ಸಂಭಲ್‌ಪುರ ಬಳಿ ಹಳಿ ತಪ್ಪಿದ ಮಹಿಮಾ ಗೋಸೈನ್ ಎಕ್ಸ್‌ಪ್ರೆಸ್‌

ಭುವನೇಶ್ವರ: ಶಾಲಿಮಾರ್- ಸಂಭಲ್‌ಪುರ ಮಹಿಮಾ ಗೋಸೈನ್ ಎಕ್ಸ್‌ಪ್ರೆಸ್ ರೈಲು ಇಂದು (ಗುರುವಾರ) ಸಂಭಲ್‌ಪುರ ರೈಲು ನಿಲ್ದಾಣದ ಬಳಿ ಹಳಿ ತಪ್ಪಿದೆ. 

ಬೆಳಿಗ್ಗೆ 9:18ಕ್ಕೆ ಈ ಘಟನೆ ನಡೆದಿದೆ. ಅವಘಡದಲ್ಲಿ ಯಾವುದೇ ಜೀವ ಅಥವಾ ಆಸ್ತಿಪಾಸ್ತಿ ನಷ್ಟ ಸಂಭವಿಸಿಲ್ಲ ಎಂದು ಪೂರ್ವ ಕರಾವಳಿ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.

ರೈಲು ನಿಧಾನವಾಗಿ ಚಲಿಸುತ್ತಿದ್ದುದರಿಂದ ದೊಡ್ಡ ದುರಂತ ತಪ್ಪಿದೆ ಎಂದು ರೈಲಿನ ಸಿಬ್ಬಂದಿ ತಿಳಿಸಿದ್ದಾರೆ.