ನವದೆಹಲಿ: ಸುಪ್ರೀಂ ಕೋರ್ಟ್ ಹಾಗೂ ರಾಜ್ಯಗಳ ಹೈಕೋರ್ಟ್ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸು 65 ವರ್ಷ ಮೀರಬಾರದು ಎಂದು ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಎಸ್. ರವೀಂದ್ರ ಭಟ್ ಹೇಳಿದ್ದಾರೆ.
ನ್ಯಾಯಾಧೀಶರ ನಿವೃತ್ತಿ ವಯಸ್ಸು ಏರಿಕೆ ಮಾಡಬೇಕೆಂದು ದಿಲ್ಲಿ ಹೈಕೋರ್ಟ್ ನ್ಯಾಯಮೂರ್ತಿಗಳು ನೀಡಿದ್ದ ಹೇಳಿಕೆಯನ್ನ ಅವರು ತಳ್ಳಿ ಹಾಕಿದ್ದಾರೆ. ಹೈಕೋರ್ಟ್‍ಗಳ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸನ್ನು 65 ವರ್ಷಗಳವರೆಗೂ ಏರಿಕೆ ಮಾಡಬಹುದೇನೋ.. ಆದ್ರೆ, ಅದಕ್ಕಿಂತಾ ಹೆಚ್ಚು ವಿಸ್ತರಣೆ ಬೇಡ ನ್ಯಾಯಮೂರ್ತಿ ಭಟ್ ಅಭಿಪ್ರಾಯಪಟ್ಟಿದ್ದಾರೆ.
ನಾವು ಈ ವಯಸ್ಸಿನವರೆಗೂ ವೃತ್ತಿ ಬದುಕಿನ ಒತ್ತಡಗಳನ್ನು ಸಹಿಸಬಹುದು. ಆ ನಂತರ ನಾವು ವಿಶ್ರಾಂತಿ ಪಡೆಯಬೇಕು. ಆಲೋಚನೆಗಳನ್ನು ಮಾಡಬೇಕು, ನಮಗಿಂತಾ ಚಿಕ್ಕ ವಯಸ್ಸಿನವರನ್ನು ಗುರ್ತಿಸಿ ಅವರಿಗೆ ಜವಾಬ್ದಾರಿ ನೀಡಬೇಕೆಂದು ಅವರು ಹೇಳಿದ್ದಾರೆ.
ಸದ್ಯ ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸು 65 ವರ್ಷಕ್ಕೆ ನಿಗದಿಯಾಗಿದೆ. ಆದರೆ, ಹೈಕೋರ್ಟ್‍ಗಳ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸನ್ನು 62 ವರ್ಷಕ್ಕೆ ಸೀಮಿತ ಮಾಡಲಾಗಿದೆ.
ನಿವೃತ್ತಿ ವಯಸ್ಸಿನ ಮಿತಿಯನ್ನು ಏರಿಕೆ ಮಾಡೋದನ್ನು ವಿರೋಧಿಸಿರುವ ನ್ಯಾಯಮೂರ್ತಿ ಭಟ್, ನಮಗಿಂತಾ ಕಿರಿಯರಿಗೆ ಅವಕಾಶಗಳು ಸಿಗಬೇಕು, ಅವರು ನ್ಯಾಯಮೂರ್ತಿಗಳಾಗಿ ಸೇವೆ ಸಲ್ಲಿಸಬೇಕೆಂದು ಅಭಿಪ್ರಾಯಪಟ್ಟಿದ್ದಾರೆ.
ಕಿರಿಯರು ನ್ಯಾಯ ಪೀಠಕ್ಕೆ ಬಂದರೆ ಹೊಸ ಮನಸ್ಥಿತಿ, ಯೋಜನೆಗಳನ್ನು ಹೊತ್ತು ಬರುತ್ತಾರೆ. ಪೀಠಕ್ಕೆ ಉತ್ಸಾಹ ಹಾಗೂ ಹೊಸತನ ತುಂಬುತ್ತಾರೆ. ಹೊಸ ಮಾಹಿತಿಗಳೊಂದಿಗೆ ಅವರು ಬರುತ್ತಾರೆ. ಆದ್ರೆ, ಹಳಬರಾದ ನಾವು ಹೊಸತನಕ್ಕೆ ದಾರಿ ಮಾಡಿಕೊಡೋದಿಲ್ಲ ಎಂಬರ್ಥದಲ್ಲಿ ನ್ಯಾಯಮೂರ್ತಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಭಾರತೀಯ ತೆರಿಗೆ ಪದ್ದತಿ ಕುರಿತಂತೆ ಅಸೀಮ್ ಚಾವ್ಲಾ ಅವರು ಬರೆದಿರುವ ‘ಫೈಂಡಿಂಗ್ ಎ ಸ್ಟ್ರೈಟ್ ಲೈನ್ ಬಿಟ್ವೀನ್ ಟ್ವಿಸ್ಟ್ ಅಂಡ್ ಟರ್ನ್’ ಎಂಬ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಭಾಗವಹಿಸಿದ್ದ ವೇಳೆ ಜಸ್ಟೀಸ್ ಭಟ್ ಅವರು ಈ ಅಭಿಪ್ರಾಯ ವ್ಯಕ್ತಪಡಿಸಿದರು.
DOCTYPE html>
