ಸಾರಿಗೆ ಇಲಾಖೆಯಿಂದ ಆಪರೇಶನ್ ನೈಟ್ ರೈಡರ್ಸ್

            ಕಾಸರಗೋಡು: ಅಂತಾರಾಜ್ಯ ಬಸ್‍ಗಳಿಗೆ ಹಾಗೂ ಬಸ್ ಬುಕ್ಕಿಂಗ್ ಸೆಂಟರ್‍ಗಳಿಗೆ ನಿಯಂತ್ರಣ ಏರ್ಪಡಿಸಲು ಆಪರೇಶನ್ ನೈಟ್ ರೈಡರ್ಸ್‍ನೊಂದಿಗೆ ಸಾರಿಗೆ ಇಲಾಖೆ ರಂಗಕ್ಕಿಳಿದಿದೆ.
       ಪ್ರತಿಯೊಂದು ಜಿಲ್ಲೆಯ ಆರ್‍ಟಿಒ ಕಚೇರಿಯಲ್ಲಿ ಮೂವರು ಅಧಿಕಾರಿಗಳನ್ನೊಳಗೊಂಡ ಸ್ಕ್ವಾಡ್ ರಚಿಸಲಾಗುವುದು. ಮೋಟಾರು ವಾಹನ ಇನ್ಸ್‍ಪೆಕ್ಟರ್ ಮುಖ್ಯಸ್ಥರಾಗಿರುವರು. 24 ಗಂಟೆಗಳ ಕಾಲ ಕಾರ್ಯಾಚರಿಸುತ್ತಿರುವ ಈ ಸ್ಕ್ವಾಡ್‍ಗೆ ತಪಾಸಣೆಗಳನ್ನು ನಡೆಸಬಹುದಾಗಿದೆ. ಆರ್‍ಟಿಒಗೆ ಅಗತ್ಯವಿದ್ದರೆ ಪೊಲೀಸ್ ಸಹಾಯ ಪಡೆಯಬಹುದಾಗಿದೆ.
       ತಪಾಸಣೆಗಳು ಪ್ರಯಾಣಿಕರಿಗೆ ತೊಂದರೆಯಾಗಬಾರದು. ಈ ಕಾರಣದಿಂದ ಪ್ರಯಾಣ ಆರಂಭಿಸುವಾಗ ಹಾಗೂ ಮುಗಿಸುವಾಗ ಮಾತ್ರವೇ ತಪಾಸಣೆ ನಡೆಬಹುದಾಗಿದೆ. ಅಂತರ್ ರಾಜ್ಯ, ದೀರ್ಘದೂರ ಸರ್ವಿಸ್‍ಗಳನ್ನು ನಡೆಸುವ ಬಸ್ ಆಪರೇಟರ್‍ಗಳಿಗೆ ಪರವಾನಿಗೆ ಏಜೆಂಟ್ ಫಾರ್ ಪಬ್ಲಿಕ್ ಟ್ರಾನ್ಸ್‍ಪೋರ್ಟ್(ಎಲ್‍ಎಪಿಟಿ) ಇದೆ ಎಂದು ಖಾತರಿಪಡಿಸಬೇಕಿದೆ. ಬಸ್ ಆಪರೇಟರ್‍ಗಳ ಪ್ರತಿಯೊಂದು ಕಚೇರಿಗೆ ಎಲ್‍ಎಪಿಟಿ ಬೇಕು ಎಂಬ ನಿಯಮವಿದೆ. ಆದರೆ ಕೇರಳದಲ್ಲಿ ಅತಿ ಕಡಿಮೆ ಆಪರೇಟರ್‍ಗಳಿಗೆ ಮಾತ್ರವೇ ಇದು ಇದೆ. ವಿಪರೀತ ವೇಗ ಸಹಿತ ಸಾರಿಗೆ ನಿಯಮ ಉಲ್ಲಂಘನೆಗಳನ್ನು ಬಸ್‍ಗಳ ಮೇಲೆ ವಿಧಿಸಲಾಗಿದೆಯೋ ಎಂದು ತಪಾಸಣೆಗೊಳಪಡಿಸಲಾಗುವುದು. ವೈಯಕ್ತಿಕ ಲಗೇಜ್‍ನ ಹೊರತು ಇತರ ಸಾಮಗ್ರಿಗಳನ್ನು ಸಾಗಿಸಲಾಗುತ್ತಿದೆಯೋ ಎಂದು ಪರಿಶೀಲಿಸಲಾಗುವುದು.