ಖಾಸಗಿ ಆಸ್ಪತ್ರೆಗಳಲ್ಲಿ ಕೋವಿಡ್ ಚಿಕಿತ್ಸಾ ದರ ಸರ್ಕಾರದಿಂದ ಬಿಡುಗಡೆ

         ತಿರುವನಂತಪುರ: ರಾಜ್ಯದ ಖಾಸಗಿ ಆಸ್ಪತ್ರೆಗಳಲ್ಲಿ ಕೋವಿಡ್ ಚಿಕಿತ್ಸೆಗೆ ನಿದಿಪಡಿಸಿದ ದರವನ್ನು ರಾಜ್ಯ ಸರ್ಕಾರ ಮಂಗಳವಾರ ಬಿಡುಗಡೆ ಮಾಡಿದೆ. ದರಗಳನ್ನು ರಾಜ್ಯ ಸರ್ಕಾರದ ಕಾರುಣ್ಯ ಹೆಲ್ತ್ ಕೇರ್ ಸ್ಕೀಮ್ (ಕೆಎಎಸ್ಪಿ) ಅಡಿಯಲ್ಲಿ ಎಂ-ಪ್ಯಾನೆಲ್ಡ್ ಖಾಸಗಿ ಆಸ್ಪತ್ರೆಗಳಲ್ಲಿ ಮತ್ತು ಸರ್ಕಾರವು ಚಿಕಿತ್ಸೆಗಾಗಿ ಉಲ್ಲೇಖಿಸಲಾದ ಖಾಸಗಿ ಆಸ್ಪತ್ರೆಗಳಲ್ಲಿ ಪ್ರಕಟಿಸಲಾಗಿದೆ.
       ಸಾಮಾನ್ಯ ವಾರ್ಡ್‍ನಲ್ಲಿ ದೈನಂದಿನ ದರ 2300 ರೂ, ಎಚ್‍ಡಿಯು 3300, ಐಸಿಯು 6500 ಮತ್ತು ಐಸಿಯು ವೆಂಟಿಲೇಟರ್ 11,500 ರೂ. ದರ ನಿಗದಿಪಡಿಸಲಾಗಿದೆ. ಅಲ್ಲದೆ ಪಿಪಿಇ ಕಿಟ್‍ಗಳಿಗೆ ಶುಲ್ಕ ವಿಧಿಸಬಹುದಾಗಿದೆ.
       ಕೋವಿಡ್ ಚಿಕಿತ್ಸೆಯನ್ನು ಒದಗಿಸುವ ಎಲ್ಲಾ ಖಾಸಗಿ ಆಸ್ಪತ್ರೆಗಳಲ್ಲಿ ರಾಜ್ಯಾದ್ಯಂತ ಏಕರೂಪದ ಚಿಕಿತ್ಸಾ ದರವನ್ನು ಮಾತ್ರ ವಿಧಿಸಬೇಕು ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಆರೋಗ್ಯ ಸಚಿವರ ಪ್ರಕಾರ ಆಯ್ದ ಖಾಸಗಿ ಆಸ್ಪತ್ರೆಗಳು, ಖಾಸಗಿ ಲ್ಯಾಬ್‍ಗಳಲ್ಲಿ ಆರ್ ಟಿ ಪಿ ಸಿ ಆರ್ ಗೆ 2,750 ರೂ., ಆಂಟಿಜೆನ್ ಪರೀಕ್ಷೆಗೆ 625 ರೂ., ಎಕ್ಸ್‍ಪರ್ಟ್ ನ್ಯಾಟ್‍ಗೆ 3,000 ರೂ, ಟ್ರೂ ನ್ಯಾಟ್‍ಗೆ 1,500 ರೂ., ಟ್ರೂ ನ್ಯಾಟ್‍ಗೆ 1,500 ರೂ ಮತ್ತು ಟ್ರೂ ನ್ಯಾಟ್‍ಗೆ (ಹಂತ ಎರಡು) 1,500 ರೂ., ದರಗಳಲ್ಲಿ ಕೋವಿಡ್ ಪರೀಕ್ಷೆಗಳನ್ನು ಮಾಡಬಹುದು.
       ಕಾರುಣ್ಯ ಆರೋಗ್ಯ ಯೋಜನೆಯ ಸದಸ್ಯರಿಗೆ ಕೋವಿಡ್ ಚಿಕಿತ್ಸೆಯ ವೆಚ್ಚವನ್ನು ಸಂಪೂರ್ಣವಾಗಿ ರಾಜ್ಯ ಆರೋಗ್ಯ ಸಂಸ್ಥೆ ಭರಿಸುತ್ತದೆ. ಯೋಜನೆಯಲ್ಲಿ ಸೇರಿರದ ಸರ್ಕಾರಿ ವ್ಯವಸ್ಥೆಯಿಂದ ಉಲ್ಲೇಖಿಸಲ್ಪಟ್ಟ ಕೋವಿಡ್ ರೋಗಿಗಳ ಚಿಕಿತ್ಸೆಯ ವೆಚ್ಚವನ್ನು ಕೇರಳ ಸರ್ಕಾರ ಭರಿಸಲಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
         ಕೋವಿಡ್ ಸಹಿತ ಯಾವುದೇ ಆರೋಗ್ಯ ಸಮಸ್ಯೆಯನ್ನು ರೋಗಿಯ ವಿವೇಚನೆಯಿಂದ ಸರ್ಕಾರಿ ಆಸ್ಪತ್ರೆ ಅಥವಾ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಬಹುದು. ಈ ಹಿಂದೆ, ಕೋವಿಡ್ ದೃಢಪಡಿಸಿದ ರೋಗಿಗಳ ಚಿಕಿತ್ಸೆಗಾಗಿ 28 ಸರ್ಕಾರಿ ಆಸ್ಪತ್ರೆಗಳನ್ನು ಸ್ಥಾಪಿಸಲಾಗಿತ್ತು. ಎಲ್ಲಾ ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆಗಳು ಅಗತ್ಯವಿದ್ದಾಗ ಗಂಟಲ ದ್ರವ ಸಂಗ್ರಹಿಸಲು ಚಿಕಿತ್ಸೆಯ ವ್ಯವಸ್ಥೆ ಮತ್ತು ಪರೀಕ್ಷಾ ಸೌಲಭ್ಯಗಳನ್ನು ಸ್ಥಾಪಿಸಿವೆ ಎಂದು ಸರ್ಕಾರ ಮಾರ್ಗನಿರ್ದೇಶನದಲ್ಲಿ ತಿಳಿಸಿದೆ.
        ಬೇಡಿಕೆ ಇರಿಸಲಾದ ಕೋವಿಡ್ ರೋಗಿಗಳನ್ನು ಈಗಾಗಲೇ ಖಾಸಗಿ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ. ಇದಕ್ಕಾಗಿ ಖಾಸಗಿ ವಲಯದಲ್ಲಿ ತಪಾಸಣೆ ವ್ಯವಸ್ಥೆಯನ್ನು ವಿಸ್ತರಿಸಲಾಗಿದೆ.