ಮಂಜೇಶ್ವರ ಬ್ಲಾಕ್ ಪಂಚಾಯತಿ ಸದಸ್ಯರಿಂದ ಪ್ರಮಾಣ ವಚನ ಸ್ವೀಕಾರ

ಮಂಜೇಶ್ವರ: ಮಂಜೇಶ್ವರ ಬ್ಲಾಕ್ ಪಂಚಾಯತಿಗೆ ಚುನಾಯಿತ ಸದಸ್ಯರ ಪ್ರಮಾಣ ವಚನ ಸ್ವೀಕಾರ ಸಮಾರಂಭ ಮಂಜೇಶ್ವರ ಬ್ಲಾಕ್ ಪಂಚಾಯತಿ ಸಭಾಂಗಣದಲ್ಲಿ ಭಾನುವಾರ ನಡೆಯಿತು. ಬ್ಲಾಕ್ ಪಂಚಾಯತಿಯ ಎಲ್ಲಾ 16 ವಿಭಾಗಗಳ ಸದಸ್ಯರು ಪ್ರಮಾಣ ವಚನ ಸ್ವೀಕರಿಸಿ ಸಮಾರಂಭದಲ್ಲಿ ಅಧಿಕಾರ ವಹಿಸಿಕೊಂಡರು. ಚುನಾವಣಾಧಿಕಾರಿ ಉಪ ಕಲೆಕ್ಟರ್ ಎಂ. ರಮೀಜ್ ರಾಜಾ ಅವರು 9 ನೇ ವಿಭಾಗದ ಹಿರಿಯ ಸದಸ್ಯ ಅಬ್ದುಲ್ ಅಜೀಜ್ ಮರಿಕೆ ಅವರಿಗೆ ಪ್ರಮಾಣ ವಚನ ಬೋಧಿಸಿದರು. ನಂತರ ಇತರ ಸದಸ್ಯರು ವಿಭಾಗಗಳ ಕ್ರಮದಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.

ಪ್ರಮಾಣ ವಚನ ಸಮಾರಂಭದಲ್ಲಿ ನೂತನ ಜನಪ್ರತಿನಿಧಿಗಳಾದ ಕುಂಜತ್ತೂರು ವಿಭಾಗದ ಮೊಹಮ್ಮದ್ ಹನೀಫಾ, ಪಾತೂರು ವಿಭಾಗದಿಂದ ಎಸ್.ಎ. ಬೀಪಾತು, ಮುಳಿಗದ್ದೆ ವಿಭಾಗದಿಂದ ಅಬ್ದುಲ್ ರಜಾಕ್ ಚಿಪ್ಪಾರ್, ಚೇವಾರ್ ವಿಭಾಗದಿಂದ ಚಂದ್ರಾವತಿ ಎಂ. ಶೆಟ್ಟಿ, ಪೆರ್ಮುದೆ ವಿಭಾಗದಿಂದ ಮೊಹಮ್ಮದ್ ಬಶೀರ್, ಎಣ್ಮಕಜೆ ವಿಭಾಗದಿಂದ ವಿದ್ಯಾ ಕುಮಾರಿ, ಪೆರ್ಲ ವಿಭಾಗದಿಂದ ನಫೀಸತ್ ಮಿಸಿರಿಯಾ, ಪುತ್ತಿಗೆ ವಿಭಾಗದಿಂದ ಎಂ.ಕೆ. ಮೊಹಮ್ಮದ್ ಜುನೈದ್, ನಯಾಬಜಾರ್ ವಿಭಾಗದಿಂದ ಜಮೀಲಾ, ಉಪ್ಪಳ ವಿಭಾಗದಿಂದ ಫಾತಿಮತ್ ಜೌರಾ, ಕಡಂಬಾರ್ ವಿಭಾಗದಿಂದ ಜ್ಯೋತಿ ಪಿ. ರೈ, ಮಜೀರ್ಪಳ್ಳ ವಿಭಾಗದಿಂದ ಮೋಹನ್ ರೈ, ಧರ್ಮನಗರ ವಿಭಾಗದಿಂದ ಕೆ. ಕಮಲಾಕ್ಷಿ, ಬಡಾಜೆ ವಿಭಾಗದಿಂದ ಸೈಫುಲ್ಲಾ ತಂಙಳ್ ಮತ್ತು ಮಂಜೇಶ್ವರ ವಿಭಾಗದಿಂದ ನಾಗೇಶ್ ಮಂಜೇಶ್ವರ ಭಾಗವಹಿಸಿದ್ದರು. ಸಮಾರಂಭದಲ್ಲಿ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು ಸೇರಿದಂತೆ ಅನೇಕರು ಭಾಗವಹಿಸಿದ್ದರು. ಪ್ರಮಾಣ ವಚನ ಸ್ವೀಕಾರದ ನಂತರ, ಮೊದಲ ಸಭೆ ಅಬ್ದುಲ್ ಅಜೀಜ್ ಮರಿಕೆ ಅಧ್ಯಕ್ಷತೆಯಲ್ಲಿ ನಡೆಯಿತು.