2023ರಲ್ಲಿ ರಸ್ತೆ ಅಪಘಾತಗಳಲ್ಲಿ ಹೆಚ್ಚಳ: ಎಐ ಕ್ಯಾಮರಾ ಇದ್ದರೂ ನಿಯಂತ್ರಣಕ್ಕೊಳಗಾಗದ ಅಪಘಾತಗಳು

                    ಕೊಲ್ಲಂ: ಎಐ ಕ್ಯಾಮೆರಾ ಸೇರಿದಂತೆ ಭದ್ರತಾ ವ್ಯವಸ್ಥೆಗಳನ್ನು ಅಳವಡಿಸಲಾಗಿದ್ದರೂ ರಾಜ್ಯದಲ್ಲಿ ರಸ್ತೆ ಅಪಘಾತಗಳು ಹೆಚ್ಚುತ್ತಿವೆ.

                    ನವೆಂಬರ್ 2023 ರ ವರದಿಯನುಸಾರ, ರಸ್ತೆ ಅಪಘಾತಗಳಲ್ಲಿ 43,974 ಪ್ರಕರಣಗಳು ದಾಖಲಾಗಿವೆ. 622 ಮಂದಿ ಮರಣ ಹೊಂದಿದ್ದಾರೆ. 49,791 ಜನರು ಗಾಯಗೊಂಡಿದ್ದಾರೆ. 2022ರಲ್ಲಿ 43,910 ಅಪಘಾತಗಳು ದಾಖಲಾಗಿವೆ.

                     ಬರಲಿರುವ ಎರಡು ತಿಂಗಳ ಅಂಕಿ ಅಂಶಗಳೊಂದಿಗೆ 2022 ಕ್ಕಿಂತ 2023 ರಲ್ಲಿ 484 ಪ್ರಕರಣಗಳ ಹೆಚ್ಚಳ ಎಂಬ ಅಂಕಿಅಂಶ ಕಂಡುಬಂದಿದೆ. ಕಳೆದ ಮೂರು ವರ್ಷಗಳ ಅಂಕಿಅಂಶಗಳನ್ನು ಗಮನಿಸಿದರೆ ರಸ್ತೆ ಅಪಘಾತಗಳ ಸಂಖ್ಯೆಯಲ್ಲಿ ಯಾವುದೇ ಇಳಿಕೆಯಾಗಿಲ್ಲ. ಆದರೆ ಹಿಂದಿನ ವರ್ಷಗಳಿಗೆ ಹೋಲಿಸಿದರೆ ಅಪಘಾತ ಸಾವುಗಳಲ್ಲಿ ಇಳಿಕೆಯಾಗಿದೆ.

                   2022 ರಲ್ಲಿ ಅಪಘಾತದ ಸಾವುಗಳು 4317 ಎಂಬುದು ಲೆಕ್ಕಾಚಾರ. ಗಾಯಗೊಂಡವರು 2023 ರಲ್ಲಿ ಹೆಚ್ಚು (49791). 2022 ರಲ್ಲಿ 49307 ಅಪಘಾತಗಳಲ್ಲಿ ಗಾಯಗೊಂಡಿದ್ದಾರೆ. 2020 ರಲ್ಲಿ ಕಡಿಮೆ ರಸ್ತೆ ಅಪಘಾತಗಳು ದಾಖಲಾಗಿವೆ. 2018 ರಿಂದ 2022 ರವರೆಗೆ, ಎರ್ನಾಕುಳಂ ಜಿಲ್ಲೆಯಲ್ಲಿ ಅತಿ ಹೆಚ್ಚು ರಸ್ತೆ ಅಪಘಾತಗಳು (17,239) ಸಂಭವಿಸಿವೆ.

              ಕಳೆದ ವರ್ಷ ಹೆಚ್ಚಿನ ರಸ್ತೆ ಅಪಘಾತಗಳು ಪರವಾನಗಿ ಪಡೆಯದ ಚಾಲಕರಿಂದ ಸಂಭವಿಸಿವೆ. ಚಾಲಕರ ಪರವಾನಗಿ ವಿವರಗಳು ತಿಳಿಯದ ಅಪಘಾತಗಳ ಸಂಖ್ಯೆಯಲ್ಲಿ ಕೇರಳ ಎರಡನೇ ಸ್ಥಾನದಲ್ಲಿದೆ.

             ಪರವಾನಗಿ ಮಾಹಿತಿ ತಿಳಿಯದ ಅಪಘಾತಗಳಲ್ಲಿ ಕೇರಳ ಮುಂಚೂಣಿಯಲ್ಲಿದೆ ಎಂದು ಹಿಂದಿನ ವರ್ಷಗಳ ಅಂಕಿಅಂಶಗಳು ತೋರಿಸುತ್ತವೆ. ಇವುಗಳ ಹೊರತಾಗಿ ಅಜಾಗರೂಕತೆ ಮತ್ತು ಅತಿ ವೇಗದಿಂದ ಅಪಘಾತಗಳು ಹೆಚ್ಚಿವೆ.

             ರಾಜ್ಯದಲ್ಲಿ ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡುವ ಮತ್ತು ರಸ್ತೆಗಳನ್ನು ಸುರಕ್ಷಿತಗೊಳಿಸುವ ಉದ್ದೇಶದಿಂದ 2019 ರಲ್ಲಿ ಸರ್ಕಾರ ಆರಂಭಿಸಿದ ಸುರಕ್ಷಿತ ಕೇರಳ ಯೋಜನೆಯು ಪ್ರಯೋಜನಕಾರಿಯಾಗಿಲ್ಲ ಎಂದು ಅಂಕಿಅಂಶಗಳು ಸೂಚಿಸುತ್ತವೆ. 2020ರಲ್ಲಿ ರಸ್ತೆ ಅಪಘಾತಗಳನ್ನು ಅರ್ಧದಷ್ಟು ಕಡಿಮೆ ಮಾಡುವುದು ಗುರಿಯಾಗಿತ್ತು. ಆದರೆ ಕೋವಿಡ್ ಅವಧಿಯಲ್ಲಿ ಜನರು ಮನೆಯಲ್ಲಿಯೇ ಇದ್ದುದರಿಂದ ಅಪಘಾತಗಳ ಸಂಖ್ಯೆ ಕಡಿಮೆಯಾಗಿತ್ತು.