ಟ್ರಂಪ್ ಭಾಷಣ 'ಎಡಿಟ್' ಪ್ರಕರಣ: ಬಿಬಿಸಿ ಮುಖ್ಯಸ್ಥರ ವಿಚಾರಣೆ

ಲಂಡನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ಭಾಷಣವನ್ನು ಎಡಿಟ್ ಮಾಡಿ, 2021ರ ಕ್ಯಾಪಿಟಲ್‌ ಗಲಭೆಗೆ ಕುಮ್ಮಕ್ಕು ನೀಡಿದಂತೆ ಬಿಂಬಿಸಿದ ಆರೋಪಕ್ಕೆ ಸಂಬಂಧಿಸಿದಂತೆ ಬಿಬಿಸಿ ಅಧಿಕಾರಿಗಳನ್ನು ಬ್ರಿಟನ್ ಸಂಸತ್‌ನ ಸಂಸ್ಕೃತಿ, ಮಾಧ್ಯಮ, ಕ್ರೀಡಾ ಸಮಿತಿಯು ಸೋಮವಾರ ವಿಚಾರಣೆಗೆ ಒಳಪಡಿಸಿತು.

ಈ ವೇಳೆ ಬಿಬಿಸಿ ಮುಖ್ಯಸ್ಥ ಸಮೀರ್‌ ಶಾ ಅವರು, 'ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಿಬಿಸಿಯು ತಡವಾಗಿ ಪ್ರತಿಕ್ರಿಯಿಸಿತು. ಸಂಸ್ಥೆಯು ತ್ವರಿತಗತಿಯಲ್ಲಿ ಪ್ರತಿಕ್ರಿಯಿಸಬೇಕಿತ್ತು' ಎಂದು ವಿಷಾದಿಸಿದರು.

ಸಂಸ್ಥೆಯು ನಿಷ್ಪಕ್ಷಪಾತ ಧೋರಣೆಯನ್ನು ಕಡೆಗಣಿಸುತ್ತಿದೆ ಎಂಬ ಆರೋಪವನ್ನು ಅವರು ನಿರಾಕರಿಸಿದರು.

ಪ್ರಕರಣ ಏನು?:

ಟ್ರಂಪ್‌ ಅವರ ಭಾಷಣವನ್ನು ಎಡಿಟ್ ಮಾಡಿ, 2021ರ ಕ್ಯಾಪಿಟಲ್‌ ಗಲಭೆಗೆ ಕುಮ್ಮಕ್ಕು ನೀಡಿದಂತೆ ಬಿಂಬಿಸಲಾಗಿದೆ ಎಂಬ ಆರೋಪ ಕೇಳಿಬಂದಿತ್ತು. ಇದು ತೀವ್ರ ವಿವಾದಕ್ಕೆ ಕಾರಣವಾಗಿ, ಬಿಬಿಸಿಯ ಮುಖ್ಯಸ್ಥರಿಬ್ಬರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದರು. ಬಳಿಕ ಟ್ರಂಪ್‌ ಅವರಲ್ಲಿಯೂ ಸಂಸ್ಥೆಯು ಕ್ಷಮೆಯಾಚಿಸಿತ್ತು.