ಕೊರೊನಾ ಬಳಿಕ ಮತ್ತೊಂದು ಸಂಕಷ್ಟಕ್ಕೆ ಸಿಲುಕಿದ ಅಮೆರಿಕಾ

           ವಾಶಿಂಗ್ಟನ್: ತಾನು ಸೇರಿಕೊಂಡ ಜೀವಿಯ ದೇಹದ ಮಾಂಸವನ್ನೇ ತಿನ್ನಬಲ್ಲ ಲೆಯ್‌ಶ್ಮೇನಿಯಾ ಹೆಸರಿನ ಪ್ಯಾರಾಸೈಟ್ ಒಂದು ಮತ್ತೊಮ್ಮೆ ಸುದ್ದಿಗೆ ಬಂದಿದೆ. ಜಗತ್ತಿನ 92 ದೇಶಗಳಲ್ಲಿ ಇರುವ ಈ ಪರಾವಲಂಬಿಯು ಜಗತ್ತಿನಾದ್ಯಂತ ಪ್ರತಿವರ್ಷ 20 ಲಕ್ಷಕ್ಕೂ ಹೆಚ್ಚು ಮಂದಿಗೆ ಬಾಧಿಸುತ್ತಾ ಬಂದಿದ್ದು, ಇವರ ಪೈಕಿ 70,000 ಮಂದಿ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ ಎಂದು ಅಮೆರಿಕದ ರಾಷ್ಟ್ರೀಯ ಆರೋಗ್ಯ ದತ್ತಾಂಶ ಸಂಸ್ಥೆ ತಿಳಿಸುತ್ತದೆ.

            ಇದೀಗ ಈ ಪರಾವಲಂಬಿ ಕ್ರಿಮಿಯು ಅಮೆರಿಕದ ಉತ್ತರದ ರಾಜ್ಯಗಳಿಗೆ ಹಬ್ಬುವ ಭೀತಿಯನ್ನು ತಜ್ಞರು ವ್ಯಕ್ತಪಡಿಸಿದ್ದು, ಈ ಕ್ರಿಮಿಗಳ ಸ್ವಾಭಾವಿಕ ಜಾಗಗಳ ಮೇಲೆ ಮಾನವರ ದಾಳಿ ಹಾಗೂ ಹವಾಮಾನ ಬದಲಾವಣೆಯಿಂದ ಹೀಗೆ ಆಗುತ್ತಿದೆ ಎಂದು ತಿಳಿಸಿದ್ದಾರೆ.

            ಅನೇಕ ಅವತಾರಗಳಲ್ಲಿ ಇರುವ ಈ ಪರಾವಲಂಬಿಯು ಮರಳು ನೊಣಗಳ ಮೂಲಕ ಮಾನವರ ದೇಹ ಹೊಕ್ಕಬಲ್ಲವು. ಭಾರತದಲ್ಲಿ ಈ ಪರಾವಲಂಬಿಯನ್ನು ಕಾಲಾ ಅಜರ್‌ (ವಿಸೆರಲ್‌ ಲೈಶ್ಮಾನಿಯಾಸಿಸ್) ಎಂದು ಕರೆಯಲಾಗುತ್ತದೆ.