ತ.ನಾ, ಆಂಧ್ರ ತೀರಕ್ಕೆ ಅಪ್ಪಳಿಸಲಿದೆ ಫ್ಯಾನಿ ಚಂಡಮಾರುತ; ವ್ಯಾಪಕ ಮಳೆ ಸಾಧ್ಯತೆ

 
     ಚೆನ್ನೈ: ಹಿಂದೂ ಮಹಾಸಾಗರ ಮತ್ತು ನೈರುತ್ಯ ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತ ಮತ್ತಷ್ಟು ತೀವ್ರವಾಗಿದ್ದು ಫ್ಯಾನಿ ಚಂಡಮಾರುತ ಇಂದು ತಮಿಳುನಾಡಿಗೆ ಕಾಲಿಟ್ಟು ಮುಂದಿನ ವಾರ ರಾಜ್ಯದಲ್ಲಿ ವ್ಯಾಪಕ ಮಳೆಯಾಗುವ ಸಾಧ್ಯತೆಯಿದೆ. ಇದರಿಂದ ಕೇರಳ ಕರಾವಳಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಸಹ ಮಳೆ ಸುರಿಯಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.
      ಚೆನ್ನೈಯ ಸ್ಥಳೀಯ ಹವಾಮಾನ ಇಲಾಖೆಯ ಪ್ರಕಾರ, ಶನಿವಾರ ವಾಯುಭಾರ ಕುಸಿತ ತೀವ್ರವಾಗಿದ್ದು ಚಂಡಮಾರುತ ಬೀಸಲು ಆರಂಭವಾಗಿದೆ. ಇಂದು ಉತ್ತರ ತಮಿಳುನಾಡು ಮತ್ತು ಆಂಧ್ರ ಪ್ರದೇಶದ ದಕ್ಷಿಣ ತೀರಕ್ಕೆ  ಮಂಗಳವಾರ ಸಾಯಂಕಾಲ ಕಾಲಿಡಲಿದೆ ಎಂದು ಹೇಳಿದೆ.
      ಇದುವರೆಗೆ ಮಳೆ ಇಲ್ಲದೆ ಬಿಸಿಲಿನಿಂದ ತತ್ತರಿಸಿ ಹೋಗಿದ್ದ ಚೆನ್ನೈ, ತಿರುವಲ್ಲೂರು ಮತ್ತು ಕಂಚೀಪುರಂ ನ ಹಲವು ಪ್ರದೇಶಗಳು ಮಳೆಯಿಂದ ಅತ್ಯಂತ ಹೆಚ್ಚು ಲಾಭ ಪಡೆಯಲಿದ್ದು ಏಪ್ರಿಲ್ 30 ಮತ್ತು ಮೇ 1ರಂದು ತಮಿಳು ನಾಡಿನ ಉತ್ತರ ತೀರದಲ್ಲಿ ಹಗುರದಿಂದ ಕೂಡಿದ ಭಾರೀ ಮಳೆ ಬೀಳಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.
    ಮುಂದಿನ ವಾರ 100 ಮಿಲಿ ಮೀಟರ್ ನಿಂದ 200 ಮಿಲಿ ಮೀಟರ್ ವರೆಗೆ ಮಳೆ ಬೀಳಬಹುದು ಎಂದು ಹವಾಮಾನ ಇಲಾಖೆ ವರದಿಗಳು ತಿಳಿಸಿವೆ. ತಮಿಳುನಾಡು ತೀರದಲ್ಲಿ 1200 ಕಿಲೋ ಮೀಟರ್ ವರೆಗೆ ಫ್ಯಾನಿ ಚಂಡಮಾರುತದ ವ್ಯಾಪ್ತಿ ವಿಸ್ತಾರವಾಗಲಿದ್ದು 400 ಕಿಲೋ ಮೀಟರ್ ವರೆಗೆ ಮಳೆ ಸುರಿಯಲಿದೆ. ಸೋಮವಾರದ ಹೊತ್ತಿಗೆ ಸ್ಪಷ್ಟ ಚಿತ್ರಣ ತಿಳಿಯಲಿದೆ ಎನ್ನುತ್ತಾರೆ.
     ಭಾರತೀಯ ಹವಾಮಾನ ಇಲಾಖೆಯ ಪ್ರಕಾರ, ಫ್ಯಾನಿ ಚಂಡಮಾರುತ ಗಂಟೆಗೆ 80ರಿಂದ 90 ಕಿಲೋ ಮೀಟರ್ ವೇಗದಲ್ಲಿ ಭಾನುವಾರ ಗಂಟೆಗೆ 110 ಕಿಲೋ ಮೀಟರ್ ವೇಗದಲ್ಲಿ ತಲುಪಲಿದೆ. ಮಂಗಳವಾರದ ಹೊತ್ತಿಗೆ ತಮಿಳು ನಾಡಿನಲ್ಲಿ ಗಂಟೆಗೆ 140ರಿಂದ 150 ಕಿಲೋ ಮೀಟರ್ ತೀವ್ರ ವೇಗದಲ್ಲಿ ಫ್ಯಾನಿ ಚಂಡಮಾರುತ ಬೀಸಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.