ಕಳೆದ ಅಧ್ಯಯನ ವರ್ಷ 2.6 ಲಕ್ಷ ಮಕ್ಕಳಿಗೆ ಡಿಜಿಟಲ್ ಕಲಿಕಾ ಸಾಮಗ್ರಿಗಳು ಇರಲಿಲ್ಲ: ಆದರೂ ಪರಿಹರಿಸಲಾಗಿದೆ: ಶಿಕ್ಷಣ ಸಚಿವ: ಸಚಿವರ ಅಂಕಿ ಅಂಶಗಳು ತಪ್ಪು ಎಂದು ಪ್ರತಿಪಕ್ಷದ ನಾಯಕ

               ತಿರುವನಂತಪುರ:ಕಳೆದ ವರ್ಷ ರಾಜ್ಯದ 2.6 ಲಕ್ಷ ವಿದ್ಯಾರ್ಥಿಗಳಿಗೆ ಡಿಜಿಟಲ್ ಕಲಿಕಾ ಸಾಮಗ್ರಿಗಳು ಇರಲಿಲ್ಲ ಮತ್ತು ಅದನ್ನು ದೊಡ್ಡ ಪ್ರಮಾಣದಲ್ಲಿ ಪರಿಹರಿಸಲಾಗಿದೆ ಎಂದು ಶಿಕ್ಷಣ ಸಚಿವರು ವಿಧಾನಸಭೆಯಲ್ಲಿ ತಿಳಿಸಿದ್ದಾರೆ.

              ಸಚಿವ ವಿ ಶಿವಂಕುಟ್ಟಿ ಅವರು ಎಷ್ಟು ಸಾಧ್ಯವೋ ಅಷ್ಟು ಮಕ್ಕಳು ಆನ್‍ಲೈನ್ ತರಗತಿಗಳಲ್ಲಿ ಭಾಗವಹಿಸಲು ಸಾಧ್ಯವಾಯಿತು ಎಂದು ಹೇಳಿದರು. ಆದರೆ, ಸಚಿವರು ನೀಡಿದ ಅಂಕಿಅಂಶಗಳು ತಪ್ಪಾಗಿವೆ ಮತ್ತು 7 ಲಕ್ಷ ಮಕ್ಕಳಿಗೆ ಡಿಜಿಟಲ್ ಶಿಕ್ಷಣದಿಂದ ವಂಣಚಿತರಾಗಿದ್ದರು ಎಂದು ವಿಜ್ಞಾನ ಸಾಹಿತ್ಯ ಪರಿಷತ್ ವರದಿಯಲ್ಲಿ ಹೇಳಲಾಗಿದೆ ಎಂದು ಪ್ರತಿಪಕ್ಷದ ನಾಯಕ ವಿ.ಡಿ.ಸತೀಶನ್ ಸದನದಲ್ಲಿ ತಿಳಿಸಿದರು. 

           ಶೇ.40 ಮಕ್ಕಳು ಆನ್‍ಲೈನ್ ತರಗತಿಗಳಿಗೆ ಹಾಜರಾಗಿರಲಿಲ್ಲ.  ಪ್ಲಸ್ ಟು ತರಗತಿಗಳು ಪ್ರಾರಂಭವಾದ ಮೂರು ತಿಂಗಳ ಬಳಿಕ  ಪ್ಲಸ್ ಒನ್ ಪರೀಕ್ಷೆಯನ್ನು ಹೇಗೆ ನಡೆಸಲಾಗುವುದು ಎಂದು ವಿ.ಡಿ. ಸತೀಶನ್ ಗುರುವಾರ ಸದನದಲ್ಲಿ ಕೇಳಿದರು. 

          ಕೆಲ್ಟ್ರಾನ್‍ನ ವಿತರಿಸಬೇಕಾದ ಲ್ಯಾಪ್‍ಟಾಪ್ ಯೋಜನೆ  ಸರಿಯಾದ ದಾರಿಯಲ್ಲಿ ಸಾಗುತ್ತಿಲ್ಲ ಶಾಸಕಿ ರೋಜಿ ಎಂ. ಜಾನ್  ತುರ್ತು ಅಗತ್ಯದ ನೋಟಿಸ್‍ನಲ್ಲಿ ತಿಳಿಸಿದ್ದಾರೆ. ಸದನದಲ್ಲಿ ಸರ್ಕಾರವು ತುರ್ತು ನಿರ್ಣಯ ಕೈಗೊಳ್ಳದಿದ್ದರೂ ಪ್ರತಿಪಕ್ಷ ವಿಧಾನಸಭೆಯನ್ನು ಬಹಿಷ್ಕರಿಸದೆ ತೆಪ್ಪಗಾದರು.