ರಾಜ್ಯದಲ್ಲಿ ಇಂದು 2474 ಮಂದಿಗೆ ಕೋವಿಡ್ ಪತ್ತೆ: ಎರ್ನಾಕುಳಂನಲ್ಲಿ ಹೆಚ್ಚು ಸೋಂಕಿತರು

                                             

              ತಿರುವನಂತಪುರ: ಕೇರಳದಲ್ಲಿ ಇಂದು 2474 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಎರ್ನಾಕುಳಂ 419, ತಿರುವನಂತಪುರ 405, ಕೋಝಿಕ್ಕೋಡ್ 273, ತ್ರಿಶೂರ್ 237, ಕೊಟ್ಟಾಯಂ 203, ಕಣ್ಣೂರು 178, ಕೊಲ್ಲಂ 167, ಪತ್ತನಂತಿಟ್ಟ 158, ಮಲಪ್ಪುರಂ 102, ವಯನಾಡ್ 90, ಅಲಪ್ಪುಳ 87, ಇಡುಕ್ಕಿ  60, ಪಾಲಕ್ಕಾಡ್ 60, ಕಾಸರಗೋಡು 35 ಎಂಬಂತೆ ಸೋಂಕು ದೃಢಪಡಿಸಲಾಗಿದೆ. 

                    ಕಳೆದ 24 ಗಂಟೆಗಳಲ್ಲಿ 60,597 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಸಾಪ್ತಾಹಿಕ ಸೋಂಕಿನ ಜನಸಂಖ್ಯೆಯ ಅನುಪಾತ 10 ಕ್ಕಿಂತ ಹೆಚ್ಚಿನ 5 ಸ್ಥಳೀಯಾಡಳಿತ ಪ್ರದೇಶಗಳಲ್ಲಿ 6 ವಾರ್ಡ್‍ಗಳಿವೆ. ಇಲ್ಲಿ ಕಟ್ಟುನಿಟ್ಟಿನ ನಿಯಂತ್ರಣ ಇರಲಿದೆ.

                ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 1,16,378 ಮಂದಿ ಜನರು ನಿಗಾದಲ್ಲಿದ್ದಾರೆ. ಇವರಲ್ಲಿ 1,12,641 ಮಂದಿ ಮನೆ/ ಸಾಂಸ್ಥಿಕ ಕ್ವಾರಂಟೈನ್‍ನಲ್ಲಿದ್ದಾರೆ ಮತ್ತು 3737 ಮಂದಿ ಆಸ್ಪತ್ರೆಯ ನಿಗಾದಲ್ಲಿದ್ದಾರೆ. 197 ಮಂದಿ ಹೊಸದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

                    ಪ್ರಸ್ತುತ 20,400 ಕೊರೋನಾ ಪ್ರಕರಣಗಳಲ್ಲಿ, ಕೇವಲ 11 ಪ್ರತಿಶತದಷ್ಟು ಜನರು ಆಸ್ಪತ್ರೆಗಳು / ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಾಗಿದ್ದಾರೆ. 

                   ಕಳೆದ 24 ಗಂಟೆಗಳಲ್ಲಿ ಕೋವಿಡ್ ಬಾಧಿಸಿ  38 ಮಂದಿ ಮೃತರಾಗಿದ್ದಾರೆ. ಅಲ್ಲದೆ, ಸುಪ್ರೀಂ ಕೋರ್ಟ್‍ನ ಹೊಸ ಮಾರ್ಗಸೂಚಿಗಳ ಅಡಿಯಲ್ಲಿ ಕೇಂದ್ರ ಸರ್ಕಾರ ಮೇಲ್ಮನವಿ ಸಲ್ಲಿಸಿದ 206 ಸಾವುಗಳು ವರದಿಯಾಗಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಾವಿನ ಸಂಖ್ಯೆ 47,066ಕ್ಕೆ ಏರಿಕೆಯಾಗಿದೆ.

               ಇಂದು ಸೋಂಕು  ಪತ್ತೆಯಾದವರಲ್ಲಿ 24 ಮಂದಿ ಹೊರ ರಾಜ್ಯದವರು. 2302 ಮಂದಿ ಜನರು ಸಂಪರ್ಕದಿಂದ ಸೋಂಕಿಗೆ ಒಳಗಾಗಿದ್ದಾರೆ. 121 ಮಂದಿಯ ಸಂಪರ್ಕ ಮೂಲ ಸ್ಪಷ್ಟವಾಗಿಲ್ಲ. ಇಂದು ಇಪ್ಪತ್ತೇಳು ಮಂದಿ ಆರೋಗ್ಯ ಕಾರ್ಯಕರ್ತರಿಗೆ ಕೋವಿಡ್ ಪತ್ತೆಹಚ್ಚಲಾಗಿದೆ.

                   ರೋಗನಿರ್ಣಯ ಮತ್ತು ಚಿಕಿತ್ಸೆ ಪಡೆದ 3052 ಮಂದಿ ಜನರು ಗುಣಮುಖರಾಗಿದ್ದಾರೆ. ತಿರುವನಂತಪುರ 567, ಕೊಲ್ಲಂ 209, ಪತ್ತನಂತಿಟ್ಟ 209, ಆಲಪ್ಪುಳ 93, ಕೊಟ್ಟಾಯಂ 79, ಇಡುಕ್ಕಿ 136, ಎರ್ನಾಕುಳಂ 512, ತ್ರಿಶೂರ್ 278, ಪಾಲಕ್ಕಾಡ್ 128, ಮಲಪ್ಪುರಂ 119, ಕೋಝಿಕ್ಕೋಡ್ 376, ವಯನಾಡ್ 75, ಕಣ್ಣೂರು 185, ಕಾಸರಗೋಡು 86 ಎಂಬಂತೆ ಗುಣಮುಖರಾಗಿದ್ದಾರೆ. ಇದರೊಂದಿಗೆ 20,400 ಮಂದಿ ಜನರಿಗೆ ಕೋವಿಡ್ ಪತ್ತೆಯಾಗಿದ್ದು, ಇನ್ನೂ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದುವರೆಗೆ 51,71,080 ಮಂದಿ ಜನರು ಕೊರೊನಾದಿಂದ ಮುಕ್ತರಾಗಿದ್ದಾರೆ.