ಕಾಸರಗೋಡು: ಕ್ಷಯರೋಗ ಪ್ರತಿರೋಧ ಚಟುವಟಿಕೆಗಳಿಗೆ ಕೈಗನ್ನಡಿ ಹಿಡಿಯುವ ನಿಟ್ಟಿಲ್ಲಿ ಚೆಂಗಳ ಪ್ರಾಥಮಿಕ ಆರೋಗ್ಯ ಕೇಂದ್ರದ ನೇತೃತ್ವದಲ್ಲಿ ಚೆಂಗಳ ಗ್ರಾಮಪಂಚಾಯತ್ ಸಹಕಾರದೊಂದಿಗೆ "ಇಟ್ಸ್ ಟೈಂ(ಇದು ಸೂಕ್ತ ಸಮಯ)" ಎಂಬ ನಾಮಧೇಯದ ಕಿರುಚಿತ್ರವೊಂದು ಬಿಡುಗಡೆಯಾಗಿದೆ.
ಕನ್ನಡ, ಇಂಗ್ಲಿಷ್,ಹಿಂದಿ,ಮಲೆಯಾಳಂ ಭಾಷೆಗಳಲ್ಲಿ ಈ ಚಿತ್ರ ಸಿದ್ಧವಾಗಿದೆ. ಭಾರತದ ಚಿನ್ನದ ಜಿಂಕೆ ಎಂಬ ಖ್ಯಾತಿಗೆ ಕಾರಣರಾಗಿರುವ ಒಲಿಂಪಿಕ್ಸ್ ಓಟಗಾರ್ತಿ ಪಿ.ಟಿ.ಉಷಾ ಅವರು ಈ ಚಿತ್ರದಲ್ಲಿ ಜಾಗೃತಿ ಮೂಡಿಸುವವರ ಸಾಲಿನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಪ್ರಧಾನ ಆಕರ್ಷಣೆಯಾಗಿದೆ. ಆರೋಗ್ಯ ವಲಯದ ಪರಿಣತರು,ಜನಪ್ರತಿನಿಧಿಗಳೂ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಚಿತ್ರದಲ್ಲಿದ್ದಾರೆ.
ಆರೋಗ್ಯ ಇನ್ಸ್ ಪೆಕ್ಟರ್ ಬಿ.ಅಶ್ರಫ್ ಅವರ ಅಶಯ, ಚಿತ್ರಕಥೆಯೊಂದಿಗೆ ಈ ಚಿತ್ರ ನಿರ್ಮಿಸಲಾಗಿದೆ. ಜ್ಯೂನಿಯರ್ ಹೆಲ್ತ್ ಇನ್ಸ್ ಪೆಕ್ಟರ್ ಆರ್.ವಿನೋದ್ ರಾಜ್ ಈ ಚಿತ್ರದ ನಿರ್ದೇಶಕರಾಗಿದ್ದಾರೆ. ಜೆ.ಎಚ್.ಐ. ರಾಜೇಶ್ ಅಸೋಸಿಯೇಟ್ ಡೈರೆಕ್ಟರ್ ಆಗಿದ್ದಾರೆ. ಷಿನೋಜ್ ಚಾತಂಗಾಯಿ ಛಾಯಾಗ್ರಹಣ ನಡೆಸಿದ್ದಾರೆ. ಅಜಿತ್ ಕುಮಾರ್ ಸಂಕಲನ ನಡೆಸಿ, ಸಂಗೀತ ನೀಡಿದ್ದಾರೆ.
ಚಿತ್ರ ಬಿಡುಗಡೆ ಸಮಾರಂಭ:
ಚೆರ್ಕಳ ಮಾರ್ತೋಮಾ ಕಿವುಡರ ಶಾಲೆಯಲ್ಲಿ ಶುಕ್ರವಾರ ಈ ಸಂಬಂಧ ನಡೆದ ಸಮಾರಂಭದಲ್ಲಿ ಕಂದಾಯ ಸಚಿವ ಇ.ಚಂದ್ರಶೇಖರನ್ ಕಿರುಚಿತ್ರ ಬಿಡುಗಡೆಗೊಳಿಸಿದರು. ಈ ಸಂದರ್ಭ ಮಾತನಾಡಿದ ಅವರು ಒಂದಾನೊಂದು ಕಾಲದಲ್ಲಿ ಚಿಕಿತ್ಸೆ ಇಲ್ಲದೇ ಸಾರ್ವಜನಿಕ ವಲಯಕ್ಕೆ ಬೆದರಿಕೆಯಾಗಿದ್ದ ಕ್ಷಯರೋಗ ಇಂದು ಸೂಕ್ತ ಔಷಧೋಪಚಾರಗಳಿಂದ ಪೂರ್ಣಪ್ರಮಾಣದಲ್ಲಿ ವಾಸಿಯಾಗುವ ಕಾಯಿಲೆಯಾಗಿದೆ. ಆದರೆ ಜಾಗೃತಿಯ, ಮಾಹಿತಿಯ ಕೊರತೆ ಇತ್ಯಾದಿ ಕಾರಣಗಳಿಂದ ಇಂದಿಗೂ ಸಮಾಜದ ಕೆಲೆವೆಡೆ ಈ ರೋಗ ಹರಡುವಿಕೆ ನಡೆಯುತ್ತಿದೆ. ಈ ಸಂಬಂಧ ಜಾಗೃತಿ ಮೂಡಿಸುವ ಚಟುವಟಿಕೆಗಳು ಪರಿಣಾಮಕಾರಿ. ಈ ಸಾಲಿನಲ್ಲಿ ಮೂಡಿಬಂದಿರುವ ಕಿರುಚಿತ್ರಕ್ಕೆ ವಿಶೇಷ ಅಭಿನಮದನೆ ಸಲ್ಲಿಸುವುದಾಗಿ ಅವರು ಹೇಳಿದರು.
DOCTYPE html>
.jpg)
