ಅದೆಲ್ಲ ಸಿನಿಮಾದಲ್ಲಿ ಮಾತ್ರ: ‘ಎಡಾ’, ‘ಪೋಡ’, ‘ನೀ’ ಎಂದು ಕರೆಯುವುದನ್ನು ನಿಲ್ಲಿಸಬೇಕು: ಪೋಲೀಸರಿಗೆ ಎಚ್ಚರಿಕೆ ನೀಡಿದ ಹೈಕೋರ್ಟ್

                ಕೊಚ್ಚಿ: ಪೋಲೀಸರು ಬಳಸುವ ಪದಗಳಿಗೆ ಹೈಕೋರ್ಟ್ ಎಚ್ಚರಿಕೆ ನೀಡಿದೆ. ಪ್ರಜಾಪ್ರಭುತ್ವದಲ್ಲಿ ಪ್ರಜೆಗಳು ಸಾರ್ವಭೌಮರು ಮತ್ತು ಯಾರೂ ಯಾರಿಗೂ ಕಡಿಮೆ ಇಲ್ಲ ಎಂದು ನ್ಯಾಯಾಲಯ ನೆನಪಿಸಿತು.

             ಜನರನ್ನು 'ಎಡಾ', 'ಪೋಡಾ' ಮತ್ತು 'ನೀ' ಎಂದು ಕರೆಯುವುದನ್ನು ನಿಲ್ಲಿಸುವಂತೆಯೂ ನ್ಯಾಯಾಲಯ ಪೋಲೀಸರಿಗೆ ಸೂಚಿಸಿದೆ. ಬೇರೆಯವರನ್ನು ಸಣ್ಣವರು ಎಂದು ಭಾವಿಸಿ ಈ ರೀತಿ ವರ್ತಿಸಬಹುದು ಎಂದ ಕೋರ್ಟ್, ಸಿಟ್ಟೆಲ್ಲ ಸಿನಿಮಾದಲ್ಲಿ ಮಾತ್ರ ಎಂದಿದೆ. 

              ಪಾಲಕ್ಕಾಡ್ ಆಲತ್ತೂರ್ ಠಾಣೆಯ ಎಸ್‍ಐ ವಕೀಲರೊಂದಿಗೆ ಅಸಭ್ಯವಾಗಿ ವರ್ತಿಸಿದ ಘಟನೆಯಲ್ಲಿ ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಪೋಲೀಸರು ಜನರೊಂದಿಗೆ ಅನುಚಿತವಾಗಿ ವರ್ತಿಸದಂತೆ ನೋಡಿಕೊಳ್ಳಲು ಮತ್ತೊಮ್ಮೆ ಸುತ್ತೋಲೆ ಹೊರಡಿಸುವಂತೆಯೂ ನ್ಯಾಯಾಲಯ ಹೇಳಿದೆ.

                ವಕೀಲರ ಜತೆ ಅನುಚಿತವಾಗಿ ವರ್ತಿಸಿದ ಎಸ್ ಐವಿಆರ್ ರಿನೀಶ ಅವರಿಗೆ ಎಚ್ಚರಿಕೆ ನೀಡಿ ವರ್ಗಾವಣೆ ಮಾಡಲಾಗಿದ್ದು, ಇಲಾಖಾ ತನಿಖೆ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಡಿಜಿಪಿ ನ್ಯಾಯಾಲಯಕ್ಕೆ ತಿಳಿಸಿದರು. ಫೆಬ್ರವರಿ 1 ರಂದು ಮತ್ತೆ ಪ್ರಕರಣದ ವಿಚಾರಣೆ ನಡೆಯಲಿದೆ. ಅಪಘಾತದ ವಾಹನವನ್ನು ಬಿಡುಗಡೆ ಮಾಡುವಂತೆ ನ್ಯಾಯಾಲಯದ ಆದೇಶದೊಂದಿಗೆ ಠಾಣೆಗೆ ಬಂದಿದ್ದ ವಕೀಲ ಅಕಿಬ್ ಸುಹೇಲ್ ಅವರೊಂದಿಗೆ ವಿ.ಆರ್.ರಿನೀಷ್ ಅನುಚಿತವಾಗಿ ವರ್ತಿಸಿದ ವಿಡಿಯೋಗಳು ಬಿಡುಗಡೆಯಾಗಿವೆ. ಎಸ್‍ಐ ರಿನೀಶ್ ವಿರುದ್ಧ ವಕೀಲರು ಸಲ್ಲಿಸಿದ್ದ ನ್ಯಾಯಾಂಗ ನಿಂದನೆ ಅರ್ಜಿಗೆ ನ್ಯಾಯಾಲಯ ನೋಟಿಸ್ ಜಾರಿ ಮಾಡಿತ್ತು.