25 ರೂ. ಮೌಲ್ಯದ ಪಾಪ್‍ಕಾರ್ನ್‍ಗೆ ಚಿತ್ರಮಂದಿರಗಳಲ್ಲಿ 250 ರೂ.: ಸರ್ಕಾರದ ಕ್ರಮಕ್ಕೆ ಆಗ್ರಹಿಸಿದ ಮೇಯರ್ ವಿ.ವಿ. ರಾಜೇಶ್

ತಿರುವನಂತಪುರಂ: ಚಿತ್ರಮಂದಿರಗಳಲ್ಲಿ ಆಹಾರ ಪದಾರ್ಥಗಳ ಅತಿಯಾದ ಬೆಲೆಯನ್ನು ತಿರುವನಂತಪುರಂ ಮೇಯರ್ ವಿ.ವಿ. ರಾಜೇಶ್ ವಿರೋಧಿಸಿದ್ದಾರೆ. ಚಿತ್ರಮಂದಿರಗಳಲ್ಲಿ ಹೊರಗೆ 25 ರೂ. ಮೌಲ್ಯದ ಪಾಪ್‍ಕಾರ್ನ್‍ಗೆ ಚಿತ್ರಮಂದಿರಗಳಲ್ಲಿ 250 ರೂ. ವಿಧಿಸಲಾಗುತ್ತಿದೆ ಎಂದು ವಿ.ವಿ. ರಾಜೇಶ್ ಆರೋಪಿಸಿದ್ದಾರೆ. 

ಈ ವಿಷಯವನ್ನು ಸರ್ಕಾರದ ಗಮನಕ್ಕೆ ತರಬೇಕು ಮತ್ತು ಕಾನೂನು ಮಾಪನಶಾಸ್ತ್ರ ಇಲಾಖೆಯು ಇಂತಹ ವಿಷಯಗಳಲ್ಲಿ ಬಲವಾಗಿ ಮಧ್ಯಪ್ರವೇಶಿಸಬೇಕು ಎಂದು ವಿ.ವಿ. ರಾಜೇಶ್ ಒತ್ತಾಯಿಸಿದರು.

ಚಿತ್ರಮಂದಿರಗಳಿಗೆ ಹೋಗಿ ಒಂದು ಕಪ್ ಚಹಾ ಕುಡಿಯಬೇಕಾದರೆ ಸಾಲ ತೆಗೆದುಕೊಳ್ಳಬೇಕು ಎಂದು ಮೇಯರ್ ಹೇಳಿದರು. 'ಚಿತ್ರಮಂದಿರಗಳಲ್ಲಿ ಮಾರಾಟವಾಗುವ ಆಹಾರ ಪದಾರ್ಥಗಳನ್ನು ದುಬಾರಿ ಬೆಲೆಗೆ ಮಾರಾಟ ಮಾಡಲಾಗುತ್ತದೆ. ಚಿಕ್ಕ ಮಕ್ಕಳೊಂದಿಗೆ ಚಿತ್ರಮಂದಿರಗಳಿಗೆ ಹೋಗುವ ಪೆÇೀಷಕರು 1,000 ರೂ. ಪಾವತಿಸಿದರೆ ಮಾತ್ರ ಪಾಪ್‍ಕಾರ್ನ್ ಪಡೆಯುವ ಪರಿಸ್ಥಿತಿ ಇದೆ. ಹೊರಗೆ ಅಷ್ಟೊಂದು ಹಣ ಪಾವತಿಸುವ ಅಗತ್ಯವಿಲ್ಲ. ಇದು ಆರೋಗ್ಯಕರ ಪ್ರವೃತ್ತಿಯೇ ಅಲ್ಲ.'ಎಂದು ಮೇಯರ್ ಬೊಟ್ಟುಮಾಡಿರುವರು. 

ಬೆಲೆಗಳನ್ನು ನಿಗದಿಪಡಿಸುವುದು ನಿಗಮದ ವ್ಯಾಪ್ತಿಗೆ ಬರುವ ವಿಷಯವಲ್ಲ. ಆದಾಗ್ಯೂ, ರಾಜಕೀಯ ಕಾರ್ಯಕರ್ತರಾಗಿ, ಇಂತಹ ಜನಪ್ರಿಯ ವಿಷಯಗಳ ಬಗ್ಗೆ ನಾವು ಸ್ಪಷ್ಟವಾದ ನಿಲುವನ್ನು ತೆಗೆದುಕೊಳ್ಳಬೇಕಾಗಿದೆ ಎಂದು ಅವರು ಹೇಳಿದರು. ಚಿತ್ರಮಂದಿರಗಳಲ್ಲಿ ಅತಿಯಾದ ಬೆಲೆಗಳನ್ನು ನಿಯಂತ್ರಿಸಲು ಸಂಬಂಧಪಟ್ಟವರು ಸಿದ್ಧರಾಗಿರಬೇಕು ಎಂದು ಮೇಯರ್ ಸೂಚಿಸಿದರು.