ರಾಜ್ಯದಲ್ಲಿ ಮಾನಸಿಕ ಆರೋಗ್ಯ ಸಹಾಯ ಕೋರಿರುವ 1,201 ಕೈದಿಗಳು; ಜೈಲು ಇಲಾಖೆ ಅಂಕಿಅಂಶಗಳಿಂದ ಮಾಹಿತಿ

ತಿರುವನಂತಪುರಂ: ರಾಜ್ಯದ ಜೈಲುಗಳಲ್ಲಿರುವ ಶೇಕಡಾ 12 ಕ್ಕಿಂತ ಹೆಚ್ಚು ಕೈದಿಗಳು ಜೈಲು ಇಲಾಖೆಯ ಅಂಕಿಅಂಶಗಳ ಪ್ರಕಾರ ಮಾನಸಿಕ ಆರೋಗ್ಯ ಬೆಂಬಲವನ್ನು ಪಡೆಯುತ್ತಿದ್ದಾರೆ. 

ಪ್ರಸ್ತುತ, ರಾಜ್ಯದ ವಿವಿಧ ಕಾರಾಗೃಹಗಳಲ್ಲಿರುವ 9,805 ಕೈದಿಗಳಲ್ಲಿ 1,201 (12.24%) ಜನರು ಮಾನಸಿಕ ಆರೋಗ್ಯ ಸಹಾಯವನ್ನು ಕೋರಿದ್ದಾರೆ. ಈ ಪೈಕಿ 1,160 ಪುರುಷರು.

ಅವರಲ್ಲಿ ಹೆಚ್ಚಿನವರು ಹಿಂದಿನ ಕಾಯಿಲೆಗಳು ಅಥವಾ ಇತರ ಸಣ್ಣ ಮಾನಸಿಕ ಸಮಸ್ಯೆಗಳ ನಿರಂತರ ಚಿಕಿತ್ಸೆಗಾಗಿ ಔಷಧಿಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ.

ಆದಾಗ್ಯೂ, ಅವರಲ್ಲಿ ಯಾರಿಗೂ ತಮಗೆ ಅಥವಾ ಇತರರಿಗೆ ಅಪಾಯವನ್ನುಂಟುಮಾಡುವ ಗಂಭೀರ ಮಾನಸಿಕ ಸಮಸ್ಯೆಗಳಿಲ್ಲ ಎಂದು ಜೈಲು ಅಧಿಕಾರಿಗಳು ಸ್ಪಷ್ಟಪಡಿಸುತ್ತಾರೆ.

ಸಾಮಾನ್ಯವಾಗಿ ಅಂತಹ ಸಹಾಯವನ್ನು ಪಡೆಯಲು ಹಿಂಜರಿಯುವವರು ಜೈಲುಗಳಲ್ಲಿ ಉತ್ತಮ ಚಿಕಿತ್ಸೆ ಮತ್ತು ಬೆಂಬಲವನ್ನು ಪಡೆಯುವುದು ಒಳ್ಳೆಯ ಪ್ರವೃತ್ತಿಯಾಗಿದೆ ಎಂದು ಮನಶ್ಶಾಸ್ತ್ರಜ್ಞರ ಅಂಬೋಣ.