ರಾಷ್ಟ್ರೀಯ ಗುಣಮಟ್ಟ ತಪಾಸಣೆ: ಜಿಲ್ಲಾ ಆಸ್ಪತ್ರೆಗೆ ಹೊಸ ನಿರೀಕ್ಷೆ

         ಕಾಸರಗೋಡು: ಕಾಞÂಂಗಾಡಿನಲ್ಲಿ ಕಾರ್ಯಾಚರಿಸುತ್ತಿರುವ ಕಾಸರಗೋಡು ಜಿಲ್ಲಾ ಆಸ್ಪತ್ರೆಯ ಗುಣಮಟ್ಟ ನಿರ್ಣಯಿಸುವ ರಾಷ್ಟ್ರೀಯ ಗುಣಮಟ್ಟ ತಪಾಸಣೆ (ನ್ಯಾಶನಲ್ ಕ್ವಾಲಿಟಿ ಅಶ್ಯೂರೆನ್ಸ್ ಸಿಸ್ಟಂ) ಕೊನೆಗೊಂಡಿದೆ.
    ಸಮಗ್ರವಾಗಿ ಮೌಲ್ಯಮಾಪನ ನಡೆಸುವಾಗ ಆಸ್ಪತ್ರೆಯ ಕಾರ್ಯಾಚರಣೆ ಅತ್ಯುತ್ತಮವಾಗಿದೆ ಎಂದೂ ತಪಾಸಣೆ ನಡೆಸಿದ ಕೇಂದ್ರ ತಂಡ ತಿಳಿಸಿದೆ. ಒಂದೂ ವೈದ್ಯಕೀಯ ಕಾಲೇಜು ಕೂಡ ಇಲ್ಲದೆ ಆರೋಗ್ಯ ಸಂರಕ್ಷಣಾ ಕ್ಷೇತ್ರದಲ್ಲಿ ಜಿಲ್ಲೆ ಸ್ವಾವಲಂಬನೆ ಅನುಭವಿಸುತ್ತಿರುವಾಗ ಅತ್ಯುತ್ತಮ ಸೇವೆ ಹಾಗೂ ಚಿಕಿತ್ಸಾ ಸೌಕರ್ಯ ನೀಡುವುದಕ್ಕೆ ಆಸ್ಪತ್ರೆ ಅಧಿಕಾರಿಗಳನ್ನು ಹಾಗೂ ನೌಕರರನ್ನು ತಂಡ ಅಭಿನಂದಿಸಿದೆ.
     ಕೇಂದ್ರ ಆರೋಗ್ಯ ಇಲಾಖೆ ನಿಯೋಜಿಸಿದ ಡಾ. ಕನಿಕಾ ಜೈನ್ (ದಿಲ್ಲಿ), ಡಾ. ಪ್ರದೀಪ್ ಕುಮಾರ್ ಶರ್ಮ (ಪಂಜಾಬ್), ಡಾ. ರಮೇಶ್‍ಚಂದ್ರನ್ ಆರ್ಯ (ಹರಿಯಾಣ) ಅವರನ್ನೊಳಗೊಂಡ ತಪಾಸಣೆ ತಂಡ ಮೂರು ದಿನಗಳಿಂದ ಸಾವಿರದ ಐನೂರರಷ್ಟು ವಿಭಾಗಗಳಲ್ಲಿ ತಪಾಸಣೆ ನಡೆಸಿತು. 
     ಜಿಲ್ಲಾ ಆಸ್ಪತ್ರೆ ವಿಭಾಗದಲ್ಲಿ ರಾಜ್ಯದಲ್ಲಿ ಇಲ್ಲಿ ಮಾತ್ರ ತಪಾಸಣೆ ನಡೆದಿದೆ. ಇದರಲ್ಲಿ ತೇರ್ಗಡೆಯಾದರೆ ಜಿಲ್ಲಾ ಆಸ್ಪತ್ರೆಗೆ ಪ್ರತಿ ವರ್ಷ 40 ಲಕ್ಷ ರೂ. ಕೇಂದ್ರ ಸರಕಾರದ ಅನುದಾನ ಲಭಿಸಲಿದೆ.
     ಈಗಿರುವುದಕ್ಕಿಂತ ಅತ್ಯುತ್ತಮವಾದ ಶುಶ್ರೂಷೆ ಹಾಗೂ ಸೇವೆ ನೀಡಲು ಇದು ಉಪಯುಕ್ತವಾಗಲಿದೆ ಎಂದು ಆಸ್ಪತ್ರೆ ಸೂಪರಿಂಟೆಂಡೆಂಟ್ ಡಾ. ಎಸ್. ಸ್ಟ್ಯಾನ್ಸಲಿ, ಆರ್‍ಎಂಒ ಡಾ. ರಿಜಿತ್ ಕೃಷ್ಣನ್ ಹೇಳಿರುವರು.