‘ಮುಖ್ಯ ಶಿಕ್ಷಕಿಯನ್ನು ಸ್ವಾಗತಿಸಲು ಶಾಲೆಯಲ್ಲಿ ಸಂಭ್ರಮ’; ಕಾದದ್ದೇ ಬಂತು: ಎರಡೂವರೆ ವರ್ಷಗಳ ಹಿಂದೆಯೇ ಕಾಲವಾದ ಶಿಕ್ಷಕಿ ಬರಲೇ ಇಲ್ಲ: ಶಿಕ್ಷಣ ಇಲಾಖೆಯ ಹೀಗೊಂದು ಎಡವಟ್ಟು;

                                                    

                    ಕೊಲ್ಲಂ: ಎರಡೂವರೆ ವರ್ಷಗಳ ಹಿಂದೆ ಮೃತಪಟ್ಟ ಶಿಕ್ಷಕಿಯೊಬ್ಬರು ಬಡ್ತಿಯೊಂದಿಗೆ ವರ್ಗಾವಣೆಗೊಂಡಿದ್ದಾರೆ. ಕೊಲ್ಲಂ ಪುತ್ತೂರು ಕರಿಕಲ್ ಸರ್ಕಾರಿ ಎಲ್ ಪಿ ಶಾಲೆಯಲ್ಲಿ ಘಟನೆ ನಡೆದಿದೆ. ದಿವಂಗತ ಶಿಕ್ಷಕರನ್ನು ಶಾಲೆಯ ಮುಖ್ಯ ಶಿಕ್ಷಕರಾಗಿ ನೇಮಿಸಲಾಯಿತು.

                 ಕೊಲ್ಲಂನ ಪುತ್ತೂರು ಕರಿಕಲ್ ಸರ್ಕಾರಿ ಎಲ್ ಪಿ ಶಾಲೆಗೆ ಒಂದೂವರೆ ವರ್ಷದಿಂದ ಮುಖ್ಯ ಶಿಕ್ಷಕರಿದ್ದಿರಲಿಲ್ಲ. ಹೊಸ ಟೀಚರ್ ಬರುತ್ತಾರೆಂಬ ಸುದ್ದಿ ಕೇಳಿ ಶಾಲೆಯ ಅಧಿಕಾರಿಗಳು ತುಂಬಾ ಖುಷಿಪಟ್ಟರು. ಹೊಸದಾಗಿ ನೇಮಕಗೊಂಡ ಮುಖ್ಯಶಿಕ್ಷಕಿಯನ್ನು ಸಂಭ್ರಮದಿಂದ ಸ್ವಾಗತಿಸಲು ಸಿದ್ಧತೆ ನಡೆಸುತ್ತಿರುವಾಗಲೇ ಮೃತಪಟ್ಟ ವಿಷಯ ಬೆಳಕಿಗೆ ಬಂದಿದೆ. 

                   ಅಕ್ಟೋಬರ್ 27 ರಂದು ಶಾಲಾ ಅಧಿಕಾರಿಗಳಿಗೆ ಶಿಕ್ಷಕರನ್ನು ನೇಮಿಸಿರುವ ಬಗ್ಗೆ  ಆದೇಶ ಬಂದಿತ್ತು. ಆದರೆ ಇಲ್ಲಿಯವರೆಗೆ ಯಾರೂ ಶಾಲೆಗೆ ಬಂದಿರಲಿಲ್ಲ. ಬಳಿಕ ತನಿಖೆ ನಡೆಸಿದಾಗ ಶಿಕ್ಷಕಿ ಸಾವನ್ನಪ್ಪಿರುವ ವಿಷಯ ಅಧಿಕಾರಿಗಳಿಗೆ ತಿಳಿಯಿತು.

                   ಘಟನೆಯ ಬಗ್ಗೆ ಬಳಿಕ ಶಿಕ್ಷಣ ಇಲಾಖೆ ವಿವರಣೆ ನೀಡಿದೆ. ಇದು ತಾಂತ್ರಿಕ ದೋಷವಾಗಿದ್ದು, ಶೀಘ್ರವೇ ಪಟ್ಟಿಯನ್ನು ಪರಿಷ್ಕರಿಸಿ ಶಾಲೆಗೆ ಶೀಘ್ರವೇ ನೇಮಕಾತಿ ನಡೆಸಲಾಗುವುದು ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.