HEALTH TIPS

ಶ್ವಾನದಿಂದ ಶುರುವಾದ ಲವ್​ಸ್ಟೋರಿ: ಇದು ಇಂಗ್ಲಿಷ್​ ಲೇಡಿ-ಕೇರಳ ಯುವಕನ ಅಪರೂಪದ ಪ್ರೇಮ ಕತೆ!

             ಕೋವಲಂ: ಪ್ರೀತಿಗೆ ಯಾವುದೇ ಜಾತಿ, ಧರ್ಮ, ಭಾಷೆ, ಗಡಿ ಹಾಗೂ ವಯಸ್ಸಿನ ಮಿತಿ ಇಲ್ಲ. ಪವಿತ್ರ ಪ್ರೀತಿ ಎಲ್ಲವನ್ನು ಮೀರಿದ್ದು ಎನ್ನುವುದಕ್ಕೆ ಕೇರಳದ ಈ ಒಂದು ಲವ್​ಸ್ಟೋರಿ ಉತ್ತಮ ಉದಾಹರಣೆ ಆಗಿದೆ. ಆತ ಕೇರಳದ ಒಂದು ಪುಟ್ಟ ಹಳ್ಳಿಯ ಯುವಕ. ಆಕೆ ಇಂಗ್ಲಿಷ್​​ ಲೇಡಿ. ಇಬ್ಬರಿಗೂ ಎಲ್ಲಿಂದೆಲ್ಲಿ ಸಂಬಂಧ ಅಂದುಕೊಂಡರು ಇಬ್ಬರನ್ನು ಪ್ರೀತಿ ಎಂಬ ಸೇತುವೆ ಬೆಸಿದಿದೆ.

           ಯುವಕನ ಹೆಸರು ಕನ್ನಪ್ಪನ್​ ಹಾಗೂ ಇಂಗ್ಲಿಷ್​ ಲೇಡಿಯ ಹೆಸರು ಮಿರಾಂಡಾ. ಇಬ್ಬರ ಲವ್​ ಸ್ಟೋರಿ ಯಾವ ಸಿನಿಮಾ ಸ್ಟೋರಿಗೂ ಕಡಿಮೆ ಇಲ್ಲ. ಇಬ್ಬರ ಲವ್ ಸ್ಟೋರಿ ಶುಭಾಂತ್ಯಗೊಂಡು ಇದೀಗ ತಮ್ಮ ಮಗುವಿನ ಸಮ್ಮುಖದಲ್ಲಿ ಅವದುಥುರಾ ದೇವಸ್ಥಾನದಲ್ಲಿ ಇಬ್ಬರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇಬ್ಬರನ್ನು ಒಂದು ಮಾಡಿದ್ದು, ಒಂದು ಪುಟ್ಟ ನಾಯಿ ಎಂಬುದೇ ವಿಶೇಷ. ಆ ನಾಯಿಯ ಹೆಸರು ಜೈಕಾ. ಮದುವೆ ಬಳಿಕ ಇಬ್ಬರು ಜೈಕಾ ಜತೆ ಸುಂದರ ಫೋಟೋ ಶೂಟ್​ ಕೂಡ ಮಾಡಿಸಿದ್ದಾರೆ.

         ಇಬ್ಬರ ಲವ್​ ಸ್ಟೋರಿಯ ಬಗ್ಗೆ ಹೇಳುವುದಾದರೆ, ಜೈಕಾ ಒಮ್ಮೆ ಅನಿರೀಕ್ಷಿತವಾಗಿ ಅರಣ್​ ಚಂದ್ರನ್​ (ಕಣ್ಣಪ್ಪನ್​) ಮನೆಗೆ ಓಡಿ ಹೋಗುತ್ತದೆ. ಅದನ್ನು ಹುಡುಕಿಕೊಂಡು ಮಿರಾಂಡ ಅವರ ಮನೆಗೆ ಬರುತ್ತಾರೆ. ಬಳಿಕ ಇಬ್ಬರಿಗೂ ಪರಸ್ಪರ ಪರಿಚಯವಾಗುತ್ತದೆ. ಇದೇ ಪರಿಚಯ ಸ್ನೇಹಕ್ಕೆ ತಿರುಗುತ್ತದೆ. ಬಳಿಕ ತುಂಬಾ ಸಲುಗೆ ಬೆಳೆದು ಒಬ್ಬೊರಿಗೊಬ್ಬರು ಪ್ರೀತಿಸಲು ಶುರು ಮಾಡುತ್ತಾರೆ.

ಅಂದಹಾಗೆ ಅರುಣ್​ ಚಂದ್ರನ್​ ಕೊವಲಂಗೆ ಭೇಟಿ ನೀಡುವ ವಿದೇಶಿಗರಿಗೆ ಸಮುದ್ರ ತೀರದಲ್ಲಿ ಸರ್ಫಿಂಗ್​ ಬಗ್ಗೆ ಹೇಳಿಕೊಡುತ್ತಾರೆ. ಮಿರಾಂಡ ಇಂಗ್ಲೆಂಡ್​ ಮೂಲದ ಉದ್ಯಮಿ ಆಗಿದ್ದು, ಲಾಕ್​ಡೌನ್​ಗೂ ಮುಂಚೆ ಕೇರಳದ ಕೊವಲಂ ಪ್ರವಾಸಕ್ಕೆಂದು ಬಂದ ಮಿರಾಂಡ ಲಾಕ್​ಡೌನ್​ನಿಂದಾಗಿ ಪ್ರಯಾಣದ ಮೇಲೆ ಏರಿದ ನಿರ್ಬಂಧದಿಂದಾಗಿ ಇಲ್ಲಿಯೇ ಲಾಕ್​ ಆಗುತ್ತಾರೆ.

            ಇದರ ಪ್ರೀತಿಯ ಬಲೆಯಲ್ಲಿ ಬಿದ್ದಿದ್ದ ಮಿರಾಂಡಗೆ ಮತ್ತೆ ಇಂಗ್ಲೆಂಡ್​ ಹೋಗುವ ಅವಕಾಶ ದೊರೆತರೂ ಹಿಂದಿರುಗದೇ ಅರುಣ್​ ಜತೆಯಲ್ಲೇ ಉಳಿದುಕೊಳ್ಳುತ್ತಾರೆ. ಇಬ್ಬರ ಪ್ರೀತಿ ಅರುಣ್​ ಮನೆಗೆ ತಿಳಿದಿರುತ್ತದೆ. ಹೀಗಿರುವಾಗ ಮಿರಾಂಡ ಗರ್ಭಿಣಿ ಎಂಬ ವಿಚಾರ ತಿಳಿದು ಅರುಣ್​ ಕುಟುಂಬಕ್ಕೆ ಸಂತಸವಾಗುತ್ತದೆ. ಎರಡು ತಿಂಗಳ ಹಿಂದಷ್ಟೇ ಮಿರಾಂಡ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮಗುವಿಗೆ ಸಾಯಿ ಎಂದು ಹೆಸರಿಟ್ಟಿದ್ದಾರೆ. ಮಿರಾಂಡ ಆಸೆಯಂತೆಯೇ ಅಧಿಕೃತವಾಗಿ ಸಾಯಿ ಅರ್ಥೂರ್​ ಲಿಟಲ್​ಗುಡ್​ ಎಂದು ಹೆಸರಿಸಲಾಗಿದೆ.

          ಮಗುವಿಗೆ ಜನ್ಮ ನೀಡಿದ ಬಳಿಕ ಕುಟುಂಬದ ಆಸೆ ನೆರವೇರಿಸಲು ಇಬ್ಬರು ಮದುವೆ ಆಗಲು ನಿರ್ಧರಿಸಿದರು. ಮಗು ಕೂಡ ಮದುವೆ ಮಂಟಪದಲ್ಲಿತ್ತು. ಅದ್ಧೂರಿಯಾಗಿ ಮದುವೆ ಕಾರ್ಯ ಮುಗಿದಿದ್ದು, ಆದಷ್ಟು ಬೇಗ ದಂಪತಿ ಇಂಗ್ಲೆಂಡ್​ಗೆ ತೆರಳುವ ಸಾಧ್ಯತೆ ಇದೆ. 


Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Click to join Samarasasudhi Official Whatsapp Group

Qries

Qries

Below Post Ad


ಜಾಹಿರಾತು














https://blogger.googleusercontent.com/img/b/R29vZ2xl/AVvXsEiDSnXRg29C8xRrYlj8CXm6O4l2UdEq9AkXmnHj8_wZUI5vwXlgdUlkI9NKpNnmUcuyvxBBTZpDZLd6zBDp4lpzuhrcBD3E1kc_Ue2fHWAon6DxsQbBDYIbBWFEdFMkDm8b2BrDGeFAeqUfxis-yOttEwjv85p8aI2cORmg7vxT4p1YoMFWHFDw9vMl/w640-h362/IMG-20230524-WA0250.jpg
Qries