ನಕಲಿ ವೆಬ್ಸೈಟ್ಗಳು, ಸಾಮಾಜಿಕ ಮಾಧ್ಯಮ ಪುಟಗಳು, ಗೂಗಲ್ ಸರ್ಚ್ ಇಂಜಿನ್ ಮತ್ತು ಪಾವತಿಸಿದ ಜಾಹೀರಾತುಗಳ ಮೂಲಕ ಆನ್ಲೈನ್ನಲ್ಲಿ ವಂಚನೆ ಮಾಡಲಾಗುತ್ತಿದೆ ಎಂದು ಕೇಳಿಬಂದಿದೆ. ಕೇಂದ್ರ ಗೃಹ ಸಚಿವಾಲಯದ ಸೈಬರ್ ಅಪರಾಧ ಸಮನ್ವಯ ಕೇಂದ್ರವು ಆನ್ಲೈನ್ ಬುಕಿಂಗ್ ಕುರಿತು ಸಾರ್ವಜನಿಕರು ಎಚ್ಚರಿಕೆಯಿಂದ ಇರುವಂತೆ ಹೇಳಿದೆ.
ಬುಕಿಂಗ್ ವೇಳೆ ಎಚ್ಚರಿಕೆಯಿಂದಿರಿ:
ಬುಕಿಂಗ್ ಮಾಡುವ ಮೊದಲು, ಖಾಸಗಿ ಬುಕಿಂಗ್ ಸೈಟ್ನ ಸತ್ಯಾಸತ್ಯತೆಯನ್ನು ಪರಿಶೀಲಿಸಬೇಕು ಎಂದು ತಿಳಿಸಿದೆ. ಅಲ್ಲದೇ ಸರ್ಕಾರಿ ಪೋರ್ಟಲ್ಗಳು ಮತ್ತು ವಿಶ್ವಾಸಾರ್ಹ ಪ್ರಯಾಣ ಏಜೆನ್ಸಿಗಳ ಮೂಲಕ ಮಾತ್ರ ಬುಕಿಂಗ್ ಮಾಡಲು ಜನರಿಗೆ ಸೂಚಿಸಲಾಗಿದೆ. ನಕಲಿ ವೆಬ್ಸೈಟ್ಗಳು ಮತ್ತು ಸಾಮಾಜಿಕ ಮಾಧ್ಯಮ ಪುಟಗಳ ಕುರಿತು ದೂರುಗಳನ್ನು ತಕ್ಷಣವೇ ರಾಷ್ಟ್ರೀಯ ಸೈಬರ್ ಅಪರಾಧ ವರದಿ ಮಾಡುವ ಪೋರ್ಟಲ್ www.cybercrime,gov.in ನಲ್ಲಿ ದಾಖಲಿಸಬೇಕು ಎಂದು ಗೃಹ ಸಚಿವಾಲಯ ಹೇಳಿದೆ. ಜೊತೆಗೆ ಈ ರೀತಿ ವಂಚನೆ ಆದ್ದಲ್ಲಿ 1930 ಗೆ ಕರೆ ಮಾಡುವ ಮೂಲಕವೂ ದೂರು ದಾಖಲಿಸಬಹುದು ಎಂದು ಮಾಹಿತಿ ನೀಡಿದೆ.
ಸೈಬರ್ ಕೇಂದ್ರದಿಂದ ಹೈಅಲರ್ಟ್:
ಆನ್ಲೈನ್ ವಂಚನೆಯನ್ನು ತಡೆಗಟ್ಟಲು ಭಾರತೀಯ ಸೈಬರ್ ಅಪರಾಧ ಸಮನ್ವಯ ಕೇಂದ್ರವು ಬಹುಮುಖಿ ತಂತ್ರವನ್ನು ಅಳವಡಿಸಿಕೊಂಡಿದೆ. ಸಕ್ರಿಯ ಪತ್ತೆಹಚ್ಚುವಿಕೆಯನ್ನು ಖಚಿತಪಡಿಸಿಕೊಳ್ಳಲು ಐಟಿ ವೇದಿಕೆಗಳಲ್ಲಿ ಹಗರಣದ ಸಂಕೇತಗಳನ್ನು ನಿರಂತರವಾಗಿ ಹಂಚಿಕೊಳ್ಳಲಾಗುತ್ತಿದೆ. ಸೈಬರ್ ಅಪರಾಧದ ತಾಣಗಳನ್ನು (ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳು, ನಗರಗಳು) ಗುರುತಿಸಲಾಗುತ್ತಿದೆ. ಇದರಿಂದ ಈ ಸ್ಥಳಗಳನ್ನು ಸೈಬರ್ ಅಪರಾಧ ದುರ್ಬಲ ಎಂದು ಘೋಷಿಸಬಹುದು. ನಕಲಿ ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ನಿಷ್ಕ್ರಿಯಗೊಳಿಸಲು ಸೈಬರ್ ಗಸ್ತು ತಿರುಗಲಾಗುತ್ತಿದೆ. ರಾಷ್ಟ್ರೀಯ ಸೈಬರ್ ಅಪರಾಧ ಪೋರ್ಟಲ್ನಲ್ಲಿ ಶಂಕಿತರನ್ನು ತನಿಖೆ ಮಾಡುವ ಮತ್ತು ವರದಿ ಮಾಡುವ ಸೌಲಭ್ಯವನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ.
ರಾಜಕೀಯ ನಾಯಕರಿಗೂ ಬಿಡದ ಸೈಬರ್ ಕಳ್ಳರು:
ಸೈಬರ್ ಅಪರಾಧಿಗಳು ರಾಜಕೀಯ ಪಕ್ಷಗಳ ಉನ್ನತ ನಾಯಕರನ್ನು ಸಹ ಬಿಡುತ್ತಿಲ್ಲ. ಹೌದು, ಈ ಸೈಬರ್ ಅಪರಾಧಿಗಳು ರಾಜಕೀಯ ಪಕ್ಷಗಳ ದೊಡ್ಡ ನಾಯಕರನ್ನೂ ಬಿಡುತ್ತಿಲ್ಲ. ಇತ್ತೀಚೆಗೆ ದೆಹಲಿ ಬಿಜೆಪಿ ನಾಯಕ ವಿಜಯ್ ಜಾಲಿ ಅವರ ಸಂಘಟನೆಗೆ ವಂಚನೆ ಮಾಡಲಾಗಿದೆ. ಈ ವಾರ ಅವರು ನೂರಾರು ರಾಮ ಭಕ್ತರ ಗುಂಪಿನೊಂದಿಗೆ ಅಯೋಧ್ಯೆಗೆ ಹೋದರು. ಅಲ್ಲಿ ಅವರಿಗೆ ಜಾನಕಿ ಮಹಲ್ ಟ್ರಸ್ಟ್ನ ನಕಲಿ ವೆಬ್ಸೈಟ್ ಸೃಷ್ಟಿಸಿ ಕೊಠಡಿ ಬುಕಿಂಗ್ ಹೆಸರಿನಲ್ಲಿ ಹಣ ವಂಚಿಸಲಾಗಿದೆ ಎಂದು ತಿಳಿದುಬಂದಿದೆ. ಜಾನಕಿ ಮಹಲ್ನಲ್ಲಿ ಅವರ ಹೆಸರಿನಲ್ಲಿ ಯಾವುದೇ ಬುಕಿಂಗ್ ಇರಲಿಲ್ಲ ಎನ್ನುವುದು ಆ ಬಳಿಕ ತಿಳಿದ ಮೇಲೆಯೇ ಸೈಬರ್ ವಂಚನೆ ನಡೆದಿದ್ದು ಬೆಳಕಿಗೆ ಬಂದಿದೆ.
DOCTYPE html>
.png)
