ಕೈಮಗ್ಗ ಉತ್ಪಾದನೆ, ರಫ್ತು ಹೆಚ್ಚಳಕ್ಕೆ ಮಹತ್ವದ ಸಮಿತಿ ರಚಿಸಿದ ಕೇಂದ್ರ ಸರಕಾರ

          

                 ನವದೆಹಲಿ:  ಕೈಮಗ್ಗ ಉತ್ಪನ್ನಗಳ ಉತ್ಪಾದನೆಯನ್ನು ಇಮ್ಮಡಿಗೊಳಿಸಲು ಹಾಗೂ ರಫ್ತು ಪ್ರಮಾಣವನ್ನು ಮುಂದಿನ 3 ವರ್ಷಗಳಲ್ಲಿ 4 ಪಟ್ಟು ಹೆಚ್ಚಿಸಲು ಕೇಂದ್ರ ಸರಕಾರ ಪ್ರತ್ಯೇಕ ಸಮಿತಿ ರಚಿಸಿದೆ. ಇದರಿಂದ ನೇಕಾರರ ಆದಾಯ ವೃದ್ಧಿಸುವ ನಿರೀಕ್ಷೆ ಇದೆ.

                      ಪ್ರಸ್ತುತ 2,500 ಕೋಟಿ ರೂ.ನಷ್ಟಿರುವ ಕೈಮಗ್ಗ ಉತ್ಪನ್ನಗಳ ರಫ್ತನ್ನು 10,000 ಕೋಟಿ ರೂ.ಗೆ ಏರಿಸುವ ಗುರಿ ಹೊಂದಲಾಗಿದೆ. ಹಾಗೂ ಉತ್ಪಾದನೆಯನ್ನು ಇಮ್ಮಡಿಗೊಳಿಸಲು, ಗುಣಮಟ್ಟ ವೃದ್ಧಿಸಲು ಕೂಡ ಸಮಿತಿಯು ತನ್ನ ಶಿಫಾರಸುಗಳನ್ನು ನೀಡಲಿದೆ.

               ಕೈಮಗ್ಗದ ಉತ್ಪಾದನೆ ಸದ್ಯ 60,000 ಕೋಟಿ ರೂ. ಮೌಲ್ಯದ್ದಾಗಿದ್ದು, ಇದನ್ನು ಇಮ್ಮಡಿಗೊಳಿಸಲೂ ಸರಕಾರ ರಚಿಸಿರುವ ಸಮಿತಿ ಕಾರ್ಯತಂತ್ರ ರೂಪಿಸಲಿದೆ.

                   ಫ್ಯಾಷನ್ ಡಿಸೈನ್ ಕೌನ್ಸಿಲ್ ಆಫ್ ಇಂಡಿಯಾದ (ಎಫ್‍ಡಿಸಿಐ) ಅಧ್ಯಕ್ಷ ಸುನಿಲ್ ಸೇಥಿ ನೇತೃತ್ವದಲ್ಲಿ ಸಮಿತಿ ರಚನೆಯಾಗಿದೆ. ಎನ್ ಐಎಫ್‍ಟಿಯ ಪೆÇ್ರಫೆಸರ್ ಸುಧಾ ಧಿಂಗ್ರಾ, ಲೇಖಕಿ ಶೆಫಾಲಿ ವೈದ್ಯ, ಕೈಮಗ್ಗ ತಜ್ಞೆ ಅನಘಾ, ಡಾ.ಕೆ.ಎನ್ ಪ್ರಭು, ಹೇತಲ್ ಮೆಹ್ತಾ ಮೊದಲಾದವರು ಕೇಂದ್ರ ಸರಕಾರ ರಚಿಸಿರುವ ಸಮಿತಿಯಲ್ಲಿದ್ದಾರೆ.