ಕಾಸರಗೋಡು: ಕೋವಿಡ್ ಪ್ರತಿರೋಧ ಚಟುವಟಿಕೆಗಳ ಅಂಗವಾಗಿ ರೋಗಾಣುನಾಶ ಕಾರ್ಯಗಳಿಗೆ ಬಳಸುವ ನಿಟ್ಟಿನಲ್ಲಿ 3520 ಲೀಟರ್ ಸೋಡಿಯಂ ಹೈಪೆÇೀ ಕ್ಲಾರೈಡ್ ಮಿಶ್ರಣ ದ್ರಾವಣ ಮತ್ತು ಒಂದು ಸಾವಿರ ಪಿ.ಪಿ.ಇ.ಕಿಟ್ ಗಳು ಕಾಸರಗೋಡು ಜಿಲ್ಲೆಗೆ ಕೊಡುಗೆಯಾಗಿ ಲಭಿಸಿದೆ. ಮುಂಬಯಿ ಕೇಂದ್ರೀಕರಿಸಿ ಚಟುವಟಿಕೆ ನಡೆಸುತ್ತಿರುವ ಗಾರ್ಧಾ ಕೆಮಿಕಲ್ಸ್ ಸಂಸ್ಥೆ ವತಿಯಿಂದ ಸುಮಾರು 20 ಲಕ್ಷ ರೂ. ಮೌಲ್ಯದ ಈ ದ್ರಾವಣವನ್ನು ದೇಣಿಗೆ ರೂಪದಲ್ಲಿ ನೀಡಲಾಗಿದೆ. ಸಂಸ್ಥೆಯ ಪ್ರಧಾನ ಪ್ರಬಂಧಕ , ತಲಶ್ಶೇರಿ ಕದಿರೂರು ನಿವಾಸಿ ಸತೀಶ್ ನಂಬ್ಯಾರ್ ಅವರು ಈ ಕೊಡುಗೆಗೆ ನೇತೃತ್ವ ವಹಿಸಿದವರು. ಜಿಲ್ಲಾ ವೈದ್ಯಾಧಿಕಾರಿ ಡಾ.ಎ.ವಿ.ರಾಮದಾಸ್ ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಿ ಈ ಬಗ್ಗೆ ಖಚಿತತೆ ಒದಗಿಸಿದ್ದರು. ನಂತರ ಗುಜರಾತ್ ನಿಂದ 2 ವಿಶೇಷ ಲಾರಿಗಳಲ್ಲಿ 176 ಕ್ಯಾನ್ ಗಳಲ್ಲಿ ಇರಿಸಲಾದ ದ್ರಾವಣ ಮತ್ತು ಪಿ.ಪಿ.ಇ.ಕಿಟ್ ಗಳನ್ನು ತಲಪಿಸಲಾಗಿದೆ.
DOCTYPE html>
