ಅಟಾರ್ನಿ ಜನರಲ್ ಆಗಿ ಎರಡು ವರ್ಷಗಳ ಅವಧಿಗೆ ಆರ್. ವೆಂಕಟರಮಣಿ ಮರುನೇಮಕ

ನವದೆಹಲಿ: ಹಿರಿಯ ವಕೀಲ ಆರ್‌. ವೆಂಕಟರಮಣಿ (75) ಅವರನ್ನು ಭಾರತದ ಅಟಾರ್ನಿ ಜನರಲ್‌ ಆಗಿ ಎರಡು ವರ್ಷಗಳ ಅವಧಿಗೆ ಶುಕ್ರವಾರ ಮರುನೇಮಕ ಮಾಡಲಾಗಿದೆ.

ದೇಶದ ಉನ್ನತ ಕಾನೂನು ಅಧಿಕಾರಿಯನ್ನಾಗಿ ವೆಂಕಟರಮಣಿ ಅವರನ್ನು ನೇಮಿಸಿರುವ ಆದೇಶವು ಅಕ್ಟೋಬರ್‌ 1ರಿಂದ ಜಾರಿಯಾಗಲಿದೆ.

ಹಿರಿಯ ವಕೀಲ ಕೆ.ಕೆ. ವೇಣುಗೋಪಾಲ್‌ ಅವರ ನಂತರ 2022ರಲ್ಲಿ ಅಟಾರ್ನಿ ಜನರಲ್‌ ಆಗಿ ನೇಮಕಗೊಂಡಿದ್ದ ವೆಂಕಟರಮಣಿ ಅವರ ಸದ್ಯದ ಮೂರು ವರ್ಷಗಳ ಅಧಿಕಾರಾವಧಿಯು ಸೆಪ್ಟೆಂಬರ್‌ 30ಕ್ಕೆ ಕೊನೆಯಾಗಲಿದೆ.

'ಅಟಾರ್ನಿ ಜನರಲ್‌' - ಸಾಂವಿಧಾನಿಕ ಹುದ್ದೆಯಾಗಿದ್ದು, ಕೇಂದ್ರ ಸರ್ಕಾರದ ಶಿಫಾರಸಿನ ಮೇರೆಗೆ ರಾಷ್ಟ್ರಪತಿಯವರು ನೇಮಕ ಮಾಡುತ್ತಾರೆ.