HEALTH TIPS

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ವಿರುದ್ಧ ಅರೆಸ್ಟ್​ ವಾರೆಂಟ್​…!

       ತೆಹ್ರಾನ್​: ಇರಾನ್​ನ ಬಾಗ್ದಾದ್​ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೇಲೆ ಜನವರಿಯಲ್ಲಿ ವಾಯುದಾಳಿ ನಡೆಸಿದ್ದ ಅಮೆರಿಕ ‘ಇಸ್ಲಾಮಿಕ್‌ ರಿವಲ್ಯೂಷನರಿ ಗಾರ್ಡ್ ಕೋರ್‌ (ಐಆರ್‌ಜಿಸಿ)’ ಕ್ವಾಡ್ಸ್‌ ಫೋರ್ಸ್‌ ಘಟಕದ ಮುಖ್ಯಸ್ಥ ಜನರಲ್‌ ಖಾಸಿಮ್‌ ಸುಲೈಮಾನಿ ಅವರನ್ನು ಹತ್ಯೆಗೈದಿದೆ. ಅಂದಿನಿಂದಲೂ ಯುಎಸ್​-ಇರಾನ್​ ನಡುವಿನ ಸಂಘರ್ಷ ಬೂದಿ ಮುಚ್ಚಿದ ಕೆಂಡದಂತೆ ಹೊಗೆಯಾಡುತ್ತಲೇ ಇದೆ.
        ಅದರ ಮುಂದುವರಿದ ಭಾಗವಾಗಿ ಇರಾನ್​ ಈಗ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಸೇರಿ ಸುಮಾರು 30 ಜನರ ವಿರುದ್ಧ ಅರೆಸ್ಟ್ ವಾರೆಂಟ್​ ಹೊರಡಿಸಿದೆ. ಅಷ್ಟೇ ಅಲ್ಲ, ಅಮೆರಿಕ ಅಧ್ಯಕ್ಷನನ್ನು ವಶಕ್ಕೆ ಪಡೆಯಲು ಸಹಾಯ ಮಾಡಿ ಎಂದು ಇಂಟರ್​​ಪೋಲ್​ನ್ನು ಕೇಳಿಕೊಂಡಿದೆ.
      ಹ್ರಾನ್​ನ ಪ್ರಾಸಿಕ್ಯೂಟರ್​ ಅಲಿ ಅಲ್​​ಖಾಸಿಮರ್​ ಅವರು ಈ ಬಗ್ಗೆ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದು, ಜನವರಿ 3ರಂದು ನಡೆದ ವಾಯುದಾಳಿ, ಜನರಲ್‌ ಖಾಸಿಮ್‌ ಸುಲೈಮಾನಿ ಅವರ ಹತ್ಯೆಯಲ್ಲಿ ಟ್ರಂಪ್​ ಸೇರಿ 30ಕ್ಕೂ ಹೆಚ್ಚು ಜನರ ಪಾತ್ರವಿದೆ. ಹಾಗಾಗಿ ಅವರು ಭಯೋತ್ಪಾದನೆ ಮತ್ತು ಹತ್ಯೆ ಆರೋಪದಡಿ ವಿಚಾರಣೆ ಎದುರಿಸಬೇಕಾಗುತ್ತದೆ ಎಂದು ಹೇಳಿದ್ದಾರೆ.
    ಟ್ರಂಪ್​ ಹೊರತಾಗಿ ಬೇರೆ ಯಾರ ಹೆಸರನ್ನೂ ಪ್ರಾಸಿಕ್ಯೂಟರ್​ ಹೇಳಿಲ್ಲ. ಆದರೆ ಅಮೆರಿಕ ಅಧ್ಯಕ್ಷರನ್ನು ಮಾತ್ರ ಬಿಡುವುದಿಲ್ಲ. ಅವರು ಅಧ್ಯಕ್ಷಸ್ಥಾನದಿಂದ ಕೆಳಗೆ ಇಳಿದ ಮೇಲೆ ಕೂಡ ಈ ಪ್ರಕರಣದ ವಿಚಾರಣೆ ಎದುರಿಸಲೇಬೇಕು ಎಂದು ತಿಳಿಸಿದ್ದಾರೆ.
      ಟ್ರಂಪ್ ಹಾಗೂ ಉಳಿದವರ ಬಂಧನಕ್ಕಾಗಿ ರೆಡ್​ ನೋಟಿಸ್​ ಹೊರಡಿಸಲು ಇಂಟರ್​ಪೋಲ್​ಗೆ ಮನವಿ ಮಾಡಲಾಗಿದೆ ಎಂದು ಅಲಿ ಅಲ್​​ಖಾಸಿಮರ್​ ತಿಳಿಸಿದ್ದಾರೆ. ಆದರೆ ಫ್ರಾನ್ಸ್​ನಲ್ಲಿರುವ ಇಂಟರ್​ಪೋಲ್​ ಈ ವಿಚಾರದ ಬಗ್ಗೆ ಇನ್ನೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. 
      

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














https://blogger.googleusercontent.com/img/b/R29vZ2xl/AVvXsEiDSnXRg29C8xRrYlj8CXm6O4l2UdEq9AkXmnHj8_wZUI5vwXlgdUlkI9NKpNnmUcuyvxBBTZpDZLd6zBDp4lpzuhrcBD3E1kc_Ue2fHWAon6DxsQbBDYIbBWFEdFMkDm8b2BrDGeFAeqUfxis-yOttEwjv85p8aI2cORmg7vxT4p1YoMFWHFDw9vMl/w640-h362/IMG-20230524-WA0250.jpg
Qries