ಲೈಫ್ ಮಿಷನ್ ವಸತಿ ಯೋಜನೆ: ಸೆಪ್ಟೆಂಬರ್ 23 ರವರೆಗೆ ಅರ್ಜಿಗಳನ್ನು ಸಲ್ಲಿಸಲು ದಿನಾಂಕ ವಿಸ್ತರಣೆ

         ತಿರುವನಂತಪುರ:  ರಾಜ್ಯ ಸರ್ಕಾರದ ಸಮಗ್ರ ವಸತಿ ಯೋಜನೆಯಾದ ಲೈಫ್ ಮಿಷನ್‍ಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕವನ್ನು ಸೆಪ್ಟೆಂಬರ್ 23 ಕ್ಕೆ ವಿಸ್ತರಿಸಲಾಗಿದೆ. ಅರ್ಜಿಗಳಿಗೆ ಸೆಪ್ಟೆಂಬರ್ 9 ಎಂದು ರಾಜ್ಯ ಸರ್ಕಾರದ ಸಾರ್ವಜನಿಕ ಸಂಪರ್ಕ ಇಲಾಖೆ ಈ ಹಿಂದೆ ತಿಳಿಸಿತ್ತು.

      ಈ ಮೊದಲು ಅರ್ಹತೆ ಪಡೆದಿದ್ದರೂ ಮೊದಲ ಪಟ್ಟಿಗೆ ಸೇರಿಕೊಳ್ಳದವರು ಈ ಯೋಜನೆಗೆ ಅರ್ಜಿ ಸಲ್ಲಿಸಬಹುದು ಎಂದು ಸರ್ಕಾರ ಹೇಳಿತ್ತು. ಮುಂದಿನ ಐದು ವರ್ಷಗಳಲ್ಲಿ ರಾಜ್ಯದ ಎಲ್ಲಾ ಭೂರಹಿತ ಮತ್ತು ಮನೆಯಿಲ್ಲದ ಜನರಿಗೆ ವಸತಿ ಒದಗಿಸುವ ಉದ್ದೇಶದಿಂದ ರಾಜ್ಯ ಸರ್ಕಾರವು ಲೈಫ್ ಮಿಷನ್ ಯೋಜನೆಯನ್ನು ಜಾರಿಗೆ ತರುತ್ತಿದೆ. 'ಎಲ್ಲಾ ಸಾಮಾಜಿಕ ಕಲ್ಯಾಣ ಯೋಜನೆಗಳತ್ತ ಗಮನಹರಿಸಲು ಸುರಕ್ಷಿತ ಮತ್ತು ಯೋಗ್ಯವಾದ ವಸತಿಗಳನ್ನು ಒದಗಿಸುವುದು' ಯೋಜನೆಯ ಗುರಿಯಾಗಿದೆ ಎಂದು ಲೈಫ್ ಮಿಷನ್ ಯೋಜನೆಯ ವೆಬ್ ಸೈಟ್ ಹೇಳುತ್ತದೆ. ಈ ಯೋಜನೆಯು ವಿವಿಧ ಇಲಾಖೆಗಳು ಜಾರಿಗೆ ತಂದಿರುವ ವಸತಿ ಯೋಜನೆಗಳ ಸಂಯೋಜನೆಯಾಗಿರುತ್ತದೆ ಎಂದು ಸರ್ಕಾರ ಹೇಳಿದೆ.  ಇದಕ್ಕಾಗಿ ಮುಖ್ಯಮಂತ್ರಿ ಮತ್ತು ಸ್ಥಳೀಯಾಡಳಿತ ಸಚಿವರ ಅಧ್ಯಕ್ಷತೆಯಲ್ಲಿ ರಾಜ್ಯಮಟ್ಟದ ವಸತಿ ಮಿಷನ್ ಸ್ಥಾಪಿಸಲಾಗಿದೆ.

   ರಾಜ್ಯ ಯೋಜನಾ ಮಂಡಳಿಯ ಪ್ರಕಾರ, ರಾಜ್ಯದಲ್ಲಿ 1.58 ಲಕ್ಷ ಭೂರಹಿತ ಮನೆಯಿಲ್ಲದ ಕುಟುಂಬಗಳು ಲೈಫ್ ಮಿಷನ್ ಯೋಜನೆಯ ಫಲಾನುಭವಿಗಳಿರುವರು.