ಕಾರಡ್ಕ ಬ್ಲಾ.ಪಂ.ಸದಸ್ಯರಿಂದ ಪ್ರಮಾಣ ವಚನ ಸ್ವೀಕಾರ

ಮುಳ್ಳೇರಿಯ: ಕಾರಡ್ಕ ಬ್ಲಾಕ್ ಪಂಚಾಯತ್ ಪ್ರತಿನಿಧಿಗಳ ಪ್ರಮಾಣ ವಚನ ಸ್ವೀಕಾರ ಸಮಾರಂಭ ಕಾರಡ್ಕ ಬ್ಲಾಕ್ ಪಂಚಾಯತ್ ಸಭಾಂಗಣದಲ್ಲಿ ಭಾನುವಾರ ನಡೆಯಿತು. ಬ್ಲಾಕ್ ಪಂಚಾಯತ್‍ನ ಎಲ್ಲಾ 14 ವಿಭಾಗಗಳ ಸದಸ್ಯರು ಪ್ರಮಾಣ ವಚನ ಸ್ವೀಕರಿಸಿ ಸಮಾರಂಭದಲ್ಲಿ ಅಧಿಕಾರ ವಹಿಸಿಕೊಂಡರು. ಚುನಾವಣಾಧಿಕಾರಿ ಮತ್ತು ಕಾಸರಗೋಡು ಸರ್ವೆ ಉಪ ನಿರ್ದೇಶಕ ಎಸ್. ವಿನೋದ್ ಅವರು 9ನೇ ಮುನ್ನಾಡ್ ವಿಭಾಗದ ಹಿರಿಯ ಸದಸ್ಯ ಸಿ. ಬಾಲನ್ ಅವರಿಗೆ ಪ್ರಮಾಣ ವಚನ ಬೋಧಿಸಿದರು. ನಂತರ, ಇತರ ಸದಸ್ಯರು ವಿಭಾಗಗಳ ಕ್ರಮದಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.

ಮವ್ವಾರ್ ವಿಭಾಗದಿಂದ ಸುಧಾಮ ಗೋಸಾಡ, ಕುಂಬ್ಡಾಜೆ ವಿಭಾಗದಿಂದ ಜಯಾನಂದ ಕುಳ, ಬೆಳ್ಳೂರು ವಿಭಾಗದಿಂದ ಉಷಾ, ಅಡೂರು ವಿಭಾಗದಿಂದ ರೂಪಾ ಸತ್ಯನ್, ದೇಲಂಪಾಡಿ ವಿಭಾಗದಿಂದ ಗೋಪಾಲ ಜಿ ಮಯ್ಯಾಳ, ಅಡೂರು ವಿಭಾಗದಿಂದ ಜಯಲಕ್ಷ್ಮಿ, ಕುತ್ತಿಕೋಲ್ ವಿಭಾಗದಿಂದ ಜಿ ರಾಜೇಶ್ ಬಾಬು, ಪಡ್ಪು ವಿಭಾಗದಿಂದ ಶಮೀರ್ ಕಂಪಕ್ಕೋಡ್, ಕುಂಡಂಗುಳಿ ವಿಭಾಗದಿಂದ ಎ.ಪಿ. ನಿಶಾ, ಕೊಳತ್ತೂರು ವಿಭಾಗದಿಂದ ಕೆ ಪ್ರಿಯಾ, ಪೊವ್ವಲ್ ವಿಭಾಗದಿಂದ ಕೆ ಶಾಂತಿನಿ ದೇವಿ, ಮುಳಿಯಾರ್ ವಿಭಾಗದಿಂದ ಕೆ ಸುಗಂಧಿನಿ ಮತ್ತು ಕಾರಡ್ಕ ವಿಭಾಗದಿಂದ ಎಸ್ ಆರ್ ಸತ್ಯವತಿ ಪ್ರಮಾಣ ವಚನ ಸ್ವೀಕರಿಸಿದ ಇತರ ಜನಪ್ರತಿನಿಧಿಗಳು. 

ಪ್ರಮಾಣ ವಚನ ಸ್ವೀಕಾರದ ನಂತರ, ಸಿ ಬಾಲನ್ ಅಧ್ಯಕ್ಷತೆಯಲ್ಲಿ ಮೊದಲ ಸಭೆ ನಡೆಯಿತು. ಕಾರ್ಯಕ್ರಮದಲ್ಲಿ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು ಸೇರಿದಂತೆ ಅನೇಕರು ಭಾಗವಹಿಸಿದ್ದರು. ಅವಿರೋಧವಾಗಿ ಎಂ.ಕೆ. ಅಶ್ರಫ್ ಬ್ಲಾಕ್ ಪಂಚಾಯತ್ ಸದಸ್ಯರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.