ನಿಯಮ ಉಲ್ಲಂಘಿಸಿ ಪೋಲೀಸ್ ಅಧಿಕಾರಿಗಳ ಸಾಮೂಹಿಕ ವರ್ಗಾವಣೆ ತಡೆಹಿಡಿದಿದ ರಾಜ್ಯ ಆಡಳಿತ ನ್ಯಾಯಮಂಡಳಿ

ಪಾಲಕ್ಕಾಡ್: ಪಾಲಕ್ಕಾಡ್ ಜಿಲ್ಲೆಯ ಒಂಬತ್ತು ಸಿವಿಲ್ ಪೋಲೀಸ್ ಅಧಿಕಾರಿಗಳನ್ನು ದೂರದ ಸ್ಥಳಗಳಿಗೆ ವರ್ಗಾಯಿಸಿದ ವಿವಾದಾತ್ಮಕ ಆದೇಶವನ್ನು ನ್ಯಾಯಮಂಡಳಿ ತಕ್ಷಣವೇ ತಡೆಹಿಡಿದಿದೆ.

ಕಾನೂನುಬದ್ಧವಾಗಿ ನೀಡಲಾದ ಆದ್ಯತೆಯ ಠಾಣೆಗಳನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿ, ಅವರನ್ನು ಅನಾನುಕೂಲತೆಗೊಳಿಸುವ ರೀತಿಯಲ್ಲಿ ದೂರದ ಸ್ಥಳಗಳಿಗೆ ವರ್ಗಾಯಿಸಿದ ಅಧಿಕಾರಿಯ ನಿರ್ಲಕ್ಷ್ಯವನ್ನು ಪ್ರಶ್ನಿಸಿ ಸಿಪಿಒಗಳು ನ್ಯಾಯಮಂಡಳಿಯನ್ನು ಸಂಪರ್ಕಿಸಿದ್ದರು. 

ನೌಕರರ ಹಕ್ಕುಗಳನ್ನು ರಕ್ಷಿಸಲು ಈ ತೀರ್ಪು ನೀಡಲಾಗಿದೆ. ಇಲಾಖಾ ವರ್ಗಾವಣೆಗಳಲ್ಲಿ ಕಟ್ಟುನಿಟ್ಟಾಗಿ ಪಾಲಿಸಬೇಕಾದ ಹಿರಿತನ ಮತ್ತು ಆದ್ಯತೆಗಳನ್ನು ಉಲ್ಲಂಘಿಸುವ ಮೂಲಕ ಉನ್ನತ ಪೆÇಲೀಸ್ ಮುಖ್ಯಸ್ಥರು ಈ ಕ್ರೂರ ಕ್ರಮವನ್ನು ಕೈಗೊಂಡರು.

ವರ್ಗಾವಣೆಯ ಒಂಬತ್ತು ಸಂತ್ರಸ್ಥರು ಕೇರಳ ಪೋಲೀಸ್ ಸಂಘ ಮತ್ತು ಅಧಿಕಾರಿಗಳ ಸಂಘದ ಜಿಲ್ಲಾ ಮತ್ತು ರಾಜ್ಯ ಪದಾಧಿಕಾರಿಗಳಾಗಿದ್ದಾರೆ. ಸಿಪಿಒಗಳ ಪ್ರಬಲ ದೂರು ಮತ್ತು ದಾಖಲೆಗಳನ್ನು ಎಚ್ಚರಿಕೆಯಿಂದ ಪರಿಶೀಲಿಸಿದ ನ್ಯಾಯಮಂಡಳಿ, ಕಾನೂನುಬದ್ಧವಾಗಿ ಒದಗಿಸಲಾದ ಆದ್ಯತೆಯ ಆಯ್ಕೆಗಳ ಪ್ರಕಾರ ಈ ಅಧಿಕಾರಿಗಳಿಗೆ ಒಂದು ತಿಂಗಳೊಳಗೆ ಹೊಸ ವರ್ಗಾವಣೆಗಳನ್ನು ನೀಡುವಂತೆ ರಾಜ್ಯ ಪೋಲೀಸ್ ಮಹಾನಿರ್ದೇಶಕರಿಗೆ (ಡಿಜಿಪಿ) ಕಟ್ಟುನಿಟ್ಟಾಗಿ ನಿರ್ದೇಶಿಸಿದೆ.

ಅಧಿಕಾರಿಗಳ ವೈಯಕ್ತಿಕ ಹಕ್ಕುಗಳು ಮತ್ತು ಸರ್ಕಾರಿ ಕಾನೂನುಗಳನ್ನು ಉಲ್ಲಂಘಿಸಿ ಹೊರಡಿಸಲಾದ ಹಿಂದಿನ ಆದೇಶವು ಸಂಪೂರ್ಣವಾಗಿ ಅನಿಯಂತ್ರಿತವಾಗಿದೆ ಎಂದು ನ್ಯಾಯಮಂಡಳಿ ಗಮನಿಸಿದೆ.