ಅಬ್ಬಾ...ಎಂತ ಕುಡುಕರು ಇವರೆಲ್ಲ?: ರಾಜ್ಯ ಸೆಕ್ರಟರಿಯೇಟ್ ನಲ್ಲಿ ಮೂರು ತಿಂಗಳ ಚಹಾ ಸೇವನೆ ಬಿಲ್ ಪಾವತಿಗೆ 6.05 ಲಕ್ಷ ರೂ.! ದಿನಕ್ಕೆ ಸರಾಸರಿ ಹತ್ತು ಸಾವಿರ ರೂ.ವೆಚ್ಚ

ತಿರುವನಂತಪುರಂ: ಕಳೆದ ಮೂರು ತಿಂಗಳಿನಿಂದ ರಾಜ್ಯ ಸೆಕ್ರಟರಿಯೇಟ್ (ಸಚಿವಾಲಯ)ನ ಮುಖ್ಯ ಕಾರ್ಯದರ್ಶಿ ಮತ್ತು ಕಾರ್ಯದರ್ಶಿಗಳ ಕಚೇರಿಗಳಲ್ಲಿ ಚಹಾ ಖರ್ಚುಗಳಿಗೆ 6.05 ಲಕ್ಷ ರೂಪಾಯಿಗಳನ್ನು ಮಂಜೂರು ಮಾಡಲಾಗಿದೆ.

ಇಂಡಿಯನ್ ಕಾಫಿ ಹೌಸ್ ಗೆ ಸಚಿವಾಲಯ ಶಾಖೆಯು ಅಕ್ಟೋಬರ್, ನವೆಂಬರ್ ಮತ್ತು ಡಿಸೆಂಬರ್ ತಿಂಗಳುಗಳ ತಿಂಡಿ ಮತ್ತು ಚಹಾಕ್ಕಾಗಿ ಪಾವತಿಸಬೇಕಾದ 6,05,434 ರೂಪಾಯಿಗಳ ಬಾಕಿಯನ್ನು ಪಾವತಿಸಲು ಸಾರ್ವಜನಿಕ ಆಡಳಿತ ಲೆಕ್ಕಪತ್ರ ಇಲಾಖೆ ಆದೇಶ ಹೊರಡಿಸಿದೆ.

ಕರ್ತವ್ಯ ದಿನಗಳನ್ನು ಎಣಿಸಿದರೆ, ಈ ಕಚೇರಿಗಳಲ್ಲಿ ಪ್ರತಿದಿನ ಸರಾಸರಿ 10,000 ರೂಪಾಯಿಗಳನ್ನು ಚಹಾ ಮತ್ತು ತಿಂಡಿಗಳಿಗೆ ಖರ್ಚು ಮಾಡಲಾಗುತ್ತದೆ. ಒಂದು ತಿಂಗಳಲ್ಲಿ ಸರಾಸರಿ ಖರ್ಚು ಸುಮಾರು ಎರಡು ಲಕ್ಷ ರೂಪಾಯಿಗಳು. ರಾಜ್ಯವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿರುವ ಸಮಯದಲ್ಲಿ ಈ ಬೃಹತ್ ಮೊತ್ತದ ಕುಡಿತ ಈಗಾಗಲೇ ಭಾರೀ ಚರ್ಚೆ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ.