ಅಧಿಕಾರ ವಹಿಸಿಕೊಂಡ ನೂತನ ಎಡಿಎಂ

ಕಾಸರಗೋಡು: ಕಾಸರಗೋಡು ಜಿಲ್ಲೆಯ ನೂತನ ಎಡಿಎಂ ಆಗಿ ಪಿ. ಉದಯಕುಮಾರ್ ಪೆರ್ಲ ಅಧಿಕಾರ ವಹಿಸಿಕೊಂಡಿದ್ದಾರೆ. ಅವರು ಐ.ಎ. ಎನ್.ಎಚ್. ವಿಶೇಷ ತಹಶೀಲ್ದಾರ್ ಆಗಿದ್ದರು. 1996 ರಲ್ಲಿ ಎಲ್.ಎ  ಜನರಲ್ ಕಚೇರಿಯಲ್ಲಿ ಎಲ್.ಡಿ. ಕ್ಲರ್ಕ್ ಆಗಿ ಸೇರಿದ ಉದಯಕುಮಾರ್, ಕಾಸರಗೋಡು ತಾಲ್ಲೂಕು ಕಚೇರಿಯಲ್ಲಿ ಹಿರಿಯ ಕ್ಲರ್ಕ್ ಆಗಿ, ಶೇಣಿ, ಆಡೂರು, ಬದಿಯಡ್ಕ, ಕುಂಬ್ಡಾಜೆ ಮತ್ತು ಬೇಳ ಗ್ರಾಮ ಕಚೇರಿಗಳಲ್ಲಿ ಗ್ರಾಮ ಅಧಿಕಾರಿಯಾಗಿ, ಕಾಸರಗೋಡು ಕಲೆಕ್ಟರೇಟ್, ಮಂಜೇಶ್ವರ ತಾಲ್ಲೂಕು ಮತ್ತು ಕಾಸರಗೋಡು ಆರ್.ಡಿ.ಒ ಕಚೇರಿಯಲ್ಲಿ ಕಿರಿಯ ಸೂಪರಿಂಟೆಂಡೆಂಟ್ ಆಗಿ, ಕಾಸರಗೋಡು ಆರ್.ಡಿ.ಒ.ಕಚೇರಿಯಲ್ಲಿ ಹಿರಿಯ ಸೂಪರಿಂಟೆಂಡೆಂಟ್ ಆಗಿ ಮತ್ತು ಭೂ ನ್ಯಾಯಮಂಡಳಿ ತಹಶೀಲ್ದಾರ್ ಆಗಿ ಸೇವೆ ಸಲ್ಲಿಸಿದ್ದಾರೆ. ಪೆರಡಾಲ ನವಜೀವನ ಹೈಯರ್ ಸೆಕೆಂಡರಿ ಶಾಲೆಯ ಶಿಕ್ಷಕಿ ಎಂ.ವಿ. ಶ್ರೀಜಾ ಇವರ ಪತ್ನಿ. ಅವರ ಮಕ್ಕಳು ಅಜಯ್ ಮತ್ತು ಶ್ರೀಲಕ್ಷ್ಮಿ. ಅವರು ಎಣ್ಮಕಜೆ ಪೆರ್ಲದ ದಿವಂಗತ ಮಾಧವನ್ ಮತ್ತು ಶಾರದಾ ದಂಪತಿಗಳ ಪುತ್ರ.