ಶಿವಳ್ಳಿ ಬ್ರಾಹ್ಮಣ ಸಮಾಜದ ಶೆಟಲ್ ಬ್ಯಾಡ್ಮಿಂಟನ್ ಕ್ರೀಡಾಕೂಟ ಸಂಪನ್ನ

ಮುಳ್ಳೇರಿಯ: ಶಿವಳ್ಳಿ ಬ್ರಾಹ್ಮಣ ಸಮಾಜದ ಸಂಘಟನೆ ಶಿವಳ್ಳಿ ಬ್ರಾಹ್ಮಣ ಸಭಾ (ರಿ) ಕಾಸರಗೋಡು ಇವರ ವತಿಯಿಂದ ನ.10 ರಂದು ಭಾನುವಾರ ನಡೆದ ವಾರ್ಷಿಕ ಕ್ರೀಡಾಕೂಟದ ಅಂಗವಾಗಿ ನಡೆದ ಶೆಟಲ್ ಬ್ಯಾಡ್ಮಿಂಟನ್ ಕ್ರೀಡಾಕೂಟ ಮುಳ್ಳೇರಿಯ ಸಮೀಪದ ಕರ್ಮಂತೋಡು ಪ್ರೇಂಡ್ಸ್ ಬ್ಯಾಡ್ಮಿಂಟನ್ ಕ್ರೀಡಾಂಗಣದಲ್ಲಿ ಜರುಗಿತು.

ಜಿಲ್ಲೆಯಾದ್ಯಂತ ಇರುವ 67 ಸಮಾಜದ ಸದಸ್ಯರು ಈ ಕ್ರೀಡಾಕೂಟದಲ್ಲಿ ಸಕ್ರಿಯ ಭಾಗವಹಿಸಿ ಉತ್ಸಾಹದಿಂದ ತಮ್ಮ ತಮ್ಮ ಸಾಮಥ್ರ್ಯವನ್ನು ಪ್ರದರ್ಶಿಸಿದರು.ಪ್ರಶಸ್ತಿ ವಿಜೇತರಿಗೆ ಸಂಘದ ಅಧ್ಯಕ್ಷ  ಮಂಜುನಾಥ ತೇರಕುಂಜತ್ತಾಯ, ಕಾರ್ಯದರ್ಶಿ ಚೇತನರಾಮ ನೂರಿತ್ತಾಯ, ಮುಳ್ಳೇರಿಯ ಮುಂದಾಳು ಶ್ರೀನಿವಾಸ ಅಮ್ಮಣ್ಣಾಯ,ಸತೀಶ ಪುಣಿಂಚಿತ್ತಾಯ, ಸೀತಾರಾಮ ಕಡಂಮಣ್ಣಾಯರವರು ಪದಕ ವಿತರಿಸಿದರು.