ಧ್ಯಾನ ಮಾಡಲು ಸಮುದ್ರ ಬಂಡೆಗೆ ತೆರಳಿದ್ದ ಯುವಕ ಹೆದ್ದೆರೆಗಳಿಗೆ ಸಿಲುಕಿ ಅಪಾಯ: ಮರಳಿ ಮರಳೆನೆಂಬ ಹಠ: ಕೊನೆಗೆ ಏನಾಯಿತು

                                                  

               ಕಣ್ಣೂರು: ದೊಡ್ಡ ಬಂಡೆಯ ಮೇಲೆ ಧ್ಯಾನ ಮಾಡಲು ಹೋದ ಯುವಕ ಸಮುದ್ರ ಬಿರುಗಾಳಿಗೆ ಸಿಲುಕಿದ ಘಟನೆ ನಡೆದಿದೆ. ಎಡೆಯಕ್ಕಾಡ್ ಮೂಲದ ರಾಜೇಶ್ ಸಮುದ್ರದಲ್ಲಿನ ಬಂಡೆಯಲ್ಲಿ ಸಿಲುಕಿಕೊಂಡವರು.  ಅಗ್ನಿಶಾಮಕ ಸಿಬ್ಬಂದಿ ಮತ್ತು ಸ್ಥಳೀಯರು ಆತನನ್ನು ದಡಕ್ಕೆ ಕರೆತಂದರು. ಶನಿವಾರ ಬೆಳಗ್ಗೆ 7.30 ರ ಸುಮಾರಿಗೆ ಈ ಘಟನೆ ನಡೆದಿದೆ.

                 ಅವರು ಕಣ್ಣೂರು ನಗರಸಭೆ  ವ್ಯಾಪ್ತಿಯಲ್ಲಿರುವ ಎಡಕ್ಕಾಡ್ ತೋಟದ ಎದರಕ್ಕಡಪ್ಪುರಂನಲ್ಲಿರುವ ಚೇರಾ ರೆಸಾರ್ಟ್ ಬಳಿಯ ಬಂಡೆಯ ಮೇಲೆ ಧ್ಯಾನ ಮಾಡಲು ತೆರಳಿದ್ದÀನು.  ಬಂಡೆಯು ಸಮುದ್ರದಿಂದ 200 ಮೀಟರ್ ದೂರದಲ್ಲಿದೆ. ಬಳಿಕ ಬಹಳ ಕಷ್ಟದಿಂದ ದಡಕ್ಕೆ ಕರೆತರಲಾಯಿತು. ಮೊದಲು ರಕ್ಷಣಾ ಕಾರ್ಯಕರ್ತರೊಂದಿಗೆ ದಡಕ್ಕೆ ಬರಲು ಒಪ್ಪಲಿಲ್ಲ. ತದನಂತರ ಬಲವಂತವಾಗಿ ಕರೆತರಲಾಯಿತು. 

              ಬೃಹತ್ ಅಲೆಗಳು ಬಂಡೆಗೆ ಅಪ್ಪಳಿಸುವುದನ್ನು ಕಂಡ ಸ್ಥಳೀಯರು ಪೋಲೀಸರಿಗೆ ಮಾಹಿತಿ ನೀಡಿದರು. ನಂತರ ಅಗ್ನಿಶಾಮಕ ದಳ ಕಣ್ಣೂರಿನಿಂದ ತಲುಪಿತು. ಅವರು ಲೈಫ್ ಜಾಕೆಟ್, ಲೈಫ್ ಬಾಯ್ ಮತ್ತು ಹಗ್ಗದಂತಹ ಸುರಕ್ಷತಾ ಸಾಧನಗಳೊಂದಿಗೆ ದಡಕ್ಕೆ ಕರೆತಂದರು.