ಒಂದು ತಿಂಗಳಲ್ಲಿ 88 ಲಕ್ಷ ಡೋಸ್ ಲಸಿಕೆ ವಿತರಣೆ: ವ್ಯಾಕ್ಸಿನೇಷನ್ ನ ಒಂದು ದೊಡ್ಡ ಯಶಸ್ಸು: ಸೆಪ್ಟೆಂಬರ್ ಅಂತ್ಯದ ವೇಳೆಗೆ 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರಿಗೂ ಮೊದಲ ಡೋಸ್ ಪೂರ್ಣಗೊಳಿಸುವ ಲಕ್ಷ್ಯ: ಆರೋಗ್ಯ ಸಚಿವೆ

                              

                     ತಿರುವನಂತಪುರಂ: ಕೇರಳದಲ್ಲಿ ಲಸಿಕಾ ಅಭಿಯಾನವು ಅತ್ಯಂತ ಯಶಸ್ವಿಯಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿರುವರು. ಆಗಸ್ಟ್ ತಂಗಳಲ್ಲಿ 88,23,524 ಡೋಸ್ ಲಸಿಕೆ ವಿತರಿಸಲಾಗಿದೆ. ಈ ಪೈಕಿ 70,89,202 ಮಂದಿಗೆ ಮೊದಲ ಡೋಸ್ ಮತ್ತು 17,34,322 ಮಂದಿಗೆ ಎರಡನೇ ಡೋಸ್ ಲಸಿಕೆ ನೀಡಲಾಗಿದೆ. ರಾಜ್ಯದ ಬೇಡಿಕೆಯ ಮೇರೆಗೆ ಕೇಂದ್ರವು ಹೆಚ್ಚುವರಿ ಲಸಿಕೆಗಳನ್ನು ಮಂಜೂರು ಮಾಡಿದೆ ಎಂದು ಅವರು ಹೇಳಿದರು.

                  ಕೇಂದ್ರವು ರಾಜ್ಯಕ್ಕೆ ಈವರೆಗೆ 70,35,940 ಡೋಸ್ ಲಸಿಕೆಗಳನ್ನು ಒದಗಿಸಿದ್ದು, 58,99,580 ಕೋವ್‍ಶೀಲ್ಡ್ ಡೋಸ್‍ಗಳು ಮತ್ತು 11,36,360 ಡೋಸ್ ಕೋವಾಕ್ಸಿನ್ ಗಳನ್ನು ಕಳಿಸಿದೆ. ಇದರ ಜೊತೆಗೆ, ಕೆಎಂಎಸ್ ಸಿಎಲ್ ನಿಧಿಯಿಂದ 2.5 ಲಕ್ಷ ಡೋಸ್ ಕೋವಿಚೀಲ್ಡ್ ಲಸಿಕೆಯನ್ನು ಖರೀದಿಸಲಾಗಿದೆ. ಇದರೊಂದಿಗೆ, ಕಳೆದ ತಿಂಗಳಲ್ಲಿ 72,85,940 ಡೋಸ್ ಲಸಿಕೆಗಳನ್ನು ರಾಜ್ಯಕ್ಕೆ ಲಭ್ಯಗೊಳಿಸಲಾಗಿದೆ. ಇದರ ಜೊತೆಗೆ, ಕೆಎಂಎಸ್ ಸಿ ಎಲ್ ರಾಜ್ಯವು ಒಟ್ಟು 10 ಲಕ್ಷ ಡೋಸ್ ಕೋವಿಚೀಲ್ಡ್ ಲಸಿಕೆಯನ್ನು ಖರೀದಿಸಿದೆ ಎಂದು ವೀಣಾ ಜಾರ್ಜ್ ಹೇಳಿದರು

                  ಮುಖ್ಯಮಂತ್ರಿಗಳ ಸೂಚನೆಯಂತೆ ರಾಜ್ಯದಲ್ಲಿ ಆಗಸ್ಟ್  9 ರಂದು ಲಸಿಕಾ ಅಭಿಯಾನ ಆರಂಭವಾಯಿತು. ತರುವಾಯ, ಆಗಸ್ಟ್ 13 ಮತ್ತು 14 ರಂದು ರಾಜ್ಯದಲ್ಲಿ 5 ಲಕ್ಷ ಜನರಿಗೆ ಲಸಿಕೆ ಹಾಕಲಾಯಿತು. 4 ಲಕ್ಷ ಜನರಿಗೆ 6 ದಿನಗಳು (12, 23, 25, 27, 30, 31), 3 ಲಕ್ಷ ಜನರಿಗೆ 5 ದಿನಗಳು (2, 15, 16, 17, 24), 2 ಲಕ್ಷ ಜನರಿಗೆ 9 ದಿನಗಳು (3, 6, 7) , 9, 11, 18, 19, 26, 29) ಮತ್ತು 1 ಲಕ್ಷ ಜನರಿಗೆ (1, 4, 5, 20, 28) 5 ದಿನಗಳಲ್ಲಿ ಲಸಿಕೆ ಹಾಕಲಾಗಿದೆ. ವ್ಯಾಕ್ಸಿನೇಷನ್ ಡ್ರೈವ್ ನ್ನು ಹಂತಗಳಲ್ಲಿ ನಡೆಸಲಾಯಿತು.

                       ಲಸಿಕೆಯನ್ನು ಶಿಕ್ಷಕರು, ಇತರ  ಕಾಯಿಲೆ ಇರುವ ಜನರು ಮತ್ತು ಕಾಲೇಜು ವಿದ್ಯಾರ್ಥಿಗಳಿಗೆ ನೀಡಲಾಗುತ್ತಿದೆ. ಶಿಕ್ಷಕರ ವ್ಯಾಕ್ಸಿನೇಷನ್ ನ್ನು ಶಿಕ್ಷಕರ ದಿನವಾದ ಸೆಪ್ಟೆಂಬರ್ 5 ರೊಳಗೆ ಪೂರ್ಣಗೊಳಿಸಲಾಗುವುದು. ಸೆಪ್ಟೆಂಬರ್ ಅಂತ್ಯದ ವೇಳೆಗೆ 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರಿಗೂ ಲಸಿಕೆಯ ಮೊದಲ ಡೋಸ್ ನೀಡಲು ಪ್ರಯತ್ನಿಸಲಾಗುತ್ತಿದೆ ಎಂದು ಆರೋಗ್ಯ ಸಚಿವರು ಹೇಳಿದರು.