ಮೇ 18ಕ್ಕೆ ಸರ್ವಋತು ಕಣ್ಗಾವಲು ಉಪಗ್ರಹ ಉಡಾವಣೆ: ಇಸ್ರೋ

ನವದೆಹಲಿ: ಎಲ್ಲ ಹವಾಮಾನ ಪರಿಸ್ಥಿತಿಗಳಲ್ಲೂ ಬಾಹ್ಯಾಕಾಶದಿಂದ ಕಣ್ಗಾವಲು ನಡೆಸಲು ತನ್ನ ಸಾಮರ್ಥ್ಯ ಹೆಚ್ಚಿಸುವ ನಿಟ್ಟಿನಲ್ಲಿ ಭಾರತವು ಭೂ ವೀಕ್ಷಣಾ ಉಪಗ್ರಹವನ್ನು ಉಡಾವಣೆ ಮಾಡಲಿದೆ. ಶ್ರೀಹರಿಕೋಟಾದಲ್ಲಿ ಮೇ 18ರಂದು ಇಒಎಸ್‌-09 ಉಪಗ್ರಹದ ಉಡಾವಣೆಯನ್ನು ನಡೆಸಲಾಗುತ್ತಿದ್ದು, ಇದಕ್ಕೆ ವಿಜ್ಞಾನ ಹಾಗೂ ತಂತ್ರಜ್ಞಾನದ ಸಂಸದೀಯ ಸ್ಥಾಯಿ ಸಮಿತಿಯಲ್ಲಿರುವ ಸಂಸದರು ಸಾಕ್ಷಿಯಾಗಲಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಉಪಗ್ರಹವು ಹಗಲು, ರಾತ್ರಿ ಹಾಗೂ ಯಾವುದೇ ಹವಾಮಾನದಲ್ಲಿಯೂ ಭೂಮಿಯ ಮೇಲ್ಮೆ„ನ ಹೆಚ್ಚಿನ ರೆಸಲ್ಯುಷನ್‌ ಫೋಟೋ ತೆಗೆಯುವ ಸಾಮರ್ಥ್ಯ ಹೊಂದಿದೆ. ಇದು ರಾಷ್ಟ್ರೀಯ ಭದ್ರತೆ, ವಿಪತ್ತು ನಿರ್ವಹಣೆ, ಅರಣ್ಯ ಹಾಗೂ ಕೃಷಿ ಬಗ್ಗೆ ಮೇಲ್ವಿಚಾರಣೆ ನಡೆಸಲು ಸಹಕಾರಿಯಾಗಲಿದೆ.