ವಿದ್ಯಾರ್ಥಿಗೆ ವಂಚನೆ: ಬೈಜೂಸ್ ಆ್ಯಪ್‍ಗೆ 50,000 ರೂ. ದಂಡ

ಎರ್ನಾಕುಳಂ: ವಿದ್ಯಾರ್ಥಿಯೊಬ್ಬರಿಗೆ ವಂಚನೆ ಮಾಡಿದ ಪ್ರಕರಣದಲ್ಲಿ ಎರ್ನಾಕುಳಂ ಜಿಲ್ಲಾ ಗ್ರಾಹಕ ವ್ಯಾಜ್ಯ ಪರಿಹಾರ ಆಯೋಗವು ಬೈಜುಸ್ ಆ್ಯಪ್‍ಗೆ 50,000 ರೂ.ಗಳ ದಂಡ ವಿಧಿಸಿದೆ. ಎರ್ನಾಕುಳಂನ ಎಂಟನೇ ತರಗತಿಯ ವಿದ್ಯಾರ್ಥಿಯ ತಂದೆ ಸ್ಟಾಲಿನ್ ಗೋಮ್ಸ್ ಸಲ್ಲಿಸಿದ ದೂರಿನ ಆಧಾರದ ಮೇಲೆ ನ್ಯಾಯಾಲಯದ ತೀರ್ಪು ನೀಡಿದೆ.

ಮೂರು ಪ್ರಾಯೋಗಿಕ ತರಗತಿಗಳಿಂದ ವಿದ್ಯಾರ್ಥಿಯು ತೃಪ್ತನಾಗದಿದ್ದರೆ, ಪೂರ್ಣ ಹಣವನ್ನು ಮರುಪಾವತಿಸಲಾಗುವುದು ಎಂದು ಭರವಸೆ ನೀಡಲಾಗಿತ್ತು. ಆದರೆ, ಈ ಭರವಸೆಯನ್ನು ಉಳಿಸಿಕೊಳ್ಳಲು ವಿಫಲವಾದ ಕಾರಣ ದೂರು ದಾಖಲಿಸಲಾಗಿತ್ತು. ಆ ವಿದ್ಯಾರ್ಥಿಯ ಹೆಸರನ್ನು ಬೈಜೂಸ್‍ನಲ್ಲಿ 16,000 ರೂ. ಪಾವತಿಸಿ ನೋಂದಾಯಿಸಲಾಗಿದೆ. ಆದರೆ ತರಗತಿಯನ್ನು ತುಂಬಾ ಬೇಗನೆ ನಿರ್ಧರಿಸಲಾಯಿತು, ಆದ್ದರಿಂದ ಮಗುವಿಗೆ ಹಾಜರಾಗಲು ಸಾಧ್ಯವಾಗಲಿಲ್ಲ. ಸೇವೆಯ ಬಗ್ಗೆ ಅತೃಪ್ತಿಯನ್ನು ಉಲ್ಲೇಖಿಸಿ ಪೋಷÀಕರು ಪೂರ್ಣ ಮರುಪಾವತಿಯನ್ನು ಕೋರಿದರೂ, ಬೈಜೂಸ್ ಮೊತ್ತವನ್ನು ಮರುಪಾವತಿಸಲು ನಿರಾಕರಿಸಿತು.

ಪ್ರಕರಣವನ್ನು ಪರಿಗಣಿಸಿದ ನ್ಯಾಯಾಲಯವು, ಪಾಲಕರು ಖರ್ಚು ಮಾಡಿದ 16,000 ರೂ.ಗಳ ಜೊತೆಗೆ 25,000 ರೂ.ಗಳ ಪರಿಹಾರ ಮತ್ತು 10,000 ರೂ.ಗಳ ಕಾನೂನು ಶುಲ್ಕವನ್ನು ಪಾವತಿಸಲು ಆದೇಶಿಸಿತು. ಮೊತ್ತವನ್ನು 45 ದಿನಗಳಲ್ಲಿ ಪಾವತಿಸಬೇಕು.