ಭಾರತದಲ್ಲಿ ಆಯಪಲ್‌ ಸಾಧನಗಳ ಉತ್ಪಾದನೆ ಬೇಡ: ಟಿಮ್ ಕುಕ್‌ಗೆ ಟ್ರಂಪ್ ತಾಕೀತು

ದೋಹಾ:ಭಾರತದಲ್ಲಿ ಆಯಪಲ್‌ ಸಾಧನಗಳನ್ನು ಉತ್ಪಾದನೆ ಮಾಡುವುದು ಬೇಡ ಎಂದು ಐಫೋನ್‌ ತಯಾರಿಕಾ ಕಂಪನಿ ಆಯಪಲ್ ಸಿಇಒ ಟಿಮ್‌ ಕುಕ್‌ ಅವರಿಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಾಕೀತು ಮಾಡಿದ್ದಾರೆ. 

ದೋಹಾದಲ್ಲಿ ನಡೆದ ವ್ಯಾಪಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಟ್ರಂಪ್, 'ಟೀಮ್‌, ನೀನು ನನ್ನ ಸ್ನೇಹಿತ.

ಭಾರತವು ತನ್ನನ್ನು ತಾನು ಜಗತ್ತಿನಲ್ಲಿ ಅತಿ ಹೆಚ್ಚು ಸುಂಕ ವಿಧಿಸುವ ದೇಶವಾಗಿದೆ. ಅಲ್ಲದೇ, ಉತ್ಪನ್ನಗಳನ್ನು ಭಾರತದಲ್ಲಿ ಮಾರಾಟ ಮಾಡುವುದು ಮತ್ತು ವಹಿವಾಟು ನಡೆಸುವುದು ಕಷ್ಟಕರ. ಅಮೆರಿಕದಲ್ಲಿ ₹42.74 ಲಕ್ಷ ಕೋಟಿ (500 ಬಿಲಿಯನ್‌ ಡಾಲರ್‌) ಮೊತ್ತ ಹೂಡಿಕೆ ಮಾಡುತ್ತಿದ್ದೆ. ಆದರೆ, ಇದೀಗ ಭಾರತದಲ್ಲಿ ತಯಾರಿಕಾ ಘಟಕ ಸ್ಥಾಪಿಸಲು ಮುಂದಾಗಿರುವೆ. ಭಾರತದಲ್ಲಿ ನಿರ್ಮಿಸುತ್ತಿರುವುದಕ್ಕೆ ನನ್ನ ಸಹಮತವಿಲ್ಲ ಎಂದು ತಿಳಿಸಿದ್ದಾರೆ.

'ಭಾರತವು ಸರಕುಗಳ ಮೇಲೆ ಯಾವುದೇ ಸುಂಕವನ್ನು ವಿಧಿಸುವುದಿಲ್ಲ ಎಂದು ಹೇಳಿತ್ತು. ಆದರೆ, ಇಲ್ಲಿಯವರೆಗೆ ಸುಂಕ ಕಡಿತದ ಘೋಷಣೆ ಮಾಡಿಲ್ಲ. ಚೀನಾದಲ್ಲಿ ಆಯಪಲ್ ಸ್ಥಾಪಿಸಿದ ಎಲ್ಲಾ ಕಾರ್ಖಾನೆಗಳನ್ನೂ ನಾವು ಸಹಿಸಿಕೊಂಡಿದ್ದೇವೆ. ಆದರೆ, ಭಾರತದಲ್ಲಿ ಆಯಪಲ್‌ ಸಾಧನಗಳನ್ನು ಉತ್ಪಾದನೆ ಮಾಡುವುದಕ್ಕೆ ನಮ್ಮ ಒಪ್ಪಿಗೆ ಇಲ್ಲ' ಎಂದು ಟ್ರಂಪ್ ಸ್ಪಷ್ಟಪಡಿಸಿದ್ದಾರೆ.

ಭಾರತದೊಂದಿಗೆ ವಾಷಿಂಗ್ಟನ್‌ನ ವಿಶಾಲ ವ್ಯಾಪಾರ ಸಂಬಂಧಗಳ ಕುರಿತು ಚರ್ಚಿಸುವಾಗ ಟ್ರಂಪ್ ಈ ಹೇಳಿಕೆ ನೀಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.