21 ತಿಂಗಳ ಯುದ್ಧ: ಗಾಜಾದಲ್ಲಿ 59 ಸಾವಿರ ದಾಟಿದ ಮೃತರ ಸಂಖ್ಯೆ

ದೀರ್ ಅಲ್-ಬಲಾಹ್ : ಕಳೆದ 21 ತಿಂಗಳಿನಿಂದ ನಡೆಯುತ್ತಿರುವ ಯುದ್ಧದಿಂದಾಗಿ ಮೃತಪಟ್ಟವರ ಸಂಖ್ಯೆ 59 ಸಾವಿರ ದಾಟಿದೆ ಎಂದು ಗಾಜಾದ ಆರೋಗ್ಯ ಸಚಿವಾಲಯ ಸೋಮವಾರ ಹೇಳಿದೆ.

2023ರ ಅಕ್ಟೋಬರ್ 7‌ರಂದು ಪ್ರಾರಂಭವಾದ ಯುದ್ಧದ ನಂತರ 59,029 ಜನರು ಹತರಾಗಿದ್ದು, 1,42,135 ಜನರು ಗಾಯಗೊಂಡಿದ್ದಾರೆ ಎಂದು ಸಚಿವಾಲಯ ಹೇಳಿದೆ.

ಸಚಿವಾಲಯವು ತಾನು ನೀಡಿರುವ ಮೃತರ ಅಂಕಿಅಂಶದಲ್ಲಿ ಅಗಲಿದ ನಾಗರಿಕರು ಮತ್ತು ಹೋರಾಟಗಾರರೆಷ್ಟು ಎಂಬ ಮಾಹಿತಿಯನ್ನು ಪತ್ಯೇಕವಾಗಿ ನೀಡಿಲ್ಲ. ಆದರೆ ಮೃತಪಟ್ಟವರಲ್ಲಿ ಅರ್ಧಕ್ಕಿಂತ ಹೆಚ್ಚು ಮಹಿಳೆಯರು ಮತ್ತು ಮಕ್ಕಳಿದ್ದಾರೆ ಎಂದು ಉಲ್ಲೇಖಿಸಿದೆ.