ಹೈದಾರಾಬಾದ್: ಭಾರತದಲ್ಲಿ ಅರೆಸ್ಟ್ ಬಿಲ್ಗೇಟ್ಸ್ (#ArrestBillGates) ಎಂಬ ಹ್ಯಾಷ್ಟ್ಯಾಗ್ ಟ್ವಿಟರ್ನಲ್ಲಿ ಟ್ರೆಂಡ್ ಆಗುತ್ತಿದೆ. ಅನೇಕ ಟ್ವಿಟಿಗರು ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ರನ್ನು ಬಂಧಿಸುವಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಆಗ್ರಹಿಸುತ್ತಿದ್ದಾರೆ. 2009ರಲ್ಲಿ ಭಾರತದ ಬುಡಕಟ್ಟು ಜನಾಂಗದ ಮಕ್ಕಳು ಹಾಗೂ ಮಹಿಳೆಯರ ಮೇಲೆ ಎನ್ಜಿಒ ಒಂದು ಲಸಿಕೆಯೊಂದನ್ನು ಅನಧಿಕೃತವಾಗಿ ಪ್ರಯೋಗ ಮಾಡಿತ್ತು. ಸಂಬಂಧಪಟ್ಟವರ ಅನುಮತಿ ಪಡೆಯದೆ ಲಸಿಕೆ ಪ್ರಯೋಗ ಮಾಡಿತ್ತು. ಆ ಎನ್ಜಿಒಗೆ ಬಿಲ್ಗೇಟ್ಸ್ ತಮ್ಮ ಬಿಲ್ ಆ್ಯಂಡ್ ಮಿಲಿಂದಾ ಗೇಟ್ಸ್ ಫೌಂಡೇಶನ್ನಿಂದ ಹಣದ ನೆರವು ನೀಡಿದ್ದರು. ಹೀಗೆ ಅನಧಿಕೃತವಾಗಿ ಪ್ರಯೋಗ ಮಾಡಿ ಅನೇಕ ಪ್ರಾಣದೊಂದಿಗೆ ಆಟವಾಡಿದ್ದಕ್ಕೆ ಬಿಲ್ಗೇಟ್ಸ್ರನ್ನು ಅರೆಸ್ಟ್ ಮಾಡಬೇಕು ಎಂದು ಆಗ್ರಹಿಸಲಾಗುತ್ತಿದೆ.
ಬಿಲ್ಗೇಟ್ಸ್ ಇತ್ತೀಚೆಗೆ ಪತ್ನಿಗೆ ಡಿವೋರ್ಸ್ ನೀಡಿ ಸುದ್ದಿಯಾಗಿದ್ದರು. ಅವರ ಪತ್ನಿಗೆ ಮೈಕ್ರೋಸಾಫ್ಟ್ ಸಂಸ್ಥೆಯಲ್ಲಿ ಕೆಲಸ ಮಾಡುವ ಇನ್ನೊಬ್ಬ ಮಹಿಳಾ ಉದ್ಯೋಗಿಯೊಂದಿಗೆ ಅಫೇರ್ ಇದೆ ಎಂಬು ವಿಚಾರಕ್ಕೆ ಇವರಿಬ್ಬರೂ ಬೇರೆಯಾಗಿದ್ದು ಟ್ರೆಂಡ್ ಆಗಿತ್ತು. ಇದೀಗ ಬಿಲ್ಗೇಟ್ಸ್ ಮತ್ತೊಮ್ಮೆ ಟ್ರೆಂಡ್ ಆಗಿದ್ದಾರೆ.
ಸಿಯಾಟಲ್ ಮೂಲದ ಎನ್ಜಿಒ ಪ್ರೋಗ್ರಾಂ ಫಾರ್ ಅಪ್ರೋಪ್ರಿಯೇಟ್ ಟೆಕ್ನಾಲಜಿ ಹೆಲ್ತ್ (PATH) ಈ ಲಸಿಕೆ ಪ್ರಯೋಗ ನಡೆಸಿತ್ತು. ತೆಲಂಗಾಣದ ಖಮ್ಮಮ್ ಎಂಬಲ್ಲಿ ಬುಡಕಟ್ಟು ಜನಾಂಗದ 14000 ಹೆಣ್ಣುಮಕ್ಕಳಿಗೆ ಹ್ಯೂಮನ್ ಪ್ಯಾಪಿಲೋಮವೈರಸ್ (ಎಚ್ಪಿವಿ) ಲಸಿಕೆಯನ್ನು ಅನಧಿಕೃತವಾಗಿ ನೀಡಿತ್ತು. ಇದು ಲೈಂಗಿಕ ಸಂಪರ್ಕದಿಂದ ಹರಡುವ ಒಂದು ಬಗೆಯ ಸೋಂಕಾಗಿದೆ. ಆದರೆ ಹೀಗೆ ಲಸಿಕೆ ಪ್ರಯೋಗ ಮಾಡಲು ಇಲ್ಲಿನ ಸರ್ಕಾರಗಳಾಗಳ, ಆಡಳಿತಗಳ ಅನುಮತಿಯನ್ನು ಪಡೆದಿರಲಿಲ್ಲ ಎಂದು ವರದಿಯಾಗಿದೆ. ಇನ್ನು ಎನ್ಜಿಒ ಈ ಲಸಿಕೆ ಪ್ರಯೋಗವನ್ನು ಕಾರ್ಯಗತಗೊಳಿಸಲು ಅಗತ್ಯವಿದ್ದ ಆರ್ಥಿಕ ನೆರವನ್ನು ಬಿಲ್ಗೇಟ್ಸ್ರ ಬಿಲ್ ಆ್ಯಂಡ್ ಮಿಲಿಂದಾ ಗೇಟ್ಸ್ ಫೌಂಡೇಶನ್ ನೀಡಿತ್ತು.
ಇನ್ನು ತಮ್ಮ ಮಕ್ಕಳಿಗೆ ಲಸಿಕೆ ನೀಡಲಾಗುತ್ತಿದೆ ಎಂಬುದು ಅವರ ಪಾಲಕರಿಗೂ ಗೊತ್ತಿರಲಿಲ್ಲ. ಲಸಿಕೆ ಪಡೆದ ಅನೇಕರು ಅನಾರೋಗ್ಯಕ್ಕೀಡಾಗಿದ್ದರು. ಒಂದಷ್ಟು ಮಂದಿ ಸಾವನ್ನಪ್ಪಿದ್ದಾರೆ. ಈ ಬಗ್ಗೆ ಇತ್ತೀಚೆಗೆ ಗ್ರೇಟ್ ಗೇಮ್ ಇಂಡಿಯಾ ಒಂದು ಲೇಖನ ಪ್ರಕಟಿಸಿದೆ. ಅದರಲ್ಲಿ ಬಿಲ್ ಗೇಟ್ಸ್ರಿಂದ ಹಣದ ನೆರವು ಪಡೆದ ಪಾಥ್ ಎನ್ಜಿಒ ಬುಡಕಟ್ಟು ಜನಾಂಗದ ಹೆಣ್ಣುಮಕ್ಕಳನ್ನು ಹೇಗೆ ಹತ್ಯೆ ಮಾಡಿತು ಎಂಬ ಬಗ್ಗೆ ವಿವರಿಸಲಾಗಿದೆ. ಮೇ 25ರಂದು ವಿಷಯ ಬಹಿರಂಗವಾದ ಬೆನ್ನಲ್ಲೇ ಅರೆಸ್ಟ್ ಬಿಲ್ಗೇಟ್ಸ್ ಎಂಬ ಹ್ಯಾಷ್ಟ್ಯಾಗ್ನಡಿ ಭಾರತೀಯರು ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
DOCTYPE html>
