ಆಯುಷ್ಮಾನ್ ಭಾರತ್ ಮಿಷನ್: ಕಾಸರಗೋಡು ಟಾಟಾ ಆಸ್ಪತ್ರೆಯನ್ನು ಕ್ರಿಟಿಕಲ್ ಕೇರ್ ಯೂನಿಟ್ ಆಗಿ ಪರಿವರ್ತಿಸಲು ಸಿದ್ದತೆ

                    ಕುಂಬಳೆ: ತೆಕ್ಕಿಲ್‍ನಲ್ಲಿ ಟಾಟಾ ಗ್ರೂಪ್ ನಿರ್ಮಿಸಿರುವ ಟಾಟಾ ಟ್ರಸ್ಟ್ ಸರ್ಕಾರಿ ಆಸ್ಪತ್ರೆಯನ್ನು ಕರೊನಾ ರೋಗಿಗಳ ಚಿಕಿತ್ಸೆಗಾಗಿ ಕ್ರಿಟಿಕಲ್ ಕೇರ್ ಯೂನಿಟ್ ಆಗಿ ಪರಿವರ್ತಿಸಲಾಗುತ್ತಿದೆ.

            ಪ್ರಧಾನ ಮಂತ್ರಿ ಆಯುಷ್ಮಾನ್ ಭಾರತ್-ಆರೋಗ್ಯ ಮೂಲಸೌಕರ್ಯ ಮಿಷನ್ ಅಡಿಯಲ್ಲಿ ಆಸ್ಪತ್ರೆಯನ್ನು ಕ್ರಿಟಿಕಲ್ ಕೇರ್ ಘಟಕವನ್ನಾಗಿ ಮಾಡಲಾಗುತ್ತಿದೆ. ಯೋಜನೆಯ ವೆಚ್ಚ 23.75 ಕೋಟಿ ರೂ. ಟ್ರಾಮಾ ಕೇರ್ ಸೇರಿದಂತೆ ಅತ್ಯಾಧುನಿಕ ವ್ಯವಸ್ಥೆಗಳು ಇಲ್ಲಿರಲಿವೆ.

          ಕ್ರಿಟಿಕಲ್ ಕೇರ್ ಯೂನಿಟ್‍ಗಾಗಿ 45,000 ಚದರ ಅಡಿ ಕಟ್ಟಡ ಸಂಕೀರ್ಣ ಬರಲಿದೆ. 6 ಕೋಟಿ ಮೌಲ್ಯದ ಉಪಕರಣಗಳೂ ಇಲ್ಲಿ ಲಭ್ಯವಾಗಲಿವೆ. ಈಗಿರುವ ಕಂಟೈನರ್ ಗಳನ್ನು ತೆಗೆದು ಕಾಂಕ್ರೀಟ್ ಕಟ್ಟಡ ನಿರ್ಮಿಸಲಾಗಿದೆ. ಯೋಜನೆಯ ವಿವರವಾದ ಯೋಜನೆಯನ್ನು ತಯಾರಿಸಲು ಮತ್ತು ನಿರ್ಮಾಣ ಚಟುವಟಿಕೆಗಳನ್ನು ಸಂಘಟಿಸಲು ಹಿಂದೂಸ್ತಾನ್ ಲ್ಯಾಟೆಕ್ಸ್ ಲಿಮಿಟೆಡ್ ಎಂಬ ಕಂಪನಿಯನ್ನು ನೇಮಿಸಲಾಗಿದೆ.

          ಕಾಸರಗೋಡು ಜಿಲ್ಲಾ ಜಿಲ್ಲಾ ಪಂಚಾಯತಿ ಕ್ರಿಟಿಕಲ್ ಕೇರ್ ಯೂನಿಟ್ ಉಸ್ತುವಾರಿ ವಹಿಸಲಿದೆ. ಟಾಟಾ ಆಸ್ಪತ್ರೆ ಇರುವ ಕಂದಾಯ ಭೂಮಿಯನ್ನು ಬಳಸಿಕೊಳ್ಳಲು ಸರ್ಕಾರ ಆರೋಗ್ಯ ಇಲಾಖೆಗೆ ಅನುಮತಿ ನೀಡಿದ ಬಳಿಕ ಕ್ರಿಟಿಕಲ್ ಕೇರ್ ಯೂನಿಟ್ ಗೆ ಸಂಬಂಧಿಸಿದ ಚರ್ಚೆ ನಡೆಯಿತು. ಜಮೀನಿನ ಮಾಲೀಕತ್ವವನ್ನು ಕಂದಾಯ ಇಲಾಖೆಯಲ್ಲಿ ಇಟ್ಟುಕೊಂಡು ಆರೋಗ್ಯ ಇಲಾಖೆಗೆ ಭೂಮಿ ಹಸ್ತಾಂತರಿಸಲಾಗಿದೆ. ಕ್ರಿಟಿಕಲ್ ಕೇರ್ ಆಸ್ಪತ್ರೆ ನಿರ್ಮಾಣವನ್ನು ಆರು ತಿಂಗಳೊಳಗೆ ಆರಂಭಿಸುವ ಪ್ರಯತ್ನ ನಡೆಯುತ್ತಿದೆ.