ಕೊಂಡೆವೂರಿನಲ್ಲಿ ಸಂಭ್ರಮದ ಗೋಪೂಜೆ

      ಉಪ್ಪಳ: ಕೊಂಡೆವೂರಿನ ಶ್ರೀ ನಿತ್ಯಾನಂದ ಯೋಗಾಶ್ರಮದ `ಕಾಮಧೇನು ಗೋಶಾಲೆ'ಯಲ್ಲಿ ಪರಮಪೂಜ್ಯ ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿಯವರ ಮಾರ್ಗದರ್ಶನದಲ್ಲಿ ಸರ್ವದೇವಮಯೀ ಗೋಪೂಜೆಯನ್ನು ಸಂಭ್ರಮಾಚರಣೆಗಳಿಂದ ಆಚರಿಸಲಾಯಿತು. ಭಜನಾ ಸೇವೆ ಬಳಿಕ ಗೋಪೂಜೆಯೊಂದಿಗೆ ಸೇರಿದ ಭಕ್ತಾದಿಗಳು ಗೋವು ಕರುಗಳಿಗೆ ಗೋಗ್ರಾಸ ತಿನ್ನಿಸಿ ಧನ್ಯತೆಯನ್ನು ಅನುಭವಿಸಿದರು.
      ನ.9 ರ ಉತ್ತರಾಯಣ ಆರಂಭದ ಪರ್ವಕಾಲದವರೆಗೆ ಪ್ರತಿನಿತ್ಯ ನಡೆಯುವ `ತುಳಸೀ ಪೂಜೆ'ಯೂ ಶ್ರೀಗಳವರ ನೇತೃತ್ವದಲ್ಲಿ ಭಜನೆಯೊಂದಿಗೆ ಆರಂಭಗೊಂಡಿತು. ನ.9 ರ ವರೆಗೂ ಪ್ರತಿನಿತ್ಯ ರಾತ್ರಿ 7.30 ರಿಂದ ತುಳಸೀ ಪೂಜೆ, ಭಜನೆ ನಡೆಯಲಿದೆ.