ಮಾರ್ಚ್ 2 ರಂದು ಕನ್ಯಾಕುಮಾರಿಯಲ್ಲಿ ಕರ್ಮಯೋಗಿನಿ ಸಂಗಮ

ತಿರುವನಂತಪುರಂ: ಮಾರ್ಚ್ 2 ರಂದು ಕನ್ಯಾಕುಮಾರಿ ಜಿಲ್ಲೆಯ ನಾಗರಕೋಯಿಲ್‍ನಲ್ಲಿ ಕರ್ಮಯೋಗಿನಿ ಸಂಗಮ ನಡೆಯಲಿದ್ದು, ಅಲ್ಲಿ ಅರ್ಧ ಲಕ್ಷ ಮಹಿಳೆಯರು ಸೇರಲಿದ್ದಾರೆ.

ಮಾರ್ಚ್ 2 ರಂದು ಮಧ್ಯಾಹ್ನ 3 ಗಂಟೆಗೆ ನಾಗರಕೋಯಿಲ್‍ನಲ್ಲಿರುವ ಅಮೃತ ವಿಶ್ವವಿದ್ಯಾಲಯ ಆವರಣದಲ್ಲಿ ಸಭೆ ನಡೆಯಲಿದೆ. ಮಾತಾ ಅಮೃತಾನಂದಮಯಿ ದೇವಿ ಅವರ ಸಮ್ಮುಖದಲ್ಲಿ ಆರ್‍ಎಸ್‍ಎಸ್ ಸರಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ ಅವರು ಮುಖ್ಯ ಭಾಷಣ ಮಾಡಲಿದ್ದಾರೆ.

ನಿಚ್ ವಿಶ್ವವಿದ್ಯಾಲಯದ ಉಪಕುಲಪತಿ ಡಾ. ಟೆಸ್ಸಿ ಥಾಮಸ್ ಅಧ್ಯಕ್ಷತೆ ವಹಿಸುವರು.  ಲೋಕಮಾತಾ ಅಹಲ್ಯಾಬಾಯಿ ಹೋಳ್ಕರ್ ಅವರ 300 ನೇ ಜನ್ಮ ದಿನಾಚರಣೆ ಮತ್ತು ಆರ್‍ಎಸ್‍ಎಸ್‍ನ ಶತಮಾನೋತ್ಸವದ ಸಂದರ್ಭದಲ್ಲಿ ನಡೆಯಲಿರುವ ಈ ಸಭೆಯು ಮಹಿಳಾ ಸಾಮೂಹಿಕ ಉಪಕ್ರಮವಾದ ವೈಭವಶ್ರೀಯ ಬೆಳ್ಳಿ ಹಬ್ಬವನ್ನು ಆಚರಿಸಲಿದೆ ಮತ್ತು ತಮಿಳುನಾಡಿನಲ್ಲಿ ಪ್ರಾರಂಭವಾಗಲಿರುವ ಮಹಿಳಾ ಸಬಲೀಕರಣ ಯೋಜನೆಗಳನ್ನು ಉದ್ಘಾಟಿಸಲಿದೆ ಎಂದು ಸಂಘಟಕರು ಪತ್ರಿಕಾಗೋಷ್ಠಿಯಲ್ಲಿ ಪ್ರಕಟಿಸಿದರು.

ಈ ಸಭೆಯಲ್ಲಿ ದಾನಶೀಲ ಚಟುವಟಿಕೆಗಳಲ್ಲಿ ತೊಡಗಿರುವವರು, ಸೃಜನಶೀಲ ಪ್ರತಿಭೆಗಳು ಮತ್ತು ಧೈರ್ಯಶಾಲಿ ಮಹಿಳೆಯರಿಗೆ ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗುವುದು. ಕರ್ಮಯೋಗಿನಿ ಸಂಗಮವು ಆಧ್ಯಾತ್ಮಿಕ ಕ್ಷೇತ್ರದಲ್ಲಿ ಪ್ರಮುಖ ಮಹಿಳೆಯರನ್ನು ಪಾದಪೂಜೆ ಮಾಡುವ ಮೂಲಕ ಗೌರವಿಸಲಿದೆ. ದೇಶಕ್ಕೆ ಸೇವೆ ಸಲ್ಲಿಸಿದ ಮಹಿಳೆಯರ ಕುರಿತ ಪುಸ್ತಕಗಳನ್ನು ಬಿಡುಗಡೆ ಮಾಡಲಾಗುವುದು. ರಾಷ್ಟ್ರೀಯ ಮಟ್ಟದಲ್ಲಿ ಗಣ್ಯ ಮಹಿಳೆಯರು ಭಾಗವಹಿಸಲಿದ್ದಾರೆ.

ಮಹಿಳಾ ಸಂಗಮ ರಾಜ್ಯ ಸಂಯೋಜಕಿ ಅಡ್ವ. ಅಂಜನಾ ದೇವಿ, ಕರ್ಮಯೋಗಿನಿ ಸಂಗಮ ಸಂ

ಘಟನಾ ಸಮಿತಿ ಸಂಚಾಲಕಿ ಡಾ. ಆಂಡಾಳ್ ಪಿ. ಚೊಕ್ಕಲಿಂಗಂ, ವಿಎಚ್‍ಪಿ ರಾಜ್ಯ ಅಧ್ಯಕ್ಷೆ ವಿಜಿ ತಂಬಿ, ಮಹಿಳಾ ಒಕ್ಕೂಟ ತಿರುವನಂತಪುರಂ ಜಿಲ್ಲಾ ಸಂಯೋಜಕಿ ಡಾ. ಶ್ರೀಕಲಾ ದೇವಿ, ನರ್ತಕಿ ಡಾ. ಗಾಯತ್ರೀ ಸುಬ್ರಹ್ಮಣ್ಯಂ ಮತ್ತು ಸಾಮಾಜಿಕ ಕಾರ್ಯಕರ್ತೆ ಶಾಂತಿ ದೇವಿ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.