ಶಿವಗಿರಿ ಮಠದ ಮಾಜಿ ಮುಖ್ಯಸ್ಥ ಸ್ವಾಮಿ ಶಾಶ್ವತಾನಂದ ಸಾವಿನ ಬಗ್ಗೆ ಹೆಚ್ಚಿನ ತನಿಖೆ ಇಲ್ಲ ಎಂದ ಹೈಕೋರ್ಟ್

ಕೊಚ್ಚಿ: ಶಿವಗಿರಿ ಮಠದ ಮಾಜಿ ಮುಖ್ಯಸ್ಥ ಸ್ವಾಮಿ ಶಾಶ್ವತಾನಂದ ಅವರ ಸಾವಿನ ಬಗ್ಗೆ ಹೆಚ್ಚಿನ ತನಿಖೆ ನಡೆಸಬೇಕೆಂದು ಕೋರಿ ಅಖಿಲ ಕೇರಳ ಭ್ರಷ್ಟಾಚಾರ ವಿರೋಧಿ ಮತ್ತು ಮಾನವ ಹಕ್ಕುಗಳ ರಕ್ಷಣೆ ಸಮಿತಿ ಸಲ್ಲಿಸಿದ್ದ ಅರ್ಜಿಯನ್ನು ಹೈಕೋರ್ಟ್ ತಿರಸ್ಕರಿಸಿದೆ.

ಅರ್ಜಿಯನ್ನು ವಜಾಗೊಳಿಸಿದ ನ್ಯಾಯಮೂರ್ತಿ ಕೌಸರ್ ಎಡಪ್ಪಗತ್, ಇದು ಅಪರಾಧ ವಿಭಾಗದಿಂದ ತನಿಖೆ ನಡೆಸಲ್ಪಟ್ಟ ಪ್ರಕರಣವಾಗಿದ್ದು, ಮರಣೋತ್ತರ ವರದಿಯಲ್ಲಿ ಕೊಲೆಯ ಯಾವುದೇ ಸೂಚನೆಯಿಲ್ಲ ಎಂದು ಹೇಳಿದರು. ಯಾವುದೇ ಹೆಚ್ಚಿನ ತನಿಖೆಯ ಅಗತ್ಯವಿಲ್ಲ ಎಂದವರು ತಿಳಿಸಿದರು.

ಜುಲೈ 1, 2002 ರಂದು ನಡೆದ ಶಾಶ್ವತಿಕಾನಂದ ಅವರ ಸಾವಿನ ಬಗ್ಗೆ ಹಲವು ಆರೋಪಗಳು ಕೇಳಿಬಂದವು. ಆಲುವಾ ಪೆರಿಯಾರ್ ನದಿಯಲ್ಲಿ ಮುಳುಗಿ ಸ್ವಾಮಿ ಸಾವನ್ನಪ್ಪಿರುವುದು ಪತ್ತೆಯಾಗಿತ್ತು. ಈ ಪ್ರಕರಣವು ವೆಲ್ಲಪ್ಪಳ್ಳಿ ನಟೇಶನ್ ಮತ್ತು ಮಠದ ಕೆಲವು ಸದಸ್ಯರ ಶಾಮೀಲು ಸೇರಿದಂತೆ ಹಲವಾರು ಆರೋಪಗಳು ಮತ್ತು ಪ್ರತಿ-ಆರೋಪಗಳನ್ನು ಮಾಡಲಾಗಿದ್ದರಿಂದ ಸುದ್ದಿಯ ಗಮನ ಸೆಳೆಯಿತು.