ಸಾವಿರಾರು ಭಕ್ತರ ಸಮಕ್ಷಮ ಕುಂಬಳೆ ಬೆಡಿ ಸಂಪನ್ನ: ಇಂದು ಅವಭೃತ

ಕುಂಬಳೆ: ಕಣಿಪುರ ಶ್ರೀ ಗೋಪಾಲಕೃಷ್ಣ ದೇವಸ್ಥಾನದ ವಾರ್ಷಿಕ ಮಹೋತ್ಸವದಂಗವಾಗಿ ವಿಶೇಷ ಬೆಡಿ ಪ್ರದರ್ಶನ ಶನಿವಾರ ರಾತ್ರಿ ನಡೆಯಿತು. ಕುಂಬಳೆ ಬೆಡಿ ಎಂದೇ ಪ್ರಸಿದ್ಧವಾದ ಕಾರ್ಯಕ್ರಮ ರಾತ್ರಿ 9.45ರಿಂದ ಪ್ರಾರಂಭಗೊಂಡಿತು. 

(ಚಿತ್ರ: ಗೋಪಾಲಕೃಷ್ಣ ಕುಂಬ್ಳೆ.ಪುತ್ತೂರು) 
ಶನಿವಾರ ಬೆಳಿಗ್ಗೆ ಉತ್ಸವ ಶ್ರೀಬಲಿ,  ತುಲಾಭಾರ ಸೇವೆ, ಮಧ್ಯಾಹ್ನ  ಮಹಾಪೂಜೆ, ಅನ್ನ ಸಂತರ್ಪಣೆ ನಡೆಯಿತು. ಸಂಜೆ 4.30ರಿಂದ ವಿದುಷಿ ಡಾ. ವಿದ್ಯಾಲಕ್ಷ್ಮಿ ನಾಟ್ಯ ವಿದ್ಯಾನಿಲಯ ಕುಂಬಳೆ ಇವರ ಶಿಷ್ಯವೃಂದದಿಂದ ನೃತ್ಯ ಸಂಭ್ರಮ, 6ರಿಂದ ಚೆಂಡೆಮೇಳ, 6.30ಕ್ಕೆ ದೀಪಾರಾಧನೆ, ರಾತ್ರಿ 7.30ರಿಂದ ಪೂಜೆ, ಶ್ರೀ ಭೂತಬಲಿ ಉತ್ಸವ,  ವಿಶೇಷ ಬೆಡಿ ಪ್ರದರ್ಶನದ ಬಳಿಕ ಉತ್ಸವ ಬಲಿ, ಶಯನ, ಕವಾಟ ಬಂಧನ ನಡೆಯಿತು. ಕುಂಬಳೆ ಚಿರಂಜೀವಿ ಆಟ್ರ್ಸ್ ಆಂಡ್ ಸ್ಪೋಟ್ರ್ಸ್ ಕ್ಲಬ್‍ನವರಿಂದ ವಯಲಿನ್ ಫ್ಯೂಶನ್, ಮೆಗಾ ಮ್ಯೂಸಿಕಲ್ ನೈಟ್ ಹಾಗೂ  ಗೌರವಾರ್ಪಣೆ ಕಾರ್ಯಕ್ರಮ  ನಡೆಯಿತು. 

ಇಂದು ಬೆಳಿಗ್ಗೆ 6ಕ್ಕೆ ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಧ್ಯಾಹ್ನ ಮಹಾಪೂಜೆ, ಅನ್ನ ಸಂತರ್ಪಣೆ, ಅಪರಾಹ್ನ 3ರಿಂದ ಉತ್ಸವ ಬಲಿ, ಶೋಭಾಯಾತ್ರೆ, ಶೇಡಿಗುಮ್ಮೆಯಲ್ಲಿ ಅವಭೃತ ಸ್ನಾನ, 4 ರಿಂದ ಯಕ್ಷಗಾನ ಬಯಲಾಟ, ರಾತ್ರಿ 7.30 ರಿಂದ ಬಟ್ಟಲು ಕಾಣಿಕೆ, ಧ್ವಜಾವರೋಹಣ ನಡೆಯಲಿದೆ. 19 ರಂದು ಬೆಳಿಗ್ಗೆ ಶ್ರೀ ದೇವರಿಗೆ ಪಂಚಾಮೃತ, ಎಳನೀರು ಅಭಿಷೇಕ, ಮಹಾಪೂಜೆ, ಶ್ರೀಬಲಿ, ಅನ್ನ ಸಂತರ್ಪಣೆ, ಸಂಜೆ 6.30 ಕ್ಕೆ ದೀಪಾರಾಧನೆ, ಭಜನೆ, 7.30ರಿಂದ ಮಹಾಪೂಜೆ, ಶ್ರೀ ಭೂತಬಲಿ ಉತ್ಸವ ನಡೆಯಲಿದೆ.

ಚಿತ್ರ: ಗೋಪಾಲಕೃಷ್ಣ ಕುಂಬ್ಳೆ.ಪುತ್ತೂರು