ಮುಂಡಕೈ-ಚುರಲ್ಮಲಾ ದುರಂತ: ನಾಪತ್ತೆಯಾದ 32 ಜನರು ಮೃತರ ಪಟ್ಟಿಯಲ್ಲಿ: ಮರಣ ಪ್ರಮಾಣಪತ್ರ ವಿತರಣೆ

ವಯನಾಡು: ಮುಂಡಕೈ-ಚುರಲ್ಮಲಾ ಭೂಕುಸಿತ ದುರಂತದಲ್ಲಿ ಕಾಣೆಯಾದ 32 ಜನರ ಮರಣ ಪ್ರಮಾಣಪತ್ರದ ಆನ್‍ಲೈನ್ ನೋಂದಣಿ ಪೂರ್ಣಗೊಂಡಿದೆ.

ಕಾಣೆಯಾದ 32 ಜನರ ಕುಟುಂಬಗಳು ಸಲ್ಲಿಸಿದ ಅರ್ಜಿಯ ಆಧಾರದ ಮೇಲೆ, ಮೆಪ್ಪಾಡಿ ಗ್ರಾಮ ಪಂಚಾಯತಿ ಕಾರ್ಯದರ್ಶಿ, ಮೆಪ್ಪಾಡಿ ಎಸ್.ಎಚ್.ಒ. ಮತ್ತು ವೆಲ್ಲರಿಮಲ ಗ್ರಾಮ ಅಧಿಕಾರಿಯನ್ನು ಒಳಗೊಂಡ ಉಪಸಮಿತಿಯು ಸಂಗ್ರಹಿಸಿದ ಮಾಹಿತಿಯನ್ನು ಉಪ-ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಿತ್ತು. ಲಭ್ಯವಿರುವ ಪಟ್ಟಿಯ ಪ್ರಕಾರ, ಮೆಪ್ಪಾಡಿ ಎಸ್.ಎಚ್.ಒ. 32 ಕಾಣೆಯಾದ ವ್ಯಕ್ತಿಗಳ ಸಾವುಗಳನ್ನು ದೃಢಪಡಿಸಿದರು, ಸಾವಿನ ವರದಿಗಳನ್ನು ಸಿದ್ಧಪಡಿಸಿದರು ಮತ್ತು ನೋಂದಣಿ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದರು. ನೋಂದಣಿ ಪೂರ್ಣಗೊಳಿಸಿದ 32 ಜನರ ಸಂಬಂಧಿಕರು ಎಲ್ಲಿಂದಲಾದರೂ ಮರಣ ಪ್ರಮಾಣಪತ್ರಗಳನ್ನು ಆನ್‍ಲೈನ್‍ನಲ್ಲಿ ಪಡೆಯಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.  ಅಗತ್ಯವಿದ್ದರೆ ಮೆಪ್ಪಾಡಿ ಗ್ರಾಮ ಪಂಚಾಯಿತಿಯಿಂದ ಪ್ರಮಾಣಪತ್ರ ಪಡೆಯಬಹುದು ಎಂದು ಕಾರ್ಯದರ್ಶಿ ಮಾಹಿತಿ ನೀಡಿದರು.