲಾಸೆಗೊಳಿಸಿದ್ದಾರೆ.

               ದೆಹಲಿಯ ಶಿವ ವಿಹಾರ್‌ ಪ್ರದೇಶದಲ್ಲಿ ವಾಹನಗಳಿಗೆ ಬೆಂಕಿ ಹಚ್ಚಿದ್ದ ಮತ್ತು ಮನೆಗಳಿಂದ ಲೂಟಿ ಮಾಡಿದ್ದ ಆರೋಪ ಸಂದೀಪ್‌ ಮೇಲಿತ್ತು.

                 'ದೂರುದಾರರು ಕೃತ್ಯ ನಡೆಯುವಾಗ ಸ್ಥಳದಲ್ಲಿರಲಿಲ್ಲ. ಪ್ರತ್ಯಕ್ಷದರ್ಶಿಗಳಾದ ಇಬ್ಬರು ಪೊಲೀಸರ ಹೇಳಿಕೆಯು ಸಂಶಯಾಸ್ಪದವಾಗಿದೆ' ಎಂದು ನ್ಯಾಯಾಧೀಶರು ಹೇಳಿದ್ದಾರೆ.