ಎ.ಐ.ಯ ನಕಲಿ ಕರೆ ನಿರ್ಬಂಧಿಸಲು ಟ್ರೂ ಕಾಲರ್ ನಿಂದ ಬರಲಿದೆ ಕರೆ ಸ್ಕ್ಯಾನರ್

 ಕೃತಕ ಬುದ್ಧಿಮತ್ತೆಯನ್ನು ಬಳಸಿಕೊಂಡು ನಕಲಿ ಪೋನ್ ಕರೆಗಳು ಮತ್ತು ಸೈಬರ್ ವಂಚನೆಗಳನ್ನು ಎದುರಿಸಲು ಟ್ರೂ ಕಾಲರ್ ಎಐ ಕರೆ ಸ್ಕ್ಯಾನರ್ ಅನ್ನು ಬಿಡುಗಡೆ ಮಾಡಿದೆ.

ನಕಲಿ ಕರೆಗಳ ಬಲೆಗೆ ಬೀಳುವವರಿಗೆ ಇದು ರಕ್ಷಣಾತ್ಮಕ ಕವಚವಾಗಲಿದೆ. ಎಐ ತಂತ್ರಜ್ಞಾನದ ಸಹಾಯದಿಂದ, ಯಾರಾದರೂ ಈಗ ನಕಲಿ ಕರೆ ಮಾಡಬಹುದು. ಅನೇಕ ಜನರು ಈ ಕರೆಗಳಿಗೆ ಬಲಿಬೀಳುವ ಸಾಧ್ಯತೆಗಳೂ ಇವೆ.

 ಆದರೆ ಟ್ರೂ ಕಾಲರ್‍ನ ಹೊಸ ವೈಶಿಷ್ಟ್ಯವು ಗ್ರಾಹಕರಿಗೆ ಅತ್ಯಂತ ಭದ್ರತೆಯನ್ನು ಒದಗಿಸುತ್ತದೆ. ಎಐ ಕರೆ ಸ್ಕ್ಯಾನರ್ ಹೊಸ ನವೀಕರಣವಾಗಿ ಲಭ್ಯವಾದ ನಂತರ, ಸ್ಕ್ಯಾನರ್ ಅನ್ನು ಒಂದೇ ಕ್ಲಿಕ್‍ನಲ್ಲಿ ಸಕ್ರಿಯಗೊಳಿಸಬಹುದು. ಸ್ಕ್ಯಾನರ್ ಸ್ವಯಂಚಾಲಿತವಾಗಿ ಒಳಬರುವ ಕರೆ ಮತ್ತು ಧ್ವನಿಯ ಭಾಗವನ್ನು ರೆಕಾರ್ಡ್ ಮಾಡುತ್ತದೆ.

ಕರೆಯಲ್ಲಿರುವ ಧ್ವನಿಯನ್ನು ಮೌಲ್ಯಮಾಪನ ಮಾಡಲು ಮತ್ತು ಅದು ನಿಜವಾದ ಮಾನವ ಧ್ವನಿಯೇ ಅಥವಾ ಎಐ ಅನ್ನು ಬಳಸಿಕೊಂಡು ನಕಲಿ ಕರೆಯೇ ಎಂದು ಗುರುತಿಸಲು ಕೃತಕ ಬುದ್ಧಿಮತ್ತೆಯನ್ನು ಬಳಸಲಾಗುತ್ತದೆ. ಇದು ಕೆಲವೇ ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ. ಪ್ರಸ್ತುತ, ಟ್ರೂ ಕಾಲರ್ ಯುಎಸ್‍ನಲ್ಲಿರುವ ಆಂಡ್ರಾಯ್ಡ್ ಪೋನ್ ಬಳಕೆದಾರರಿಗೆ ಈ ವೈಶಿಷ್ಟ್ಯವನ್ನು ಲಭ್ಯವಾಗುವಂತೆ ಮಾಡಿದೆ. ಈ ತಂತ್ರಜ್ಞಾನ ಶೀಘ್ರದಲ್ಲೇ ಭಾರತದ ಪೋನ್‍ಗಳಿಗೂ ತಲುಪಲಿದೆ.